Tsoom fwv Albanese tau tshwm nyiaj AUD 30 million los tsim cov kev sab laj tawm tswv yim txog nyiaj txiaj (financial counselling services) tim ntsej tim muag thiab hauv zov tooj ntawm National Debt Helpline coj los pab neeg Australia rau lub sij hawm 3 xyoos tom ntej no, rau lub tsam thawj tej neeg txom nyem nyiaj txiaj, muaj nuj nqes siv ua lub neej kim ntau yam tuaj ntxiv.
Thiab muaj ib cov lus nug tias seb puas yog tej tuam txhab lagluam yog cov ua rau tej neeg ntsib teeb meem txom nyem nyiaj txiaj thiab yuav tiv thaiv li cas.
Txawm li cas los kuj muaj tej koom haum lagluam sawv cev rau tej tuam txhab nyiaj, insurance, energy industries, gambling industries, telecommunication industries thiab Afterpay koom tsim cov financial counselling services no rau tej neeg Australia kom tau siv thiab.
Yog tias koj los yog ib tug twg ntsib teeb meem nuj nqes thiab txom nyem nyiaj txiaj ces hu rau lub koom haum National Debt Helpline raws tus zauv xov tooj 1800 007 007.
Mloog tau SBS Hmong hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm SBS Hmong Facebook, Google podcasts, Spotify thiab Apple podcasts. Download SBS Audio app thiab caum SBS Hmong pod follow.
