Sydney mother of two Sinta Velasco uas yog ib tug leej niam muaj ob tug me nyuam thiab kuj yog tib tug khwv nyiaj los pab tab nws lub cuab yig thiab tseem pab nws tej txheeb ze laus neeg ntawm teb chaws Philippines ntxiv thiab.
Thaum nws muaj hnoob nyoog 45 xyoos ces tseem tshuav ntau caum xyoo ntxiv nws mam txwm rau cov hnoog nyoog so tsis ua hauj lwm, tab sis tseem pom tias tus kuj yog tej yam nyuaj heev rau tus poj niam uas tseem tab tom nrhiav tswv yim tias seb yuav ua li cas thiaj txuag tau nyiaj txaus kom ua tau lub neej xws teb chaws.
Velasco tau qhia rau SBS tias "Cov kev tsuas muaj tib tug neeg khwv nyiaj los tab cuab yig ces peb yuav tau ua tib zoo tswj tej kev sib nyiaj tsis hais yog siv tsawg los yog siv ntau li. Kuv paub tias txhua txhua dollar yus siv yog coj los sib ntxiv ua ke ces yeej siv nyiaj ntau heev lawm."
Nws thiaj yog ib feem ntawm tej neeg Australia coob heev uas tau txhawj xeeb txog tej nqe ntau yam uas yuav siv rau lub caij so tsis ua hauj lwm lawm, vim rau qhov yeej muaj ib co kev teeb txheeb tshiab qhia tias tej nqe no yeej tab tom kim tshaj qub ntxiv lawm.
Sinta Velasco tau hais tias nws yuav tau ua tib zoo tswj tej nyiaj uas nws siv kom txuag tau nyiaj txaus siv rau lub caij so tsis ua hauj lwm lawm rau thaum uas nws tseem yuav tau los nrog tu saib xyuas nws niam thiab txiv uas laus lawm thiab. Source: SBS / Cameron Carr
Tej nqe ntau yam yuav siv kom ua tau lub neej xws teb chaws rau thaum yus so tsis ua hauj lwm tau kim tuaj ntxiv lawm.
Raws li lub koom haum Association of Superannuation Funds of Australia cov retirement standard tej xov xwm qhia ces tej nqe siv ua lub neej uas kim tuaj ntxiv tau ua rau tej neeg so tsis ua hauj lwm lawm yuav tau siv nyiaj ib xyoos twg ntau tuaj ntxiv txog li $13,000 rau lub caij 5 xyoos no lawm.
Cov nkawm niam txiv neeg Australia uas muaj hnoob nyoog 65 los yog siab tshaj ntawd yuav tsum muaj nyiaj ntau tshaj $75,000 mas thiaj txaus siv ib xyoos twg thaum so tsis ua hauj lwm, hos tej neeg uas nyob tib leeg xwb yuav tsum muaj nyiaj siv txog li $53,000 mas thiaj ua tau lub neej xws teb xws chaws.
AMP cov kev tshuaj ntsuam tau txheeb tau tias yeej muaj ntau cov pab pawg neeg yog cov yuav txhawj xeeb rau cov kev tsis muaj nyiaj txaus siv piv rau lwm cov yog thaum tham txog tias cov kev ntseeg siab tias seb puas muaj nyiaj txaus siv.
AMP's retirement expert Ben Hillier uas yog AMP tus kws paub zoo txog tej kev so tsis ua hauj lwm thiaj tau qhia txog cov kev txhawj xeeb rau tej neeg cov kev txuag kom tau nyiaj txaus siv rau lub caij so tsis ua hauj lwm, hais tsi ntsees rau tej poj niam.
Hilier tau qhia rau SBS News tias "Yog tej yam tsis muaj hmoo uas peb tab tom pom ib cov xov xwm uas txaus txhawj xeeb heev hais tsis ntsees rau tej poj niam. Vim lawv yog cov tsis tshua tso siab tias xyoov puas yuav muaj nyiaj txaus siv rau lub caij so tsis ua hauj lwm piv rau tej txiv neej."
"Tsuas muaj tej poj niam ob tug ntawm tsib tug twg thiaj ntseeg tias muaj nyiaj txaus siv xwb piv rau tej txiv neej ces twb muaj peb tug twg ntawm tsib tug lawm. Thiab tej zaum qhov txaus txhawj xeeb tshaj ntxiv ces yog tej poj niam uas yog tib tug tab cuab tab yig nrog lawv tej me nyuam yog cov uas muaj kev ntseeg siab tsawg tshaj plaws ntawm tag nrho tej neeg Australia tias yuav muaj nyiaj txaus siv rau lub caij tsis ua hauj lwm."
Hillier tau hais tias vim tej poj niam ces pheej yuav ua ntau yam hauj lwm li tu saib xyuas tej me nyuam, thiab muaj tej thaum ces tu saib xyuas lawv niam lawv txiv ntau dua tej txiv neej.
Nws tau hais tias "Cov kev teeb txheeb no yeej tau qhia meej lawm tias tseem tsis tau faib tej hauj lwm tu saib xyuas me nyuam los yog tej laus rau tej poj niam thiab txiv neej ua kom sib npaug."
