Australia qee lub xeev tau tshem qee cov kev txwv tswj tus kab mob COVID-19 lub liamtiam no lawm

Tej nom tswv xeev ntawm qee lub xeev tau tshem qee cov kev txwv thiab npaj yuav pib qhib lagluam qee yam lawm. Nod yog qee cov kev txwv uas yuav raug tshem thiab muaj cai ua tau rau 2 hnub so no thiab ntau limtiam ntxiv no.

Source: AAP

• Download tau lub app no ntawm Apple Store yog koj siv iPhone.
• Download tau lub app no ntawm Google Play yog koj siv Andriod phone.

Tam sim no yeej tau muaj neeg Australia tshaj 4 million tus tau download lub COVIDSafe app no siv lawm tab sis tsoomhwv teb chaws Australia yeej xav kom muaj neeg Australia yuav laug txog ib nrab (10 million) tus download lub app no siv mas thiaj yuav siv tau zoo coj los txheeb tej neeg kis tau tus mob no seb puas mus nyob ze lwm tus neeg es thiaj muaj peev xwm txheeb tau thiab tiv thaiv kom txhob muaj neeg kis tau tus kab mob coronavirus no ntxiv lawm.

Tsim nyog koj paug txog tej xo dab tsi rau lub caij muaj tus kab mob coronavirus no tseem sib kis thoob ntuj ntawm teb chaws Australia no:

Thiab tej neeg kis tau tus kab mob coronavirus ntawm teb chaws Australia no muaj li hauv qab no lawm:

Tsoom hwv Australia yeej tau xub tshwm cov nyiaj $1.1 billion health package coj los pab cov Medicare telehealth, zaub mov thiab chaw nyob rau tej neeg txom nyem thiab pab daws cov teeb meem nyuaj siab ntxhov plawv thiab tiv thaiv cov teeb meem kub ntxhov hauv lub cuab yig. Koj muaj peev xwm mus nrhiav tau tsoom hwv Australia cov xov xwm qhia txog cov kab mob COVID-tau ntawm WhatApps, Google Play and Apple Store.

Hnub tim 29 April 2020 no ntiaj teb muaj neeg kis thiab tas sim neej los ntawm tus mob COVID-19 li hauv qab no lawm:

• Thoob ntiaj teb twb muaj neeg ze tshaj li 3 million tus kis tau tus mob no, muaj tshaj 217,000 tus tas sim neej thiab muaj tshaj li 935,000 tus raug kho zoo lawm. Teb chaws Ameria yog lub teb chaws muaj neeg kis coob tshaj plaws tshaj 1 million tus thiab muaj neeg tas sim neej tshaj 58,000 tus lawm, hos cov teb chaws Spain, Italy, Fabkis thiab Askiv yog cov teb chaws muaj neeg tshaj 20,000 tus lawm raws li Johns Kopkins University's Center for Systems Science and Engineering -CSSE) tau qhia.

NYEEM NTXIV: Qhia qhov tseeb txog cov kab mob COVID-19: READ MORE

MLOOG THIAB NYEEM NTXIV: Hmoob tus kws kho mob cov tswv yim tiv thaiv kom koj txhob kis tus kab mob coronavirus (COVID-19): READ MORE

NYEEM NTXIV: Cov lagluam twg yuav raug kaw thiab muaj cai ua lagluam txuas ntxiv rau lub caij kab mob COVID-19 tseem sib kis txuas ntxiv: READ MORE

Image

Puas pub tsav tsheb mus ib qho qhov twg? (SBS) Source: SBS

Yog koj raug teeb meem kub ntxhov hauv lub cuab yig rau lbu caij kab mob COVID-19 kis thoob ntuj ces koj tawm tau ntawm koj tsev mus nrhiav kev pab cuam tau (SBS) Source: SBS

Txhua tus neeg ntawm teb chaws Australia yuav tsum nyob kom nrug ntawm lwm tus neeg deb li 1.5 metres, thiab nom tswv tsuas pub 2 tug neeg ua ke xwb tsuas yog tias ntshe tej neeg ntawd ho yog koj tsev neeg los yog koj yim neeg uas yog tib lub tsev ua ke xwb.

Yog koj ntseeg tias tej zaum koj kis tau tus kab mob virus no lawm, txhob mus ntsib koj tus kws kho mob tab sis hu mus nrog koj tus kw kho mob tham los yog hu mus rau lub koom haum National Coronavirus Health Information Hotline tus xov tooj 1800 020 080. Thiab yog koj txog txog siav ua tsis tau pa thiab mob hnyav heev ces hu rau tus xov tooj 000 thov kev pab cuam tau.

SBS yeej kub siab los qhia tej xov xwm tshiab txog cov kab mob coronavirus (COVID-19) ua 63 hom lus rau Australia tej neeg zej zog. Yog koj xav paub txog ntau yam xov xwm ua ntau hom lus ces koj mus txheeb xyuas tau ntawm sbs.com.au/coronavirus thiab txheeb xyuas tau cov xov xwm no ua ntawv Hmoob thiab lus Hmoob ces mus saib tau ntawm SBS Hmong.

Mloog tau SBSHmong rau hnub zwj Teeb (Thursday) thaum 6 pm AEDT thiab hnub zwj Hnub (Sunday) thaum 11 am AEDT los yog koom tau ntxiv ntawm SBS Hmong Facebook thiab subscribe los sis yog download thiab mloog tau ntau cov podcasts (xov xwm ua suab) ntawm Google podcasts, Spotify, thiab Apple podcasts los yog download SBS Radio App kom koj mloog tau SBS Hmong.