Nyeem tau zaj xov xwm txog cosmetic surgery ua lus Askiv (English) tau ntawm qhov link no: https://www.sbs.com.au/news/the-feed/fake-doctors-banned-drugs-risky-procedures-inside-australia-s-backyard-beauty-clinics
Raws li SBS program the Feed tau mus tshuaj ntsuam, ces muaj cov cosmetic surgery txhaum cai uas tau lagluam zoo heev tseem niaj hnub ua cov lagluam luam no, muaj tej tshuaj botox thiab lwm yam tshuaj txhaum cai siv, siv tej syringe lo ntshav, pov tej ntaub los qhov txhab lo ntshav li pawg lug ntawm tej thoob ntim thiab tsis muaj tej taub dej dai cov customers thaum mus phai, tseem muaj dev khiav hauv lub clinic thiab siv cov txheej txheem phais tsis yog cov profesional los phais uas yuav muaj teeb meem pheej hmoo rau tib neeg txoj sia tab sis nom tswv tsis muaj peev xwm rau txim rau tej lagluam no li cas.
Vim cov lagluam phai neeg kho kom zoo nkauj zoo nraug thiab kho kom tawm txhob txoom tseem yog ib cov lagluam tsis tau muaj cai zoo coj los tswj thiab yog ib cov hauj lwm tau lagluam zoo ces thiaj tseem muaj neeg coob heev los provide cov services no kom tau nyiaj thiab muaj ntau zuj zus tuaj lawm tab sis tom qab mus phais tag ces kuj yog tej yam teeb meem ua rau tej neeg ntshai kawg li.
Tau muaj ib tug poj niam tau mus hno ib cov tshuaj rau nws lub phlu kom tsis txhob txoom ntawm lub chaw phai neeg kho kom zoo nkauj zoo nraug ntawm nroog Melbourne ib lub tsev apartment. Ces ntawm lub clinin no yeej muaj tej koob txhaj tshuaj tsis huv, muaj tej ntaub lo qhov txhab thiab tissues pawg lug ntawm tej thoob ntim. Tseem muaj ib tug dev zaum ntawm lub rooj sofa thiab muaj ib lub taub dai tso dej rau cov customer ntawm chav nyob ua si, thiab mus phai los sis txhaj tshuaj kho cov customers hauv chav pw xwb.
Hos lub apartment no ces muaj cov tshuajSchedule 4 drugs https://medshadow.org/resource/drug-classifications-schedule-ii-iii-iv-v/ uas yog cov tshuaj: alprazolam (Xanax), carisoprodol (Soma), clonazepam (Klonopin), clorazepate (Tranxene), diazepam (Valium), lorazepam (Ativan), midazolam (Versed), temazepam (Restoril), and triazolam (Halcion) uas muaj cov tshuaj Botox cov hno vov tej tawv nqaij (dermal filler). Cov no ces yog tej tshuaj uas yuav tsum yog cov kws kho mob uas teev zwm npe nrog nom tswv thiab muaj cai sau tshuaj xwb mas thiaj muaj cai thov tau coj los siv thiab yog lub koom haum tswj cov tshuaj Therapeutic Goods Administration (TGA) ua tus tswj thiab tso cai pub siv xwb.
Tab sis tus poj niam uas los phai tej neeg tsis hais phai kho kom tau tawv muag 2 tshooj, mus txog rau rub tawv ntsej muaj kom txhob txoom no yeej tsis yog kws kho mob tiag thiab nws tsuas kawm tiav Master Degree rau fab kev tswj tej ntaub ntawv teev nyiaj txiag xwb.
Tej xwm txheej hais no tseem yog ib cov ntawm ntau cov ntawm cov lagluam clinic phais neeg txhaum cai uas qhib rau ntau lub nroog hauv teb chaws Australia no.
Muaj ib lub clinic phai neeg txhaum cai li no ntxiv tus neeg tos txais qhua thiab tus kws phais piam tias lawv tau yuav tej tshuaj no ntim rau lawv tej thawv thaum mus txwv teb chaws rov qab los rau teb chaws Australia no li cas.
“Ib tug hais tias peb yuav tau cov tshuaj no ntawm teb chaws Kaus Lim (Korea) los. Thiab tsuas yog yus nqa nrog yus xwb mas thiaj coj tau los siv rau hauv teb chaws Australia no. Yog tias yus tseem qhia rau tej neeg tshawb khoom tom tshav dav hlau paub lawm thiab ces lawv yuav muab txeeb mus lawm tsis pub rau yus siv. Thiab peb tsuas muaj peev xwm siv tej hauv kev txhaum cai thiaj pab peb yuav tau tej tshuaj no xwb."
