Ib xyoos twg yeej muaj cov kev lees paub rau tej neeg Asian-Australian (neeg Australia caj ceg neeg Asia) tej hauj lwm uas tau ua pab txhim kho lub teb chaws no ntawm lub koom txoos Asian-Australian Leadership Awards. Thiab xyoo no txwm rau xyoo 7 lawm.
Xyoo no ces muaj ib tug tub kawm uas kawm tiav xyoo 12 tau qhia cov financial literacy rau tej me nyuam yaus ntawm ntau lub teb chaws thiab ib tug neurosurgeon uas tau pab cov kev teeb txheeb stroke thiab pab kom tau txais kev vaj huam sib luag rau cov kev kho mob.
Annie Zhou uas yog ib tug ntxhais neeg Asian-Australian hnoob nyoog 18 xyoo tau yeej xyoo no cov khoom plig rising star rau cov hluas hnoob nyoog qes dua 25 xyoos rau cov kev qhia cov financial literacy rau ntau cov teb chaws, thoob teb chaws Australia, cheeb tsam Asia thiab Africa.
Nws phau ntawv Money made simple thiaj yog ib feem ntawm tej hauj lwm no thiab nws kuj tseem ua ib co podcast episode 'Brighter future youth' uas nrog tej coj tseem ceeb tham kom paub txog tej coj tej kev xav, cov kev ua tus coj los pab rau tej hluas kom ua tau lub neej thiab ua tau tiav raws li tej hom phiaj ntawm lawv lub neej pem suab.
"Kuv ntseeg tias cov kev tau txais cov khoom plig no yog ib lub meej mom tshwj xeeb heev rau kuv tam li yog ib feem ntawm tej neeg Asian-Australian ntawm ntau hom neeg sib txawv uas ua tej coj uas peb pom tam sim no ntawm teb chaws Australia no."
Ferdy Bong ces yog ib tug neeg Australia caj ceg neeg Indonesia los kuj tau ib co khoom plig rau cov corporate sector thiab vim pab kom ua tau Australia tej retail business ntawm Suav tuam tshoj.
Martine Letts uas yog tus coj AsiaLink ntawm University of Melbourne hais tias "Tsuas muaj tej neeg Asian-Australian txog 5 feem pua ntawm Australia tej tuam txhab 100 lub uas raug teev nrog ASX (Australian Stock Exchange) thiaj yog cov tau ua tej coj xwb, tab sis tej neeg Asian-Australia twb muaj txog li 1 feem 5 ntawm Australia tej pej xeem lawm. Ces zoo li Australia tej tuam txhab lagluam yeej tsis tshua kub siab los yog tsis xav tias cov kev cia muaj cov neeg Asian-Australia ua tej coj theem siab yuav tau txais txiaj ntsim thiab pab kom muaj kev nkag siab txog cov kev xav ntawm tej teb chaws Asia, uas yog tej yam zoo, yog tej zoo rau lagluam thiab kuj yog cov kev vaj huam sib luag thiab."
Lyn Dickens uas yog ib tug neeg sau ntawv ces tau cov khoom plig cuam tshuam txog tej culture xyoo no.
Usman Khawaja uas yog ib tug neeg sib tw cricket tshaj lij los kuj tau cov khoom plig sib tw (Sport award). Thiab nws qhia txog nws zaj dab neeg txog cov kev yog ib feem ntawm teb chaws Australia tias:
"Kuv yeej tsis txaj muag uas kuv xav qhia tias yeej txaj muag me ntsis vim yus tau loj hlob tam li yog ib tug neeg Asia ntawm teb chaws Australia. Qhov kuv xav tau tshaj plaws yog cov kev ua 'ib tug neeg Australia xwb.' Tsam no kuv thiaj muaj peev xwm qhia tias kuv yog ib tug neeg Australia caj ceg neeg Asia."
Dr Sonu Bhaska ces tau cov khoom plig overall award vim nws tau pab teeb txheeb txog cov kab mob stroke thiab pab kom tau txais vaj huam sib luag rau cov kev kho mob. Nws hais tias:
"Peb tsis tas yuav pab peb ib yam cim thawj (identity) dab tsi es thiaj muaj peev xwm ua kev zoo siab rau lwm cov cim thawj. Los lus Asian txuas rau lo lus Australian no tsis yog teeb meem dab tsi tab sis yog ib tug choj tuam rau peb xwb."
"Tej kev uas peb raug lwm tus faib cai thiab ntxub ntxaug yeej qhia tsis tau qhov tseeb ntawm peb tiag. Peb yuav taum tau txhim kho kom pab zoo tshaj qub ntxiv. Cov kev xav kom ua tau ib tug neeg Indian-Australia zoo dua ntxiv ces yog cov kev pab peb tej zejzog."
