Tej zaum tej menyuam yaus yuav nrhiav xub ke los pab kom lawv siv tau lawv tej social media account tom qab uas piv siv cov kev txwv tsis pub tej me nyuam muaj hnoob nyoog qes dua 16 xyoo, tab sis Labor tshaj rau tej tuam txhab technology kom paub rau caij yuav txog sij hawm txwv zuj zus lawm.
Thiaj yuav piv siv ntiaj teb thawj cov kev txwv tej me myuam yaus uas tseem muaj hnoob nyoog qes li no rau hnub zwj Feej (Wednesday) tom ntej no, uas tej me nyuam yuav raug txwv tsis pub siv ntau cov social media platforms li Instagram, Facebook, Snapchat thiab TikTok lawm.
Lub caij tshuav ib limtiam yuav txog hnub pib txwv, ces Anika Wells uas yog Australia tus nom tswj dej num sib txuas lus yuav hais ib cov lus ntawm lub chaw nthuav xov xwm haiv National Press Club ntawm tuam ceeb Canberra, lees paub tias tej me nyuam ntse yuav nrhiav ib txoj xub ke twg los lug hla tsis ua raws li tej cai txwv no.
Nws hais tias "Yog mas, yeej tseem yuav muaj tej me nyuam yaus uas tseem siv tau lawv tej social media accounts rau hnub tim 10 lub 12 hlis ntuj (2025) no, thiab tej zaum ntshe tseem yuav muaj ib txhia tseem siv tau lawv tej accounts tom qab ntawd thiab,"
"Tab sis peb yeej qhia txog peb cov kev cia siab meej tseeb tias: tsis hais ib lub tuam txhab twg li yog tseem cia tej me nyuam siv li no thiab ces yog ib cov kev ua txhaum cai.
"Peb paub tias yuav tsis muaj peev xwm siv tau cov kev txwv no zau rau thawj hnub kiag tab sis peb yeej tseem tsis tau tag kev cia siab, thiab peb yeej yuav tsis cia tej tuam txhab social media dim dawb dim do."
In a speech to the National Press Club, Communications Minister Anika Wells says she expects some children will get around the ban. Source: AAP / Lukas Coch
Nws hais tias "Peb yeej lees tias yuav siv caij nyoog mas thiaj muaj peev xwm yuav txheeb tau tej hnoob nyoog ntawm tej neeg uas muaj tej social media accounts siv thiab txwv kom lawv tsis txhob tsim tej accounts tshiab siv."
Meta yuav pib tshem tej accounts uas tej me nyuam hnoob nyoog qes dua 16 siv tawm
Meta yuav tsis pub tej me nyuam yaus siv nws tej social media platforms — suav cov kev tsis pub siv Instagram thiab Facebook — txij hnub zwj Teeb (Thursday tim 11/12/2025) mus.
Thiab yuav siv lub third party app li Yoti los txheeb tej neeg uas txheeb lawv tej hnoob nyoog yuam kev los yog yuav tsum tau siv tsoom fwv cov ID.
Tsis tas li ntawd los kuj muaj lwm cov platforms los kuj yuav siv tej xub ke muaj ntsis zoo sib xws li no thiab, tab sis TikTok yeejt seem tsis tua qhia tias nws yuav siv tej txheej txheem zoo li cas.
The day after the ban is implemented, the eSafety commissioner hais tias tom qab tau pib siv cov kev txwv no lawm ces nws yuav sau ntawv ceeb toom rau 10 cov social media platform uas nws "tau teev ua ib daig list."
Tej kev ceeb toom no yuav nug kom qhia tej pov thawj tias muaj tej me nyuam hnoob nyoog qes dua 16 xyoo tej social media account ntau npaum li cas ntawm tej platforms ua ntej yuav piv siv tsab cai no thiab yuav tsum qhia kom tau tias tom qab tau siv cov kev txwv no ho muab tshem tawm ntau npaum li cas lawm.
Yog tias tej tuam txhab technology twg 'tsis ua tib zoo npaj tej txheej txheem raws li qhov tsim nyog' coj los txwv tej hluas kom tsis txhob muaj peev xwm siv lawv tej account txij hnub tau coj tsab cai tshiab los txwv ces lawv yuav raug nplua nyiaj txog li ntawm $49.5 million.
Wells hais tias "Yuav pub sij hawm rau tej platforms teb rau tsoom fwv ua ntej yuav nug kom qhia tej xov xwm no txuas ntxiv thiab kom lawv yuav tau xa tej xov xwm tshiab txhua hli rau lub caij 6 hli rau nom tswv,"
Tej social media platforms yuav tsum tau siv tej technology coj los txheeb tej neeg tej hnoob nyoog, tab sis eSafety Commission yeej tsis tau qhia tsi ntsees tias kom siv hom twg los yog tej tswv yim twg.
Tsoom fwv thiaj qhia tias tej zaum yuav muaj ntau cov platforms tuaj ntxiv raug teev rau daim list uas yuav txwv tsis pub tej me nyuam siv thiab.
Share
