Peb yeej pom tau tias tej xeev feem ntau ntawm teb chaws Australia yeej tau txib tub ceev xwm mus tswj ntau thaj chaws uas tej neeg nyiam mus ncig ua si los yog tej chaw uas nom tswv txwv tsis pub mus. Thiab nom tswv yeej tau hawv tias yog leej twg tseem tsis mloog hais thiab tsis nyob twj ywm hauv tsev rau lub caij Easter no thiab ces tej zaum lawv yuav raug nplua los yog rau txim kaw tsev laj cuj tau. Lub hom phiaj tsuas yog los tiv thaiv kom txhob muaj neeg Australia kis tau tus mob no ntxiv xwb.
Yog li ntawd nom tswv thiaj tsis pub ua lub koom txoos Easter thiab cov neeg Jewish tej koom txoos kev ntseeg. Xa kom koj mus txheeb xyuas koj tej tsev teev hawm ntawm koj tej zos seb lawv puas muaj tej koom txoos no ua rau sawv daws koom tau hauv online.
Lub caij tam sim no nom tswv tsuas tso cai rau tej neeg tawm tau ntawm lawv tej tsev raws li 4 cov lajthawj no xwb:
- Yuav zaub mov noj thiab yuav tej koom siv tseem ceeb;
- Mus kho mob thiab mus siv cov kev pab cuam kho mob xwb;
- Mus ua hauj tej hauj lwm uas nom tswv tso cai ua tau;
- Thiab mus exercise xwb.
Tab sis txhua cov kev tawm li hais no yuav tsum tau ua raws tej cai yuav tau cais yus tus kheej, thiab yuav tau nyob kom nrug ntawm lwm tus thiab txhob sib sau coob coob ua ke.
Yeej tau muaj ntau tsab xo ntawm tej nom tswv xeev mus txog nom tswv teb chaws thiab Australia tus thawj pwm tsav tib si coj los qhia rau txhua tus neeg Australia paub txog cov kev txwv tsis pub tej neeg tawm mus ua si yam tsis muaj laij thawj li hauv qab no:
Tsis tas li no los koj yeej tseem muaj peev xwm mus txheeb xyuas tau ntau yam xov xwm los yog cov kev txwv ntawm cov xeev Tasmania, Western Australia, Northern Territory tau ntxiv thiab.
Thiab yog koj xav mus txheeb xyuas tej xov xwm tshiab ntawm tej xeev ces mus txheeb tau raws li hauv qab no:
- Northern Territory (NT)
- Queensland (QLD)
- New South Wales (NSW)
- Australian Capital Territory (ACT)
- Victoria (VIC)
- Tasmania (TAS)
- South Australia (SA)
- Western Australia (WA)
Yog li ntawd koj uas ua raws li nom tswv Australia cov kev taw qhia kom yuav tsum tau cais koj tus kheej thiab cov kev txwv tsis pub sib sau coob coob nyob ua ke nrog lwm tus?
Thiab koj uas ua raws li nom tswv cov kev taw qhia uas tsuas pub 2 tug neeg nyob tau ua ke xwb, tab sis yuav tsum sib nrug li 1.5 metres, thiab yog koj tsis ua raws li tej kev taw qhia los yog tej kev txwv no ces koj yuav raug nplua thiab tej zaum yuav raug txim kaw tsev laj cuj 6 lub hli tau.
Yog li ntawd, thiaj xav kom koj thiab koj tsev neeg nyob twj ywm hauv tsev thiab tsuas tawm mus ua tej yam hauj lwm tsim nyog ua xwb kom thiaj tsis txhob muaj neeg kis tau tus mob no coob tuaj ntxiv, txawm li cas los yuav tsum nco qab ntsoov txog nom tswv cov kev txwv thiab yuav tsum tau ua raws tsis li cas koj yua raug nplua thiab raug txim los kuj tau.
Xov xwm qhia txuas ntxiv:
Cov yam ntxwv mob tus kab mob no ces yuav mob ntsws me ntsis raws li tsoom hwv teb chaws Australia lub vas sa qhia. Thiab muaj cov yam ntxwv mob li ua npaws, hnoos, mob qa, nkees nkees thiab txog siav ua tsis tau pa.
Koj muaj peev xwm txheeb tau ntau yam xov xwm tshiab txog cov kab mob coronavirus (COVID-19) ntawm tsoom hwv ntau cov social media platforms no: WhatApps, Google Play thiab Apple Store.
Txhua tus neeg Australia yuav tsum nyob kom sib nrug ntawm lwm tus neeg li 1.5 metres los yog thaum nyob hauv ib lub tsev los yog ib chav twg lawm yuav tau nyob kom nrug ntawm lwm tus neeg ib puag ncig yus 4 sab txog li 4 square metres.
Yog tias koj muaj cov yam ntxwv mob li no rau lub sij hawm 14 hnub tom qab kom mus txawv teb chaws rov qab los los sis yog ho tau mus tuav mus kov ib tug neeg uas raug txheeb tau tus kab mob COVID-19 no lawm ces tsim nyog koj yuav tsum mus nrhiav kev kho mob pab cuam.
Yog tias koj ntseeg tias tsim nyog koj mus sim seb puas kis tau tsu mob no, ces hu xov tooj nrog koj tus kws kho mob tham los yog hu rau tus xov tooj uas tswj thiab qhia txog cov xov xwm cuam tshuam txog tus kab mob Coronavirus no tau raws li tus zauv xov tooj 1800 020 080.
Thiab yog koj yuav tau cais koj tus kheej 14 hnub thiab xav tau zaub mov noj los yog khoom siv tu koj tus kheej lub cev kom huv si ces hu tau rau coronavirus hotline tus xov tooj 1800 675 398 tau.
Yog koj tsis muaj peev xwm ua tau pa yooj yim los yog hos muaj tej xwm txheej mob nkeeg kub ntaiv uas tsim nyog tau txais kev pab cuam sai ces hu rau tus zauv xov tooj 000.
Yog koj xav tau xov xwm kom ntxawv tshaj no ntxiv txog cov kab mob Coronavirus no ces koj muaj peev xwm txheeb tau ntawm SBS Hmong tau.
