Australia tsab cai tswj cov kev tsiv teb tsaws chaw
Lwm pab nom teb chaws raug tsub nias kom qhia nws tsab cai tswj cov kev tsiv teb tsaws chaw (Migration policy) seb zoo li cas rau lub caij nws tseem tib tsoom fwv ua ntuv zus ntxiv txog cov kev cia neeg tsiv teb tsaws chaw tuaj coob heev. Tej no yog pab nom koom tswj ib co hauj lwm tseem ceeb, tab sis raws li tau muaj zej tsoom cov kev ntsuam zej tsoom cov kev xav lawm ces pom tias zoo li swb zuj zus rau pab nom One Nation lawm, vim pab nom no yog ib pab nom uas yeej tau muaj cov kev tawm tsam los ntev kom tsis txhob pub neeg txawv teb chaws tuaj coob rau teb chaws Australia. Tej hauj lwm no thiaj ua rau muaj kev sib cov nyom ntawm pab nom koom tswj no thiab ua rau ib tug nom Liberal MP hasi tias tim tsab cai immigration policy nws thiaj tawm tsis ua ib tug nom tseem ceeb lub hli dhau los lawm. Tab sis Sussan Ley uas yog tus coj ntawm lwm pab nom teb chaws hais tias nws yeej xav pub tej neeg tsiv teb tsaws chaw tuaj tsawg rau Australia xwb, tab sis kuj tsis qhia tias yuav pub tuaj coob npaum li cas, los yog yuav txiav cov visa twg. Ley hais tias "Peb yuav tsim tsab cai immigration policy uas lees paub tias cov kev tsub nias rau peb tej hauv paus txhim kho yog tej yuav tsis nyog tam sim no, peb yeej ris tej txiaj ntsim ntawm tej neeg tsiv teb tsaws chaw tuaj rau Australia thiab pab txhim kho teb chaws, lees paub tias lawv tuaj nrog lawv tsev neeg nyob los yog tuaj raws cov kev pab raws humanitarian, los sis tub kawm tuaj kawm los yog tej neeg muaj txuj ci paub ua hauj lwm tuaj ua hauj lwm."
Meskas cia siab tias Australia yuav koom nrog nws ua tsov rog lagluam nrog Suav
Meskas cia siab tias Australia yuav yog ib lub teb chaws ntawm nws tej teb chaws phooj ywg ntau lub uas yuav nrog nws ua tsov rog lagluam nrog Suav tuam tshoj cov kev tswj ntiaj teb tej minerals tseem ceeb. Limtiam dhau los Suav tau qhia txog nws ib co tswv yim uas yuav txwv tsis pub xa ntiaj teb tej rare earth metals muag txawv teb chaws. Tej minerals no yog cov yuav siv coj los tsim tsheb siv hluav taws xob, tej defense technologies li foob pob thiab dav hlau tua rog. Scott Bessent uas yog Meskas tus nom tswj nyiaj txiaj tau qhia rau CNBC tias nws xv thov kev pab ntawm ntau cov teb chaws phooj ywg li Australia tawm tsam nrog Suav lub tswv yim no. Bessent hais tias ''Vim yog tej xwm txheej Suav tawm tsam nrog ntiaj teb, tsis yog tej teeb meem ntawm Meskas thiab Suav nkaus xwb. Peb tseem yuav nrog cov teb chaws phooj ywg ntawm Europe, nrog Australia, Canada thiab tej teb chaws tswj hwm democracy ntawm Asia tham los tawm tsam thiab yuav tsis pub suav ua tus tswj thiab tsim tej khoom siv no hauv ntiaj teb."
Victoria Secret Fashion Show
Sunisa Lee uas yog ib tug ntxhais Hmoob Meskas uas tau sib tw yeej npib kub rau cov kev sib tw Olympics rau cov gymnastic kuj yog ib tug ntawm ob peb tug neeg sib tw uas tau mus koom cov Victoria Secret Fashion Show (VSFashionShow) ntawm New York lub limtiam no.
