Ntsiab lus:
- CEO tej nyiaj remuneration tau ntau tuaj ntxiv lawm, tej coj ntawm 300 lub tuam txhab raug teev nrog ASX khwv tau nyiaj xam raws tus zauv nrab txog $3.86 million.
- Tab sis tej neeg Australia ua hauj lwm full-time uas muaj hnoob nyoog tshaj 18 xyoo rov sauv nyuam qhuav khwv tau nyiaj txog li ntawm $107,172 ib xyoos twg xwb.
Tej nyiaj hauj lwm uas yus khwv tau yeej tsis ib txwm qhia tias seb yus rau siab ua hauj lwm npaum li cas, thiab tej kws hais tias muaj tej yam cuam tshuam rau tej nyiaj yus khwv tau.
Raws li Australian Bureau of Statistics (ABS) tej xov xwm teev txog cov neeg ua hauj lwm tej nyiaj uas lawv khwv tau thiab tej sij hawm lawv ua hauj lwm uas tau coj los nthuav tawm tim 23 lub 1 hlis ntuj (2026) ces kuj qhia txog tias tej neeg Australia twg yog cov khwv tau nyiaj ntau tshaj plaws thiab lawv tej sij hawm ua hauj lwm khwv tau nyiaj zoo li cas.
John Buchanan uas yog ib tug kws paub zoo txog tej chaw ua hauj lwm ntawm tsev kawm qib siab University of Sydney hais tias tej nyiaj hauj lwm muaj peev xwm qhia tau tias tej kiab khw lagluam nrhiav neeg ua hauj lwm nrog tej neeg ua hauj lwm uas khwv tau nyiaj ntau dua uas muaj tej txuj ci uas lawv xav tau ntau dua, tab sis kuj tseem muaj cov kev sib teev theev cuam tshuam txog cov kev tsim nyog them tej nyiaj hauj lwm raws li qhov tsim nyog them rau tej neeg thiab.
Kuv xav tias peb cov pay structure uas them nyiaj hauj lwm niaj hnub no tseem yog ib co muaj teeb meem vim rau qhov tej coj tau them nyiaj paj tshab rau lawv ntau dua tej neeg ua hauj lwm txhua hnub uas tau tsawg tshaj tej nyiaj poob nqe thiab them tej nyiaj rau lawv tsis raws li tej hauj lwm lawv ua uas pab kom tej lagluam loj hlob huam vam tiag.Workplace expert John Buchanan, University of Sydney
Buchanan hais tias tej coj senior managers thiab chief executives, suav tej tsev kawm qib siab tus lwm coj (University vice-chancellors) ces yeej tau nyiaj hli ntau tshaj $1 million.
Nws thiaj hais tias yeej muaj cov kev sib txawv txav deb heev rau tej nyiaj hauj lwm uas them rau tus lwm thawj tswj tsev kawm qib siab thiab lwm cov neeg txawj txeeg uas qhia ntawv.
Tau muaj lub chaw teeb txheeb Australia Institute (AI) ib co kev tshuaj ntsuam raug coj los nthuav qhia tsaib no txheeb tau tias tej lwm coj tsev kawm qib siab ntawm Australia no yog cov khwv tau nyiaj ntau tshaj plaws hauv ntiaj teb, vim yog xam tej nyiaj hauj lwm khwv tau raws theem nrab lawm ces lawv twb khwv tau yuav laub txog $1.3 million xyooo 2023 lawm. Thiab yog piv rau tej nyiaj lawv khwv tau txij xyoo 1985 los ces lawv twg khwv tau ntau yuav laug txog li 4 npaug, thaum lawv tau $300,000 them xam raws tus zauv nrab (uas xam raws li cov zauv 2024 uas kho kom haum raws li tej nyiaj poob nqe).
