Tau muaj ib tsab ntawv cej luam tshiab ntawm lub koom haum Centre for Policy Development tau taw qhia kom pub Australia tej cuab yig uas khwv tau nyiaj tsawg tau siv childcare 3 hnub dawb hos tej uas khwv tau nyiaj ib xyoos twg tshaj $80,000 ces tsuas tau them $30 rau 3 hnub uas siv tej child care services xwb.
Lub koom haum no tsab ntawv cej luam kuj tau kwv yees tias yuav ua rau tsoom fwv tau siv nyiaj txog li $7 billion ntxiv rau tej $13 billion child care subsidy uas siv tam sim no.
Nws cav tias ''Yuav tau txais txiaj ntsim nyiaj txiaj ntau billions los ntawm tej se tej neeg ua hauj lwm them, yuav pab tau ntau billions rau Australia tej GDP thiab pab txuag tau ntau billions rau tej health system, criminal justice system, vim tej system no yuav pab kom tej me nyuam tau lub neej zoo.''
Nws thiaj hais xav kom tsis txhob siv cov child care subsidy thiab tsim cov services kom haum raws li tej me nyuam xav tau thiab pab nyiaj ncaj qha rau tej services no.
ACCC tsab ntawv cej luam tau coj los qhia rau lub 1 hlis ntuj xyoo 2024 yeej tau qhia tias tsoom fwv lub tswv yim uas tsim tib cov child care services zoo tib yam rau tag nrho sawv daws siv siv tsis tau hauj lwm zoo rau tej cuab yig khwv tau nyiaj tsawg, tej neeg nyob deb zos toj siab, tej me nyuam puas cev, tej me nyuam uas xav tau tej kev pab cuam sib chab sib chaws thiab tej cuab yig ntawm tej neeg coj ntseeg ntau yam kab lis kev cai sib txawv.
Thawj pwm tsav los yeej lees paub txog tsab ntawv cej luam no thiab tau hais tias ''yog ib lub tswv yim zoo pab rau Australia tej me nyuam, Australia tej cuab yig thiab Australia tej lagluam.''
Lub koom haum Australian Chamber of Commerce and Industry los yeej lees paub txog qhov tseem ceeb ntawm tsoom fwv tej hauj lwm child care subsidy tias ''yog tej yam zoo pab rau tej tswv lagluam, tej cuab yig kom siv tau raws li qhov lawv xav tau.''
Lub hli dhau los (7 May 2024) ces tsoom fwv teb chaws yeej tau qhia nws lub tswv yim 10 xyoo ''Early Years Strategy'' coj los pab rau Australia tej me nyuam txij thaum yug txog 5 xyoos. Tab sis yeej tseem tsis tau muaj kev koom tes zoo los ntawm 3 theem nom tswv (Teb chaws, xeev, zos).
Thiab Productivity Commission tseem yuav coj nws tsab ntawv cej luam kawg los qhia txog tej hauj lwm early childhood education thiab care no rau tim 30 lub 6 hli ntuj xyoo 2024 no.
Mloog tau SBS Hmong hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm SBS Hmong Facebook, Google podcasts, Spotify thiab Apple podcasts. Download SBS Audio app thiab caum SBS Hmong pod follow.
