Tau muaj ib co kev teeb txheeb tshiab ntawm lub koom haum Adult Multicultural Education Services (AMES) uas tau tshawb fawb nrog tej coj ntawm tej koom haum txog 30 tus ntawm ntau lub nroog li Sydney, Melbourne thab Adelaide txog cov ekv pab cuam rau lawv tej tub koom siab ces kuj txheeb tau tias:
- 50 feem pua ntawm tej coj no tau hais tias lawv tej zejzog tseem tsis tau muaj peev xwm siv tau cov ekv pab cuam daws teeb meem kub ntxhov hauv lub cuab yig txaus.
- 53 feem pua ntawm tej coj no qhia tias lawv tej tub koom siab ntawm lawv tej zejzog tsis paub tias yuav nrhiav kev pab cuam qhov twg.
- 55 feem pua ntawm tej coj no tau qhia tias tsis muaj tej tsev/chaw so/chaw nyob txaus rau tej poj niam me nyuam uas tsiv tawm ntawm tej teeb meem kub ntxhov hauv lub cuab yig nyob.
Raws li tej xov xwm tau los ntawm tsev tsoom fwv Australia tau qhia ces txij thaum tus nom Albanese tau los ua nom no nws tau siv nyiaj txog li $3.4 billion los daws tej teeb meem kub ntxhov hauv lub cuag yig.
Rasha Abbas uas yog tus coj lub koom haum InTouch uas pab tej kws paub zoo txog teeb meem kub ntxhov hauv lub cuab yig los daws tej teeb meem no rau tej neeg ntsib tej teeb meem no thiaj tau hais tias:
''Peb yuav tau hloov siv dua tswv yim tshiab li yuav tau los tiv thaiv kom tsis txhob muaj tej teeb meem no, tsis yog pheej cia muaj es mam los daws tej teeb meem no xwb. Thiab peb yuav tau xyuas kom pab tej neeg ntxeem dhau tej xwm txheej no kom muaj peev xwm rov qab ua tau lub neej li qub, pab kom lawv tau hauj lwm ua, muaj nyiaj siv, pab kom lawv tau siv cov program coj los daws kev nyuaj siab kom lawv thiaj paub txog lawv txoj cai thiab muaj kev sib hwm rau txoj kev txij nkawm, kom tsis txhob ntsib tej xwm txheej phem ntxiv lawm.''
Mloog tau SBS Hmong hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm SBS Hmong Facebook, Google podcasts, Spotify thiab Apple podcasts. Download SBS Audio app thiab caum SBS Hmong pod follow.