Hos yog muab piv rau tej neeg khwv tau nyiaj theem nrab rau lwm cov neeg ua hauj lwm ntawm tej tsev kawm qib siab ces kuj khwv tsuas khwv tau 39 feem pua ntau tuaj ntxiv uas nces ntawm $62,159 mus ua $86,673 xwb.
Ib co hauj lwm ces 'them nyiaj hauj lwm ntau tshaj qhov tsim nyog them lawm'
Buchanan hais tias cov kev nce nyiaj hauj lwm rau tej lwm coj tsev kawm qib siab yog ib co xwm txheej nthuav dav heev qhia txog cov kev them nyiaj rau tej coj.
Chief executive officer (CEO) tej nyiaj paj tshab los kuj tau ntau tuaj ntxiv tsaib no lawm thiab, raws li Odgers and OpenDirector cov kev teeb txheeb tau qhia. Uas nws tau txheeb tau tias tej coj ntawm 300 lub tuam txhab uas raug coj mus teev nrog lub koom haum Australian Securities Exchange (ASX) tau tab tom khwv tau nyiaj hauj lwm xam raws cov nyiaj nrab txog li $3.86 million, uas tau ntau txog li 10 feem pua piv rau tej khwv tau xyoo tsaib ub. (Tej nyiaj paj tsab tau tag nrho yog suav tej nyiaj hli uas khwv tau, ntxiv rau cov allowances, superannuation, bonuses los yog commissions).
Txawm li cas los, ''tej nyiaj uas them tiag tiag'' ntshe tseem tau ntau dua vim rau qhov tseem suav tej nyiaj tau rau tej options thiab tej shares ua tau ntawd thiab.
Thiab raws li Australian Financial Review (AFR) tau cej luam qhia rau lub 11 hlis ntuj 2025 ntawd ces, Australia tej CEO uas khwv tau nyiaj ntau tshaj plaws tsaib no yog Develop Global's Bill Beament uas tau nyiaj tiag tiag txog li $59.6 million — vim rau qhov tau muab tej options ntawm lub tuam txhab no pauv mus ua shares.
Buchanan hasi tias tej neeg ua hauj lwm cuam tshuam txog nyiaj txiaj yog cov khwv tau nyiaj hauj lwm ntau dua vim rau qhov lawv muaj nyiaj ntsuab ntau dua ua tej lagluam.
Nws hais tias "Tab sis tej coj no yeej tsis yog cov pab kom ua tau tej lagluam zoo tshaj qub ntxiv."
Kuv xav tias peb yuav tau thim ib kauj ruam rov qab thiab nug tias 'them li cas thiaj ncaj rau sawv daws?'Workplace expert John Buchanan, University of Sydney
Buchanan los kuj hais tias tej managers los kuj muaj ntsis zoo sib xws li no thiab ''vim tej managers lawv yeej paub tias lawv tej tuam txhab khwv tau nyiaj npaum li cas ces lawv thiaj them nyiaj ntau rau lawv."
Nws hais tias "Kuv xav tias tej coj uas ua hauj lwm txog nyiaj txiaj thiab hais tsi ntsees rau tej chaw kho mob ntiav — yog cov uas them nyiaj hauj lwm rau ntau tshaj qhov tsim nyog them lawm."
Tej neeg ua hauj lwm yog cov yuav tau ua hauj lwm rau cov sij hawm ua hauj lwm ntev tshaj plaws
Yog tias yus tsis suav tej coj los yog lwm cov coj managers theem siab uas yog cov lis/npaj tej tswv yim npaj tseg yuav ua raws ntawd los yog ua co saib xyuas tej neeg ua hauj lwm coob heev, ces ib tug neeg Australia hnoob nyoog nto 18 xyoo uas ua hauj lwm full-time yeej khwv tau nyiaj xam raws tus zauv theem nrab tau txog li $2,061 ib limtiam twg uas tseem tsis tau them se, raws li ABS hais. Los sis yog khwv tau ib xyoos twg txog li $107,172.