Tej nom tswv xeev thiab nom tswv teb chaws uas tswj cov hauj lwm tswj kev noj qab haus huv yeej paub txog tej teeb meem muaj cov cosmetic surgery clinics txhaum cai no los ntev lawm. Thiab txij li thaum tau muaj ib tug poj niam tau tas sim neej ntawm Medi Beauty Salon ntawm Sydney tsaib no lub 8 hli los yog 9 hli ntuj ntawd, thiaj tau ua rau nom tswv xeev tswj kev noj qab haus huv ntawm xeev New South Wales (NSW) tau mus tshawb 10 lub clinics thiab txeeb tau ib co tshuaj txhaum cai tsis pub siv hauv teb chaws Australia no mus lawm. Los txog niaj hnub niam no los yeej tseem tsis muaj ib tug tswv lagluam uas tswj tej lagluam no los sis tej neeg muag tej tshuaj no raug coj los rau txim li.
Tsis tas li no los cov kws kho mob uas tau teev zwm nrog nom tswv tias lawv ua hauj lwm tam li kws kho mob los tseem mus ua lwm yam hauj lwm lawv muaj cai ua tau thiab.
“Nyob ntawm lub tsev Central Park Apartments, ntwam lub zos Chippendale ntawm nroog Sydney, ces muaj ib tug neeg Suav yog tus tswj cov tshuaj Botox thiab cov tshuaj fillers cuav," tau nyeem tsab ntawv muaj neeg tsis txaus siab xa mus rau nom tswv rau lub 3 hlis ntuj xyoo 2016 tias.
“Tsis yog kws kho mob raug cai yog cov tswv los yog cov phais tej nee thiab tej khoom coj los siv no los yog cov khoom cuav uas qog ua ntawm Suav teb tuaj xwb."
Ntxiv ntawd los tseem muaj ib txhia kws phais kho neeg kom zoo nkauj zoo nrog no cav ua txuj txhob txwm dag ntxiv tias lawv yeej yog cov kws kho mob ua tau txais kev tso cai los ua tau tej hauj lwm no tiag thiab. SBS cov program The Feed tau mus tshuaj ntsuam thiab txheeb tau tias tej lagluam no tau qhib cov chaw ua hauj lwm ntawm tej chaw lagluam zoo hauv nroog Melbourne, thiab tau siv tej ntawv pov thawj cuav coj los ntxias tej customers uas xav mus phais kho kom lawv zoo nkauj zoo nraug ntawd. Cov kws kho mob cuav no tsem tau hno tshuaj rau tej neeg, phais tsoom lawv tej tawv muag, thiab tshoom kom mis zoo nkauj-uas yeej tau siv tib co txheej txheem coj los siv phais tus poj niam uas ua rau nws plawv nres thiab tas sim neej tom qab nws phais kho nws lub cev tas ntawm Medi Beauty Salon ntawm Sydney ntawd.
Thaum SBS The Feed cov neeg nrhiav xov xwm tau mus nrog kiag tus neeg phais uas nws yog kws kho mob cuav no tham ces nws teb tias " peb tsuas phai tej yam me me xwb tsis yog ib cov kev phais loj loj dab tsi."
Yog li cov lagluam cosmetic surgery txhaum cai uas tsis muaj cai tswj tau no thiaj ua rau muaj teeb meem rau Australia cov lagluam no uas tau teev zwm raug kev raug cai lawm. Tam sim no ces tej kws kho mob uas tau mus teev zwm lawv tam li yog ib tug kws kho mob, pib txij li tus general practioner (GP) mus txog rau kws rho hnyiav los txawm cia li hu lawv tus kheej tias yog cov neeg phais kho tej neeg lub cev kom zoo nkauj zoo nraug (Cosmetic surgeon) lawm thiab txawm tias lawv yeej tsis tau kawm phais tias seb lawv tau phais neeg ntau npaum li cas lawm.
Raws li Merrilyn Walton us yog ib tug coj rau lub koom haum daws tej teeb meem kho mob uas tej neeg tsis txaus siab thiab tau coj mus qhia nom tswv ntawm xeev NSW ntawd (NSW Health Care Complaints Commissioner) tau qhia ces nws hais tias:
"Ces thiaj ua rau tej neeg uas tau mus kho mob rau tom tej tsev cawm neeg mob tau tas sim neej tiag lawm."
Xyoo 1999 uas Walton tseem yog tus coj xeev NSW pawg rooj saib xyuas cov dej num txheeb xyuas txog cov teeb meem phai kho tej neeg kom zoo nkauj zoo nraug no tau nqua hu kom yuav tsum tsim tsa ib lub koom haum los tswj cov kws phais kho neeg kom zoo nkauj zoo nraug no. Tab sis nom tswv yeej tseem tsis tau muaj peev xwm los muab cov kev tawm tswv yim no tsim kom siv tau tiag li.