"Tej xwm txheej no thiaj ua rau tsis qab siab yuav npaj lub neej pem suab thaib ua rau muaj kev ntseeg siab tsawg dua tias xyov puas yuav muaj nyiaj txaus siv rau lub caij so tsis ua hauj lwm."
'Phaum neeg noj sandwich' yog cov neeg uas muaj kev ntseeg siab tsawg tshaj plaws tias yuav muaj nyiaj txaus siv rau thaum so tsis ua hauj lwm
Sinta Velasco kuj yog ib tug ntawm cov phaum neeg 'sandwich generation', uas yog ib pawg neeg uas tu lawv tej me nyuam thiab lawv tej niam tej txiv uas laus lawm.
AMP tej xov xwm txheeb tau tias pab neeg Australia uas muaj hnoob nyoog 40 tawm xyoo no ces yuav tau tu saib xyuas lawv tej me nyuam thiab yuav tau tus saib xyuas lawv tej txheeb ze, thiab yog cov muaj kev ntseeg siab tsawg tshaj plaws tias yuav muaj nyiaj txaus siv rau thaum so tsis ua hauj lwm, vim tsuas muaj tej neeg no tsawg dua txhua txhua ob tug ntawm tsib tug twg thiaj ntseeg tias yuav muaj nyiaj txaus siv xwb.
Lub caij uas nws tus txiv poob hauj lwm lawm, ces tsuas yog nws tib leeg ua tus khwv nyiaj los pab nkawv tej me nyuam thiab pab nkawm niam txiv no niam pog txiv yawg xwb.
Daim phiaj qhia txog cov hnoob nyoog so tsis ua hauj lwm ntawm teb chaws Australia. Source: SBS / Leon Wang
"Tsis tas li ntawd los peb yuav tau ua tib zoo txiav txim siab txhua txhua hnub thaum peb tawm mus noj mov sab nrauv, kom txuag tau nyiaj thiab. Ces thiaj yuav tau txuag thiab khuv xim npaum li qhov peb muaj peev xwm ua tau kom thiaj li txuag tau nyiaj."
Tam sim no ces Velasco twb tau nyob ntawm Australia tau 8 xyoo lawm thiab tau hais tias yog tej yam tseem ceeb rau tej neeg tsiv teb tsaws chaw muaj peev xwm nrhiav kev pab cuam los ntawm lub teb chaws no thiab muaj cov kev sab laj nyiaj txiaj pab thaum tham txog cov kev npaj yuav so tsis ua hauj lwm.
"Kuv mloog tau tias zoo li kuv khuam daig ua tsis tau dab tsi li lawm, kuv xav tias tsim nyog kuv yuav muaj peev xwm nug tej neeg sab laj nyiaj txiaj (financial advisors), 'tej no yog kuv cov kev txhawj xeeb, es koj xav tias tsim nyog kuv yuav tau ua dab tsi?"
Cov neeg Australia twg thiaj ntseeg tias lawv muaj nyiaj txaus siv rau thaum lawv so tsis ua hauj lwm xwb?
AMP cov kev teeb txheeb no tseem tshawg tau tias muaj ntau yam kev tsis tau txais vaj huam sib luag thiab thaum txheeb txog neeg Australia cov kev xav txog cov kev so tsis ua hauj lwm thiab cov kev muaj peev xwm muaj nyiaj txaus siv ua lub neej.
Cov txij nkawm neeg Australia yog cov muaj kev ntseeg siab dua yog piv rau cov neeg Australia uas ua neej tib leeg xwb. Yeej muaj 60 feem pua ntawm Australia tej txij nkawm muaj kev ntseeg siab dua yog piv rau cov neeg tsis muaj txij nkawm ces tsuas muaj cov feem pua txog li 40 xwb.
Single mothers ces yog cov muaj kev ntseeg siab tsawg tshaj plaws rau cov kev so tsis ua hauj lwm, uas tsuas muaj tsawg dua 20 feem pua ntawm tej poj niam muaj hnoob nyoog 40 tawm xyoo no uas muaj ntau tus me nyuam thiaj mloog tau tias lawv tau npaj nyiaj txaus siv xwb.
Tib lub caij no los tej poj niam uas tau sib nrauj sib cais ntawm lawv tus txiv lawm los kuj yog cov uas muaj kev ntseeg siab tsawg dua piv rau tej txiv neej poob rau tej xwm txheej no thiab.
Hilier thiaj tau hais tias tej teeb meem nyiaj txiaj uas tau muaj rau cov pab pawg neeg no tej zaum ntshe tseem yuav muaj ntau tuaj ntxiv yog tias lawv tseem yog cov neeg ntiav tsev nyog thiab yog cov neeg uas tseem them nqe yuav tsev tsis tau tas.
"Vim cov kev so tsis ua hauj lwm no tseem yuav ua rau yus ua lub neej txuas ntxiv txij li ntawm 20 txog 40 xyoo ntxiv diam thiab. Cov kev tsis muaj peev xwm ntiav tau tsev nyob rau lub caij uas tsis muaj nyiaj thiab tsis muaj tsev nyob ntxiv thiab ces yuav ua rau cov pawg neeg no yog cov uas haj yam yuav tsis muaj peev xwm yuav pab tau lawv tus kheej ntau tuaj ntxiv thiab."