Tej sij hawm hauj lwm 38 teev ib limtiam twg yog cov qhia tias lawv tau ua hauj lwm full-time. Thiab cov sij hawm no yeej tseem tsis tau suav cov overtime payments, leave loadings los yog redundancy payments.
Thiab yog yus suav tej nyiaj ua hauj lwm overtime ntxiv ces ''tag nrho tej sij hawm ua hauj lwm uas khwv tau nyiaj'' ntawd yuav yog 39.2 teev rau ib limtiam twg xam raws tus zauv theem nrab lawm.
Tab sis yeej tsis muaj tej neeg ua cov sij hawm hauj lwm ntev tshaj plaws yog cov neeg uas khwv tau nyiaj ntau tshaj plaws li.
Xam raws cov sij hawm nrab lawm ces tej neeg tsav truck yeej ua hauj lwm ib limtiam twg txog li 46.5 teev — uas tseem ua ntau dua tej sij hawm ua hauj lwm ntawm lwm cov neeg xam raws tus zauv nrab txog li
39.2 teev ib limtiam twg — thiab tsuas khwv tau nyiaj $2,078 ib limtiam twg uas tseem tsis tau them se xwb.
Tab sis tej neeg ua hauj lwm kho mob uas yog cov khwv tau nyiaj ntau tshaj plaws ntawm Australia ces yeej khwv tau nyiaj xam raws tus zauv nrab ib limtiam twg tau txog li $3,554.10 diam, thiab ua hauj lwm txog 40.8 teev ib limtiam twg.
Tsis tas li ntawd los yeej tseem muaj ntau cov hauj lwm uas khwv tau nyiaj ntau tshaj plaws yeej tau ua hauj lwm tsawg dua tej sij hawm ua hauj lwm xam raws tus zauv theem nrab thiab.
Tej hauj lwm no yog cov specialist managers uas ua hauj lwm ntau yam (li tej nom tswv tub rog theem siab, tub ceev xwm, los yog tej neeg tua hluav taws); tej business administration managers; tertiary education teachers; thiab tej neeg ua hauj lwm haub tau yaum, public relations thiab sales managers.
Thiab yeej tsis teev tej sij hawm ua hauj lwm thiab tej nyiaj them xam raws tus zauv theem nrab ntawm tej CEO thiab lwm cov managers theem siab nrog rau tej xov xwm no. Thiaj muaj ABS ib tug kis hais tias tsuas yog ib co piv txwv ntawm 50,000 cov hauj lwm thiab ''yeej tsis muaj tej xov xwm ntxaws los pab txhawb nqa".
Tej neeg ua hauj lwm uas tau ua hauj lwm raws cov sij hawm ua hauj lwm tsawg tshaj plaws
Ntawm tej neeg uas tau ua cov sij hawm ua hauj lwm tsawg tshaj plaws uas khwv tau nyiaj tsawg tshaj plaws ntawd ces tsuas muaj ib co hauj lwm thiaj yog cov uas khwv tau nyiaj ntau heev xwb uas yog — tertiary education teachers (Tej lees kais qhia tsev kawm qib siab, college los yog qhia ib co hauj lwm twg).
Tab sis tej kws hais tias tej zaum tej sij hawm ua hauj lwm uas tau nyiaj hauj lwm kuj tsis muaj peev xwm qhia tau cov sij hawm ua hauj lwm tiag thiab.
Raws li associate professor Leonora Risse uas qhia economics ntawm tsev kawm qib siab Queensland University of Technology (QUT) hais ces cov neeg qhia ntawv yeej tau ua tej hauj lwm overtime ntau yam tsis tau nyiaj hauj lwm, piv txwv li los txheeb tej tub kawm cov assignments, los yog teb tej tub kawm tej emails.
