Xov xwm luv tshaj tawm ntawm lub limtiam.
Tsoom fwv Albanese pov puag nws cov kev tswj cov kev tsiv teb tsaws chaw nruj tuaj ntxiv; Tsoom fwv Australia tsis kam muab nws cov kev tswj cov kev tsiv teb tsaws chaw piv nrog Meskas tus President Trump tej neeg tsiv teb tsaws chaw.
Hau xeev NSW pov puag nws cov kev kho tsab cai Crown Land Management Amendment (Statutory Review) Bill 2026 tom qab tej koom haum Aboriginal and Torres Strait Islander land rights hais tias cov kev kho tsab cai no yog ib co kev thim ib kauj ruam rov qab.
Roberta Metsola uas yog tus tuam thawj tswj ntawm tsev tsoom fwv Europe hais tias tej zaum Australia thiab New Zealand kuj yuav muaj peev xwm los ua tau ib tug tub koom siab associate member nrog lub koom haum EU (European Union) thiab tom qab uas Ursula von der Leyen uas yog tus tuam thawj tswj lub koom haum EU tau thov cia Canada ua tib tug tub koom siab no.
Meskas lub txhab nyiaj faj seeb haiv tau nce kab theem paj 0.25% thawj zaug rau lub caij 3 xyoo no vim nyiaj tseem poob nqe txog li 3.4%, uas yog tej cov nyom nrog tej Trump xav kom txo kab theem paj.
Saudi Arabia ib lub raj xa roj raug drone tua ces ntshe yuav tsis muaj peev xwm siv xa roj tau rau lub caij txog li 5 limtiam. Lub raj xa roj no yog ib lub tseem ceeb xa roj muag txawv teb chaws txij li thaum Meskas tau ua tsov rog nrog Iran uas tau muab suam hiav txwv Strait of Hormuz kawm.
Nom tswv Fiji tau siv national health emergency tom qab tau muaj neeg kis tau kab mob HIV tshaj 2,000 tus - uas kwv yees tias txhua txhua ib tug neeg hnoob nyoog txij 18 xyoo twg ntawm 60 tus twg kis tau tus mob no - suav cov poj niam muaj me nyuam txhua txhua 2 tug twg ntawm 100 tus yog cov kis tau tus mob no thiab. Nom tswv thiaj qhia tias tab tom nrog xyuas kom siv tau tej kev sim, tej kev tiv thaiv thiab tej kev kho uas siv tau dawb kom siv tau nthuav dav tuaj ntxiv.
Ireland tau qhia tias nws yuav tsis koom thiab yuav tsis nthuav cov kev sib tw nqua nkauj Eurovision 2027 nrog ntau cov teb chaws li Netherlands, Iceland, Slovenia thiab Spain uas tsis pom zoo koom sib tw vim tsis xav kom Israel koom.
Tej kws teeb txheeb ntawm tsev kawm qib siab Charles Darwin University thiab Northern Territory Parks and Wildlife tau caws koob thaij duab ntawm tus dej ntawm Watarka National Park kom tej neeg paub tias muaj Australia tej tsiaj dab tsi mus haus dej.
Australia tau zum 8 ntawm thawj 10 lub uas tau txais vaj huam sib luag tshaj plaws raws li World Economic Forum tsab ntawv cej luam tau txheeb 148 lub teb chaws txog tej kev ua hauj lwm, kev kawm, kev kho mob, thiab kev sawv cev rau kev ua nom ua tswv.
Nplog tej nom tswv cov kev ua tsis ncaj rau tej nyiaj ntau tshaj USD500,000 ntawm xeev Huaphan.
Thaib tus thawj pwm tsav Anutin hais kom tej hau xeev siv cai lij choj muab tej neeg txawv teb chaws uas coj cwj pwm tsis zoo xa rov qab.
Mloog tau xov xwm tshiab ntawm SBS Hmong Thursday 6 pm, Sunday 11 am; saib tau ntawm digital TV tshooj 302 (SBS Radio 2), download SBS Adio app, Facebook, Youtube, Spotify, Podfollow, iHeart Radio, Google Podcast thiab Apple Podcast.
