Lub koom haum Australian Signals Directorate tsab ntawv cej luam tshiab txog Cyber Threat tau qhia tias txhua txhua 6 ntiag tiv twg (6 minutes) ces yeej muaj ib cov xwm txheej cybercrime uas tsim teeb meem rej tej neeg ntiag tug Australia, ib co lagluam twg los yog nom tswv ib lub chaw hauj lwm twg.
Tsaib no xwb twb muaj tej xwm txheej cybercrime tshaj 94,000 cov ntawm Australia no lawm.
Yog li ntawd Rachel Noble uas yog tus coj lub koom haum no thiaj hasi tias yeej yog tej yam txaus txhawj xeeb heev rau peb haiv neeg no. Vim yeej muaj tej cybercriminals thoob ntuj yeej tau tsim teeb meem rau peb los yog ntiaj teb tej haus paus txhim kho tseem ceeb, tej dej, tej energy industries, telecommunicaiton, transport system, teej kawm thiab tej tsev kho mob.
Thiab tej xwm txheej cybercrimes uas tau muaj ntau tshaj plaws ces muaj neeg phem tsim rau 3 theem nom tswv, tej neeg paub zoo txog tej neeg ua hauj lwm, cov kev teeb txheeb thiab tej kev pab cuam technical services.
Tsab ntawv cej luam no kuj tau qhia tias tau muaj tej teeb meem cyber attack rau tej lagluam ntau tuaj ntxiv txog li 14 feem pua, thiab tau ua rau tej lagluam me poob niaj yuav laug txog li AUD 50,000 hos tej lagluam loj ces poob nyiaj tshaj AUD 70,000.
Lub txhab nyiaj National Australia Bank tus coj los yeej tau qhia tias txhua hli nws yeej muaj peev xwm tiv thaiv tej xwm txheej cyber threat txog li 50 million cov xwm txheej diam.
Hos tej neeg ntiag tug ces pheej raug tej cyber criminals dag siv lawv tej cim thawj (identity), dab nyiaj thaum lawv siv online banking, thiab raug dag thaum yuav khoom hauv online. Tsab ntawv cej luam no qhia tias tos muaj tej xwm txheej no los vim tej neeg ntiag tug siv techology los pab lawv ua lub neej thiab ua luam ces thiaj raug tej neeg phem tsim teeb meem rau.
Associate Professor Toby Murray ntawm tsev kawm qib siab Melbourne University thiaj hais tias xav kom tej neeg ntiag tug thiab tej tuam txhab lagluam yuav tau kub siab nrog pov puag lawv tej xov xwm kom zoo thiab ceev faj kom tsis txhob raug neeg phem dag hauv online.
Tab sis Professor Murray kuj hais tias 'vim technology vam meej lawm ces kuj muaj tej neeg phem cybercriminals siv tej Artificial Intelligence coj los siv duab, suab coj los dag lwm tus tias yog lawv niam lawv txiv, yog ib tug neeg lawv hlub tshua, los sis dag tias raug neeg phem txhom lawm yuav tsum them nyiaj los yog xa nyiaj rau mas thiaj tso'.
Ces Abigil Bradshaw uas yog tus neeg ntawm lub koom haum Australian Cyber Security Centre thiaj hais tias tau muaj tej neeg Australia tshaj 100,000 tus thiab Australia tej lagluam tau koom lub koom haum Australian Signals Directorate cov program Cyber Security Partnership uas yuav muaj peev xwm tsim kom tau ib cov kev ceeb toom thaum tseem ntxov coj los qhia kom sawv daws paub txog cov teeb meem cyber threat ntawm Australia.
Mloog tau SBS Hmong hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm SBS Hmong Facebook, Google podcasts, Spotify thiab Apple podcasts. Download SBS Audio app thiab caum SBS Hmong pod follow.