Associate professor Leonora Risse hais tias "Rau qhov yus pheej ua cov kev teeb txheeb coj los sau ua tej ntawv cej luam los sis yog ... thaum twg yus kub siab txog ib yam dab tsi ces ua rau yus pheej yuav tau los zaum tsawg thiab sau yus tsab ntawv cej luam. Tsis tas li ntawd los [yus kuj tseem yuav tau] nyeem ntawv ntau heev thiab,''
"Ces thiaj tsis yog tias txog caij yus mam li ua hauj lwm xwb.
"Hos yog tias yus txoj hauj lwm yuav tau ua rau ntawm ib qho chaw twg kiag xwb ces tsuas yog mus txog rau qhov chaw ntawd mam li ua xwb — piv txwv li tej lagluam muag khoom los yog lagluam khawb peev txheeb — vim yog thaum yus clock off lawm ces yus tsis ua hauj lwm lawm."
Txhais tias yuav tsum tau mus rau ntawm qhov chaw ntawd mas thiaj ua tau hauj lwm — li tej lagluam txhim kho los yog khawb peev txheej — thiab lawv yeej yuav them cov sij hawm ua hauj lwm ntau ntxiv rau yus dua.
Vim li cas thiaj muaj ib txhia neeg khwv tau nyiaj ntau dua lwm cov?
Buchanan hais tias yog thaum tham txog tej hauj lwm uas khwv tau nyiaj ntau ces yuav tsum yog tus neeg ntawd muaj tej txuj ci thiab kawm ntawv siab, hos lwm cov ces yuav tsum yog ib co lagluam dab tsi tsi ntsees.
Nws pom tias tej lagluam khawb peev txheej (mining) — uas yog ib co lagluam them nyiaj hauj lwm ntau tshaj plaws yog xam raws tej nyiaj hauj lwm theem nrab — ces yog ib co lagluam uas yuav tau siv nyiaj ntau thiab siv peev txheej ntau yam heev los ua. Tab sis kuj tsuas muaj peev xwm siv tej neeg ua hauj lwm tsawg tsawg los ua cov hauj lwm no xwb thiab, txhais tias tej neeg ua hauj lwm no no yeej tau nyiaj hauj lwm zoo heev yam tsis ua rau muaj teeb meem rau tej nqe siv ua cov lagluam no li.
Muaj txog li ob feem pua ntawm tej pej xeem ua hauj lwm uas muaj hnoob nyoog 17 xyoo los yog siab tshaj ntawd yog cov tau ua hauj lwm ntawm Australia tej lagluam khawb peev txheej.
Muaj 18 feem pua yog cov ua hauj lwm kho mob thiab pab zej tsoom, thiab muaj 10 feem pua yog cov ua hauj lwm qhia ntawv los yog xyaum qhia lwm tus.
Cov kev muaj neeg ua hauj lwm tsawg ntawm tej lagluam khawb peev txheej kuj yuav ua rau tej lagluam raug tau teeb meem yooj yim dua thiab yog tias tej neeg ua hauj lwm tawm tsam ncua tsis ua hauj lwm los yog koom nrog tej koom haum sawv cev rau tej neeg ua hauj lwm tawm tsam, kom tej tswv lagluam pom zoo raws li tej neeg ua hauj lwm xav tau.
Buchanan hais tias "Ces thiaj tsis muaj neeg coob cuam tshuam nrog tej nyiaj ntau heev."
Risse yeej pom zoo thiab hais tias tej chaw ua hauj lwm los kuj muaj feem xyuam, ces cov kev them tej nyiaj hauj lwm ntau thiaj yog tej yam ''coj los them pauj rau''.
"Vim yog ib co hauj lwm yuav tau mus ua rau tej chaw nyob deb, yog ib cov hauj lwm yuav raug kev phom sij, thiab yuav raug tau teeb meem loj tau."
Tab sis Risse hais tias cov kev tshab txhais no los yeej zoo tib yam li lwm cov neeg ua hauj lwm tseem ceeb pab cuam zej tsoom (frontline workers: nurses, police, retail workers, delivery), los yog tej neeg ua hauj lwm nursing uas yuav ntsib ntau yam xwm txheej phom sij, tab sis kuj tsis tau nyiaj hauj lwm tib yam li tej neeg ua hauj lwm khawb peev txheej thiab.
