Mahalagang papel ng mga boluntaryo sa pagsuporta sa pagsulong ng Australia

Tinatayang mahigit 5-milyon ang nagboboluntaryo sa Australia sa pamamagitan ng iba't ibang organisasyon taun-taon, habang nasa 6.5 milyon ang nagbibigay ng impormal na suporta sa pagboboluntaryo sa loob ng kanilang komunidad.

Volunteers are Change Makers, taking action to make the world a better place by contributing as the often-invisible workforce that supports the nation every day. Credit: Liza Summer (via Pexels)

Key Points

• Higit sa dalawang-katlo o 69 % ng mga volunteer ay balik na kanilang pisikal na pagboboluntaryo sa mga organisasyon na kanilang tinutulungan.
• Lampas 5-milyong tao ang nagboboluntaryo sa Australia sa pamamagitan ng isang organisasyon taun-taon.
• Para sa mga volunteer gaya ni Hope Dolino at Ria Alcedo, dagdag sa karanasan at personal na kasiyahan ang ilan sa rason ng kanilang pagboboluntaryo.

LISTEN TO THE PODCAST

Australia's invisible workforce: The crucial role of volunteers in supporting our nation

08:52

Mula sa kanyang simpleng pagkamausisa kung paano ginagawa ng mga mas nakatatandang boluntaryo ang kanilang trabaho, ang dating internationa student na si Hope Dolino ay nag-volunteer sa maraming pagkakataon para sa iba’t ibang organisasyon sa estado ng Victoria.

Inilahad ni Mark Pearce, CEO ng Volunteering Australia, pangunahing lupon para sa pagbo-boluntaryo, na ipinapakita ng mga datos na halos tatlong-kapat (3/4) ng mga boluntaryo ang nagsabi na pangunahin sa kanilang motibasyon na magboluntaryo ay personal na kasiyahan, at ang pagnanais na gumawa ng isang bagay na kapaki-pakinabang.

Mahalaga ani Pearce ang ginagampanang papel ng mga boluntaryo para lalong mapatatag ang kabuuan lipunan ng Australia lalo na sa gitna ng patuloy na kinakaharap na krisis sa pang-araw-araw na mga pangangailangan.

Si Ria Alcedo na taga-New South Wales ay nagsimulang maging boluntaryo nang siya ay nag-aaral. Kasama ng ilang mga kaklase at kaibigan sa unibersidad, tumutulong sila sa paghahanda ng pagkain para sa mga taong walang tirahan.

Ngayong National Volunteer Week (Mayo 15 – 21), kinikilala ang lahat ng boluntaryo sa Australia at ang kanilang naiaambag para lalong mapabuti ang kalagayan ng bawat komunidad.