Xov xwm luv tshaj tawm hnub zwj Feej (Wednesday news 17.09.2025):
Lwm pab nom teb chaws cov kev xav thov txiav kev pab welfare benefits
Sussan Ley uas yog tus coj ntawm lwm pab nom teb chaws tau hais lus ntawm Melbourne hnub tias nws xav thov los txiav cov kev pab cuam welfare benefits, vim pom tias zoo li Australia pheej ua rau tej neeg tos cov kev pab cuam no thiab zoo li yeej txwv tsis pub Australia tej nom tswv tham txog tej no tab sis tsis yog txhua leej txhua tus yog cov neeg muaj cai tau txais tsoom fwv cov kev pab no. Nws hais tias yeej tseem ceeb uas muaj cov social safety net no tab sis yuav tsum xyuas kom siv tau cov kev pab no ntev ntxiv tuaj thiab.
UN cov kev tawm tswv yim rau cheeb tsam Middle East
Israel tau tawm tsam nroog Gaza raws li nws tau tos los ntev heev rau lub caij uas UN lub koom haum Independent Internatinal Commission tau liam tias nws tau tua neeg coob heev ntawm lub nroog no. Tab sis Israel tej tub rog thiab tus coj yeej tsis lees paub tej lus iab liam no thiab qhia tias yog tej tsis muaj tseeb.
Cov kev teem txim rau tus neeg tus Mr Kirk
Tau muaj tej kws txiav txim plaub ntug ntawm Meskas lub xeev Utah tau rau txim rau Tyler Robinson thiab liam tias nws tau tua Mr Charlie Kirk ntawm Untah Valley University limtiam dhau los, thiab xav kom muab nws rau txim tuag.
Tuam txhab BHP rho ntau puas tus neeg tawm hauj lwm
BHP uas yog ib lub tuam txhab khawb peev txheej tseem yuav rho tej neeg ua hauj lwm khawb roj zeb ntsuam ntawm Queensland tawm txog li 750 txoj vim lawv yuav tau them tej nqe royalties ntau heev rau tej hauj lwm lawv ua no (uas tsoom fwv xeev hais tias yeej yuav them mus txog xyoo 2029-30).
Australia cov kev pom zoo hauj lwm tub rog nrog Papua New Guinea (PNG)
Thawj pwm tsav Anthony Albanese yuav ncaim Papua New Guinea (PNG) yam tsis muaj peev xwm kos xyeem mem tes rau cov kev pom zoo Pukpuk Treaty raws siab xav rau lub caij ntev tshaj 70 xyoo. Mr Albanese thiab James Marape uas yog PNG tus thawj pwm tsav tau pom zoo ua lus rau cov kev pom zoo no tab sis nom tswv PNG tseem yuav tau tso cai pom zoo tso. Ces thiaj yog ib co xwm txheej cheem kom Australia tsis muaj peev xwm tsim kev phooj ywg thiab xyuas kom nws muaj fwj chim rau cheeb tsam no coj los ua cov kev cheem kom Suav tuam tshoj tsis txhob muaj tej fwj chim li hais ntawd rau cheeb tsam no. Mr Albanese hais tias ''Tej txheej txheej yog ib co tseem ceeb, thiab cov kev tswj hwm twj lij ywj pheej yeej yog ib cov tseem ceeb thiab uas peb yeej hwm. Thiab PNG tej nom tseem ceeb tseem yuav tau los txheeb tso."
Andrew Hastie yuav tawm nom yog Federal Oppostion tseem ua cov net zero emission xyoo 2050
Andrew Hastie uas yog lwm pab nom teb chaws tus nom tswj lub tuam chav Home Affairs hawv tias nws yuav tawm tsis ua ib tug nom tseem ceeb yog tias nws pab nom koom tswj tseem kub siab yuav ua cov hauj lwm txo kom tsis txhob muaj tej pa tsis huv paug tsuas rau tej ib puag ncig xyoo 2050 (rau lub caij nws pab nom tseem yuav los txheeb txog nws tsab cai energy policy nrog lwm yam hauj lwm).
Tej nqe ua Tasmania lub tshav sib tw
Lub koom haum Tasmania Planning Commission tau txheeb tau tias tseem yuav siv nyiaj ntau tshaj tej tau npaj yuav siv coj los tsim lub tshav sib tw ncaws pob Australian Football League uas yuav tau siv txog $945 million yuav thaj chaw thiab tsis tsim nyog lawm vim kim dhau heev lawm.
Tej xov xwm Artificial Inteligence thiab tej tuam txhab lagluam
Raws li lub tuam txhab HP thiab Mocrosoft tau muaj ib cov kev teeb txheeb nrog Australia 500 lub tuam thxab lagluam ces pom tias ib feem peb ntawm Australia tej lagluam me thiab nrab yeej siv cov AI tool uas siv tau dawb li Chat GPT, Mocrosoft Copilot, thiab Google Gemini txawm tias tsam ua rau muaj teeb meem lawv tej xoxwm uas tsis tsim nyog qhia rau lwm tus paub.
Trump thiab teb chaws Australia
Donald Trump uas yog Meskas tus thawj tsav meem (President) cia siab tias nws yuav tau nrog Australia tus thawj pwm tsav tham sai sai no ua ntej Anthony Albanese yuav mus koom UN lub rooj sab laj ntawm New York limtiam tom ntej no. Tom qab John Lyons uas yog ABC tus neeg nthuav xov xwm tau nug Trump ntawm tsev dawb ntawm Washinton tias seb puas yog nws siv nws cov kev ua president pab kom nws thiab nws tsev neeg tau lagluam, uas Mr Trump hais tias yog tej yam yuav muaj teeb meem rau Australia.
Tej zaum Cob Tsib yuav tau cov khoom plig Nobel Prize yav pem suab
Tau muaj ib tug tub koom siab ntawm lub koom haum Nobel Prize ntawm Sweden hais tias tej zaum yav pem suab Cob Tsib yuav yeej cov khoom plig Nobel Prize rau AI rau lub caij uas tsoom fwv Cob Tsib tseem xav tsim kom tau ib tsab cai coj los txhawb nqa kom nws yog lub teb chaws ntaus thawj hlo rau cov technology no ntawm cheeb tsam Southeast Asia raws li Tuoitre News qhia.
Kev tsheb siv thiab ASEAN cov hauj lwm biosecurity
Vientiane Times tau tshaj tawm tias nom tswv Nplog yuav tso cai rau neeg Nplog hauv tuam ceeb Vientiane siv tau txoj kev tsheb me hauv plawv kev ntawm KM 7 mus rau txoj kev 450 rau thaum sawv ntxov 6 txog 9 teev thiab 4 txog 6 teev tsaus ntuj kom thiaj daws tau tej teeb meem tsheb daig. Tib lub caij no los kuj tau muaj lub rooj sab laj ntawm tuam ceeb Vientiane kom muaj kev koom tes rau tej laboratory thiab biosafety biosecurity kom zoo tshaj qub ntxiv rau lub koom haum ASEAN kom thiaj muaj peev xwm tswj tej tej kab mob ntawm cheeb tsam no.
Txheeb seb Anutin Charnvirakul puas muaj cai ua nom
Bangkok Post tau tshaj tawm tias tau muaj Thaib ib co nom kis xeev siab tau hais kom pab nom People's Party txheeb seb puas yog tias Anutin Charnvirakul uas yog Thaib tus thawj pwm tsav ntawm pab nom Bhumjaithai tam sim no puas muaj cai ua nom vim lawv liam tias nws muaj feem cuam tshuam rau tsev kis xeev siab cov kev xaiv nom uas ua tsis ncaj.