Lwm yam cuam tshuam ntxiv ces yog tej neeg ua hauj lwm khawb peev txheej uas pheej yuav tau caij dav hlau mus ua hauj lwm rau ib lub caij twg thiab tau los so rau ib lub caij twg mam rov qab mus ua hauj lwm dua (Fly-in, fly-out — FIFO). Thaum lawv nyob rau ntawm tej chaw ua hauj lwm ces lawv yeej ib txwm ua ntau yam hauj lwm heev ntev dua tej sij hawm ua hauj lwm xam raws tus zauv nrab lawm. Ces thiaj ua rau lawv muaj cai tau cov overtime, night shifts, los yog cov weekend rates los yog lwm cov penalty rates uas ua rau lawv khwv tau nyiaj hauj lwm ntau.
Tej no kuj pab tshab txhais tias vim li cas tej neeg ua hauj lwm cuam tshuam txog hluav taws xob — thiaj yuav tsum yog tej neeg muaj txuj ci siab thiab muaj qee zaus yuav tau mus ua hauj lwm ntawm tej chaw nyob deb mus tswj ntau cov project loj — piv txwv li mus tswj tej chaw tsim hluav taws xob los yog tswj tej xov xa hluav taws xob uas yog ib co ntawm ntau cov hauj lwm uas khwv tau nyiaj hauj lwm ntau tshaj plaws.
Kawm ntawv siab thiab muaj txuj ci
Txawm tias tej neeg ua tej hauj lwm khawb peev txheej ntau yam yog cov khwv tau nyiaj ntau tshaj plaws ntawm teb chaws Australia, los kuj yeej tseem tsis tau yog cov hauj lwm uas khwv tau nyiaj ntau tshaj plaws thiab.
Tej neeg ua hauj lwm kho mob (Medical practitioners, ICT managers (employees who oversee an organisation's technology systems and infrastructure) and miscellaneous specialist managers yog cov neeg ua hauj lwm khwv tau nyiaj ntau tshaj plaws. Tej kws kho mob ces yeej khwv tau nyiaj xam raws tus zauv nrab ib limtiam twg txog li $3,554.10, yog tias tseem suav tej sij hawm hauj lwm ua ntxiv (Overtime) ntxiv thiab, hos cov ICT managers ces tau nyiaj ib limtiam twg txog $3,401.60.
Yeej muaj ntau cov hauj lwm ntawm 10 cov uas tej neeg tau ua cov sij hawm ua hauj lwm raws cov sij hawm xam raws tus zauv nrab los yog tau ua tsawg dua uas tau them nyiaj hauj lwm tsawg dua. Tsuas tsis suav tej neeg ua hauj lwm kho mob, construction, distribution thiab production managers, air thiab marine transport professionals.
Greg Jericho uas yog ib tug AI chief economist hais tias tej nyiaj uas them rau ib txhia lees kais qhia qib siab ces yeej yog tej them rau lawv tej txuj ci uas muaj peev xwm ua tau txoj hauj lwm ntawd.
Nws hais tias "Koj yeej tsis muaj peev xwm yuav qhia ntawv ntawm tej tsev kawm qib siab yog tias koj kawm tsis tiav PhD,"
"Tsis yog tej yam uas yuav cia li muaj peev xwm muab ib tug neeg twg los hloov tau kiab sai sai.
"Raws li ib txwm pom lawm ces yog yus muaj tej txuj ci no siab npaum li cas, thiab yuav tau siv tej txuj ci ntau npaum li cas los ua txoj hauj lwm ntawd, ces yog tej yam nyuaj tshaj qub ntxiv uas yuav muaj peev xwm nrhiav tau tej neeg uas muaj peev xwm ua tau txoj hauj lwm ntawd los ua."