Yog li tam sim no thiaj tsuas nyob ntawm cov neeg consumers uas cov txheeb xyuas tias cov kws phais kho neeg no puas yog cov tseeb los cuav li cas xwb los yog yeej tsis yog tej hauj lwm lawv ib txwm ua tab sis lam ua xwb.
“Nws tsim ib lub vam sab pab kom tej neeg ntseeg nws," Michelle Burgess uas yog ib tug poj niam uas tau mus phai thiab kho nws lub mis kom zoo nkauj nrog ib tug kws kho mob Les Blackstock ntawm Western Sydney ntawd tau qhia.Tsaib no ces nom tswv kuj tsis pub ntawv tso cai rau nws ua cov hauj lwm no tom qab tau muaj neeg mus yws cov teeb meem rau nom tswv.
“Lawv tab tom mus tshuaj ntsuam nws tam sim no. Tab sis tej zaum ntshe yuav lig zog lawm, vim muaj tej poj niam coob leej ntau tus tau txais kev tsim txom los ntawm tus kws kho mob no ob txhais tes lawm," Michelle tau hais li ntawd.
Merrilyn Walton ntseeg tias tsim nyog tej nom tswv teb chaws uas tswj tej hauj lwm no yuav tsum tau los teeb tsa ib lub koom haum nruab nrab tsis nce rau tog twg los tswj tej dej num no los yog tsim nyog yuav los ua tus ntaus thawj hlo thiab los tawm tswv yim qhia rau tej neeg kom paub tias tej kws phais kho neeg kom zoo nkauj zoo nraug yuav tsum muaj txuj ci thiab paub tej hauj lwm los yog txheej txheem dab tsi thaum lawv phais neeg ntawd.
“Yog tej tsoom hwv thoob teb chaws Australia tsis sib koom tes ua ke los nrog xyus kom muaj cai zoo los tswj tej lagluam no, ces ntshe peb tseem yuav pom muaj neeg tas sim neej txuas ntxiv, thiab tseem yuav muaj tej neeg coob ntxiv raug kev puas tsuaj, thiab yuav ua rau tsis muaj peev xwm los tswj tau tej lagluam no ntxiv lawm," Merrilyn Walton tau qhia li no rau tsev nthuav xov xwm SBS cov program the Feed.#
Koj muaj peev xwm mloog tau cov xov xwm ua lus Hmoob los yog lus Askiv (English) tau raws li cov vam sab hauv qab no:
Mloog tau cov program ib teev tag nrho rau hnub zwj Teeb (Thursday) 6pm AEST (Australian Eastern Standard Time) thiab zwj Hnub (Sunday) 11am AEST ntawm: www.sbs.com.au/hmong
Koj muaj peev xwm download cov xov xwm ua ib zaj ib zaj ua lub Hmoob thiab lus Askiv (English) los yog mloog tau ntawm: www.sbs.com.au/podcasts/yourlanguage/hmong
Mus download tau SBS Radio app tau hauv Google Play thiab App Store ntawm http://www.sbs.com.au/radio/article/2015/03/07/download-sbs-radios-free-mobile-app tso rau koj lub xov tooj ntawm tes ces mloog tau rau 2 hnub hais dhau los saum toj no. Los yog koj muaj lus nug cuam tshuam txog cov kev siv SBS Radio app ces saib thiab nyeem tau ntawm no ntxiv http://www.sbs.com.au/radio/sbs-radio-app
Tuaj ua tub koom siab thiab caum SBShmong qab hauv SBSHmong Facebook page, tuaj nyem nyiam (Click like) tuaj faib (Share) SBShmong cov xov xwm rau koj tej phooj ywg thiab tawm tswv yim (Comment) ntawm www.facebook.com/sbshmong
Thiab yog koj xav share thiab qhia koj zaj dab neeg thiab xov xwm rau xov tooj cua SBS Hmong Program tshaj thiab nthuav rau ib tsoom Hmoob sawv daws tau mloog kom sawvdaws ho hnov txog ces hu xov tooj rau +61 3 9949 2259 nrog SBS Radio Hmong Program tham tau. Los sis xav SMS rau + 61 (0) 429996263 tau los yog xa koj cov lus tawm tswv yim rau comments@sbs.com.au tau.
Koj muaj peev xwm mloog tau cov xov tooj cua tau raws li lub vam sab ntawm no: http://www.sbs.com.au/radio/listen-amfm-radio
HOBART = 105.7FM
MELBOURNE = 93.1FM / 1224 AM
CANBERRA = 105.5FM / 1440 AM
SYDNEY = 97.7FM / 1107 AM
WOLLONGONG = 1413AM
BRISBANE = 93.3 FM
CAIRNS = 90.5 FM
DARWIN = 100.9FM
PERTH = 96.9FM
SA = 106.3 FM
Thiab tseem mloog tau ntawm digital TV tshooj 38 ntxiv thiab.
