Tsoom fwv Australia yuav tswj tej neeg tsiv teb tsaws chaw uas thov visa tuaj rau teb chaws Australia no kom nruj tab sis yuav xub xub kub siab txheeb tej neeg muaj txuj ci paub ua hauj lwm tej ntaub ntawv thov visas uas Australia xav tau ua ntej.
Tsoom fwv Alabanese tau qhia txog nws tej tswv yim yuav txo tej neeg tsiv teb tsaws chaw txog 225,000 tus xyoo 2028 raws li tej nws kwv yees tseg ntawm nws tej nyiaj puag xyoo lub tsib hlis ntuj.
Kuj tau muaj ntau cov kev pauv hloov tseem ceeb hais tsi ntsees rau tej tub kawm pej kum haiv uas kawm tiav yuav tsum tau rov qab mus tsev, tsis pub thov visa kawm kawm yam ntxiv tsuas yog tias ntshe ho kawm qib siab tshaj qhov lawv kawm tiav xwb.
Tsis pub tej neeg thov visa tuaj xyuas (Visitor visas) txuas visa kom tau nyob ntxiv, tag sij hawm ces yuav tau rov qab mus tsev.
Nom tswv Australia tseem yuav mus txheeb tej neeg tuaj nyob tsis raug cai seb puas yuav xa rov qab raws li qhov tsim nyog.
Tej neeg tuaj holiday thiab ua hauj lwm (Working Holiday visa) ces yuav tau ua hauj lwm ntawm tej chaw cheeb tsam deb nroog thiab tej zos toj siab, tab sis xyoo ob thiab xyoo peb ces yuav siv ib co system los rho npe kom tos tej neeg no tsawg txog li 5,000 tus ntxiv.
Tsoom fwv los kuj yuav xub kub siab txheeb tej ntawv thov visa rau tej neeg muaj txuj ci paub ua hauj lwm kho mob, qhia ntawv, nurse, cog qoob loo, khawb peev txheej thiab tej kws lij choj ua ntej tshaj plaws.
Mloog tau xov xwm tshiab ntawm SBS Hmong Thursday 6 pm, Sunday 11 am; saib tau ntawm digital TV tshooj 302 (SBS Radio 2), download SBS Adio app, Facebook, Youtube, Spotify, Podfollow, iHeart Radio, Google Podcast thiab Apple Podcast.