Tej neeg ua hauj lwm tau tej nyiaj hauj lwm, sij hawm ua hauj lwm, tej chaw ua hauj lwm tsis tsim nyog raws li qhov tsim nyog lawv tau
Buchanan hais tias tej nyiaj hauj lwm yeej tau sib txawv rau tej hauj lwm uas yuav tau siv tej txuj ci thiab tej uas tsis siv txuj ci uas yeej nyob tus li qub los tau ntau tiam neeg, tab sis qhov hloov loj tshaj plaws uas tau pom muaj ntawm Australia rau 15 xyoos los no ces yog cov kev khwv tau nyiaj tsawg ntawm tej neeg ua hauj lwm rau nom tswv (public sector pay).
Nws hais tias "Tej lees kais thiab tej nurses yog cov raug tej xwm txheej no loj heev, thiab tej kws kho mob los yeej raug muab lawv tej nyiaj hauj lwm teev tias tsuas them npaum li cas xwb [hais tsi ntsees ntawm xeev NSW thiab Qld."
Nws teev txog tej neeg pab ntsuam thiab daws kev nyuaj siab (Psychiatrists) ua hauj lwm txheeb tej neeg raug txim uas raug plaub ntug tias seb puas yog cov neeg puas hlwb los yeej yog cov uas tej nyiaj hauj lwm raug teev tias tsuas them npaum li cas rau lawv xwb thiab. Ces Buchanan thiaj hais tias tej no thiaj ua rau tsis muaj neeg xav ua tej hauj lwm no.
Nws hais tias "Tej zaum lawv kuj yuav khwv tau nyiaj ntau txog ob npaug los yog peb npaug ntawm tej lawv tau yog tias lawv ua hauj lwm rau cov private sector. Ces cov kev teev tsis pub nce nyiaj hauj lwm rau lawv thiaj yog tej yam ua rau tsis muaj neeg xav ua tej hauj lwm no ntawm peb teb chaws no."
Tsim nyog peb yuav hais tias, yog tias nej saib xyuas tej neeg uas yuav ua rau muaj kev phom sij rau peb lub teb chaws, ces yog nej ua ib co hauj lwm tseem ceeb coj los pab kom peb lub tebchaws zoo raws li kuv xav, tab sis tej kiab khw lagluam ntiav dag zog tsis xav li ntawd.Workplace expert John Buchanan, University of Sydney
Hos lwm yam txawv uas tej neeg tsis nco faj txog ntawm peb cov wages system ces tej poj niam uas ua tib co hauj lwm sib xwb li tej txiv neej ua los yeej tseem khwv tau nyiaj tsawg dua thiab.
Txawm tej neeg ua hauj lwm kho mob kiab los yeej tseem tsis tau txais kev vaj huam sib luag rau kis no. Vim tej txiv neej ua hauj lwm ib teev twg yeej khwv tau nyiaj xam raws tus zauv nrab txog li $96.20 hos tej poj niam tsuas khwv tau ib teev twg txog li $77.30 xwb.
Risse thiaj hais tias yeej muaj ntau cov lagluam uas them nyiaj hauj lwm ntau dua uas ib txwm yog tej hauj lwm uas txiv neej ua ntau dua xwb thiab, thiab tej hauj lwm uas khwv tau nyiaj tsawg ces yeej yog tej hauj lwm uas poj niam ua ntau, los sis yog tej hauj lwm uas siv txuj ci tsawg los sis tej neeg tsiv teb tsaws chaw uas tsis muaj txuj ci paub ua hauj lwm xwb.
"[Tej nyiaj hauj lwm los] kuj yog tej qhia tias ib lub teb chaws twg tej hauj lwm dab tsi yog cov hauj lwm tseem ceeb dua thiab yog cov hauj lwm muaj meej mom thiab muaj fwj chim dua thiab."
Mloog tau xov xwm tshiab ntawm SBS Hmong, download SBS Adio app thiab caum SBS Hmong Facebook page.
