Isang inisyatiba ng komunidad ang naglalayong gawing mas bukas ang usapan tungkol sa breast health at hikayatin ang mga Filipina sa Australia na unahin din ang kanilang sariling kalusugan.
Key Points
- Ibinahagi nina Selin Prasad at Katrina Santos-Monses, mga kinatawan na nagtatrabaho sa breast screening at community engagement sa Western Sydney, ang kanilang adbokasiya sa pamamagitan ng Pink Filipiniana.
- Anila, takot, hiya at pag-aalala ang ilan sa mga dahilan kung bakit maaaring ipagpaliban ng ilang kababaihan ang pagpapa-breast screen.
- Layunin ng inisyatiba na maabot ang mas maraming Filipina sa pamamagitan ng pagbibigay ng impormasyon tungkol sa breast cancer, kahalagahan ng maagang pagtuklas at regular na breast screening.
- Bahagi rin ng kampanya ang Pink Filipiniana Gala Dinner sa 17 Oktubre 2026 sa West HQ, Rooty Hill, na magtatampok ng community education, mga kuwento ng breast cancer survivors at impormasyon mula sa health advocates tungkol sa screening at early detection.
“Tanang Tungo sa Ating Dibdib”
A poem by Katrina Santos-Monses/ Tutor Radiographer, Westmead Breast Cancer Institute NSW
Sa paglipas ng panahon at tayo’y singkwenta na
Nariyan ang pagkulubot ng balat, buto’t kalamna’y pagang paga
Hanap-hanap ay salamin sa mga nanlalabong mga mata
Ganap na nga nakarating sa estado ng pagtanda
Sa kabila ng lahat ng unti-unting pagbabago
Katawang wari mong humihingi ng tuwinang saklolo
Sariling kalusugan pagkaisipin, huwag bibitawan at isusuko
Para sa pamilyang umaasa at hindi mabibigo
Tayo’y tila muna tumingin sa dibdib tungo sa harapan
Ating itong ugaliin suriin at pagkaingat-ingatan
Ipaalam, bumisita at magdesisyong magpapamammogram
Para sa mga dibdib makita ang kanilang kalagayan
Ginhawa’y saglit na mawawaksi, sa mga dibdib na iipitin
Ngunit dahil sa kaunting sakripisyo katapat nama’y tahimik na isipin
Kung kanser man ay dumating, ang mammogram ay kayang saklolohin
Madiskobre itong maaga na sa gayong kayang gamutin
Kaya’t sa ating mga kababaihan, makinig ng maigi
Tayo at ang ating dibdib, magsanib at magkampi
Pahalagahan ang mga eksaminsayon at magpamammogram palagi
Dahil sa kalusugan nati’y mauuwi sa tunay na pagwawagi
📢 Where to Catch SBS Filipino
🔊 On Air – Tune in to SBS Filipino on radio stations across Australia and website live stream, and TV Channel 302 from 10 AM to 11 AM AEST daily.
📲 Catch up episodes and stories – Visit sbs.com.au/filipino or stream on Spotify, Apple Podcasts, YouTube Podcasts, and SBS Audio app.
📣 Follow Us on Social Media – Stay updated by following us on Facebook, Instagram and YouTube.
