Jessica Vue Ly tau hais tias xyoo no yuav muaj ntau yam txawv rau Hmoob tej tub koom siab ntawm nroog Melbourne tau pom thiab koom kom lawv tau txais kev lom zem thiab npaj siab mus koom.
Cov kev nqua yas suab, seev cev thiab hnyav tsoos ris tsoos tsho Hmoob thiab npaj ib lub Christmas Park yog qee yam ntawm ntau yam dua ntawm cov kev sib tw yog cov kev lom zem yuav npaj coj los rau Hmoob communty tau saib thiab koom xyoo no.
Mloog tau Jason Lee uas yog tus lwm tswj lub koom haum Hmoob Australia Society Inc cov lus tham txog nws pawg tswj lub zeem muag thiab tej hom phiaj tshiab yuav los lis pab tej tub koom siab tau ntawm no: READ MORE
Txawm tias Ms. Jessica tau hais tias ntshe tsis muaj peev xwm yuav npaj cov kev sib tw ntxhais nkauj ntsuab thiab npaj Hmoob tej txuj paj nruag tshuab raj, ncas, qoj xim xo, hais kwv txhiaj, paj huam, lus txhiaj txhais, qwv nplooj, los nws cia siab tias cov txawj yuav los koom thiab los npaj tej txuj no rau sawv daws tau saib thiab koom, thiab yog lwm xyoo muaj caij nyoog ntau ces mam li npaj tej hais no. Tab sis yeej xav kom tej neeg muaj thiab paub tej txuj ci no ho los tsim cov kev lom zem pub rau Hmoob tej neeg zejzog uas tau mus koom lub koob tsheej xyoo tshiab no thiab.
Mloog tau cov kev sib tw nuv ntses uas Tub Muas Yaj npaj ntawm nroog Melbourne xyoo 2018 no tau ntawm no: READ MORE
Yuav muaj cov kev lom zem rau 3 hnub noj peb caug xyoo tshiab ntawm Melbourne xyoo 2018-19 no li nram no:
Thawj hnub yog hnub tim 26.11.2018 yuav muaj fashion show, nqua yas suab thiab ua yeeb yam.
Hnub 2 uas yog hnub tim 27.11.2018 yuav muaj pov pob thaum sawv ntxiv nrog rau cov kev sib tw txij tav su txog tav sua dua, tom qab ntawd tsaus ntuj mam li muaj cov kev nqua yas suab thiab ua yeeb yam ntxiv.
Hnub peb uas yog hnub tim 28.11.2018 ces tsuas pov pob ib tav su lawm xwb tsis ua dab tsi lawm.
Txawm li cas lis Jessica Vue Ly tau hais tias nws thiab nws pab neeg npaj cov kev lom zem rau Hmoob Melbourne lub xyoo tshiab no cia siab tias yuav muaj qee yam ua rau sawv daws surprise thiab pom tias txawv txhua xyoo dhau los.#
