Tam sim no ces tej neeg ua hauj lwm ntawm Australia yeej raug yuam kom yuav tau rho 11.5 feem puas ntawm tej nyiaj lawv khwv tau ib zaug twg (limtiam, ob limtiam los yog ib hlis) coj mus khaws cia nrog yus phau super account kom tau nyiaj txaus siv rau thaum yus so tsis ua hauj lwm lawm kom tsis txhob pheej tau tos tsoom fwv tej nyiaj aged pension siv.
Xyoo 1992 thaum uas Paul Keating tseem ua nom ntawd ces tau yuam kom tej tuam txhab lagluam yuav tsum tau txiav tej nyiaj no coj mus khaws cia tau siv rau thaum tej neeg Australia so tsis ua hauj lwm thiaj tau nyiaj siv.
Labor lub tau qhia tias Treasury taw qhia kom tsub tej se no thiaj tau nyiaj coj los pab thiab ua tej hauj lwm tsim nyog xub kub siab ua ua ntej, thiab qhia tias tej neeg 80,000 tus uas muaj nyiaj ntau pheej siv tej superannuation system no los pab kom lawv khwv tau nyiaj xwb, thiaj xav xyuas kom tau txais kev ncaj ncees rau sawv daws.''
Txawm li cas los Ted O'Brien uas yog tus nom tswj nyiaj txiaj ntawm lwm pab nom teb chaws hais tias 'Labor cov super tax no yog ib co sau kim thiab yog ib co se phem.'
Ces tej neeg uas muaj nyiaj super ntau tshaj $3 million thiaj yuav tau them se ob npaug ntawm 15 mus ua 30 feem pua.
Txawm tias tsoom fwv Albanese no xav siv tsab cai tshiab no txij tim 1 lub 7 hli ntuj mus los yeej tsev tsoom fwv yeej tseem tsis tau pom zoo tsim tsab cia no siv uas lwm pab nom teb chaws yeej tau qhia tias nws yuav tsis pab txhawb nqa tsab cai no.
Thiab Brendan Coates uas yog ib tug economist ntawm lub chaw teeb txheeb Grattan Institute hais tias ''Tej nyiaj uas tej laus neeg muaj ntawd yeej tsis rho los siv txog rau thaum lawv muaj hnoob nyoog 80 tawm xyoo ces thiaj ua rau lawv tau nyiaj ntau. Thiab Treasury yeej kwv yees tias txog xyoo 2060 ces muaj tej neeg uas muaj tej nyiaj super ntau no txog li 1 feem 3 yuav muab tej nyiaj no rau lawv tej me nyuam xwb.''
Mloog tau SBS Hmong hnub zwj Teeb (Thursday) 6 pm, hnub zwj Hnub (Sunday) 11 am, koom tau ntxiv ntawm Facebook, Google podcast, Apple postcast, los yog Spotify. Download SBS Adio App thiab mloog YouTube, caum Pod follow los yog lwm cov podcasts platforms (iHeart, Amazon Music & Podcasts).
