Coob tus poj niam Muslim ntawm Australia xav tias ntshe yuav dhia tsis dhau ntawm cov xwm txheej Islamophobia

"Yeej muaj tej xwm txheej Islamophobia (cov xwm txheej raug neeg ntshai, ntxub thiab faib cais vim yus yog ib tug neeg ntseeg kev ntseeg Islam) no tshwm sim ntau txheeb zaug ... yog tham txog tej xwm txheej no rau tej poj niam Muslim ua ntoo phuam khwb phuam lawm, ces lawv mloog tau tias yog yus yog ib tug neeg Muslim ntawm teb chaws Australia no ces ntshe yus yeej yuav raug tej xem txheej no xwb.''

Most targets of Islamophobia in Australia are women and girls, while most perpetrators are non-Muslim men. Credit: Getty/SBS

Mloog tau tej zaj lus thiab lwm yam xov xwm ua lus Hmoob tau ntawm SBS Hmong.

Dr Nora Amath ces yog tus Executive Director ntawm lub koom haum Islamophobia Register tau hais tias pom muaj tej xwm txheej Islamophobia no ''ntau tshaj plaws'' tuaj ntxiv lawm txij li thaum tau muaj tej xwm txheej tim 7 lub 10 hli ntuj 2023 (uas Hamas tua Israel).

Nws tau hais tias tej poj niam thiab tej me nyuam ntxhais yog cov raug lwm tus tsim tej xwm txheej no ntau tshaj plaws txog 75 feem pua.

Yog ib co xwm txheej uas muaj rau tej poj niam xwb.

Dr Amath tau hais tias tej xwm txheej tsis sib haum xeev rau tej laj fai kum xeeb ntawm ib cheeb tsam twg yog cov ua rau muaj tej xwm txheej Islamophobia ntawm teb chaws Australia, tab sis tej ntawd tsis yog tib co ua rau muaj tej xwm txheej no nkaus xwb thiab.

"Tej lus tawm tswv yim laj fai kum xeeb yog tej yam tseem ceeb heev uas yuav ua rau seb peb pom tias yuav muaj tej neeg qhia rau peb tias muaj tej xwm txheej no ntau tuaj ntxiv los yog tsawg tuaj ntxiv xwb."

In this episode of Understanding Hate, we look at Islamophobia in Australia today.

Mloog tau xov xwm tshiab ntawm SBS Hmong, download SBS Adio app thiab caum SBS Hmong Facebook page.