Raws li ntiaj teb lub koom haum koom haiv (United Nations - UN) tsab ntawv cej luam tshiab hu ua Human Development Report uas tau coj los cej luam ntawd ces pom tau tias tej teb chaws txom nyem tshaj plaws tseem ua lub neej poob qab tshaj qub txog 20 xyoo lawm thiab. Hais tsis ntsees rau lub caij muaj tus kab mob COVID-19 kis thoob ntuj ces ua rau tej poj niam thiab tej me nyuam ntxhais yog cov tsis tau txais kev vaj huam sib luag tshaj plaws. Yog li ntawd UN thiaj xav kom tej teb chaws nplua nuj kub siab nrog daws tej teeb meem no, tsis li ntawd ces yuav ua rau ntiaj teb tsis tau txais kev tiaj tus thiab tsis tau txais kev ruaj ntseg.
Antonio Gutterres uas yog UN tus coj thiaj hais tias 'ntshe tsis muaj peev xwm yuav ua tau 5 lub hom phiaj ntawm cov kev txhim kho ceev txuag tau tej ib puag ncig kom tiav raws li tau teeb tseg, uas ib lub hom phiaj ntawd yog nrog xyuas kom poj niam thiab tej me nyuam ntxhais tau txais vaj huam sib luag'.
Yog li Achim Steiner uas yog UN tus tswj UN cov program Sustainable Development Programs thiaj hais tias yuav ua rau muaj kev sib twg tswj ntawm tej teb chaws nplua nuj thiab txom nyem tuaj ntxiv.
Peb yeej tab tom pom tias muaj ntau lub teb chaws hauv ntiaj teb meem txom zujzus tuaj ntxiv lawm, thiab tig mus tuaj ib tog twg thiab yeej muaj tej nom tswv coj nruj tsiv uas ua rau muaj tej neeg nyiam coob ntxiv tuaj ces thiaj yuav ua rau muaj txoj kev sib twg tswj, muaj tej kev coj tej tswv yim nruj tsiv uas yuav tsim tau teeb meem, thiab yuav ua rau muaj tej neeg coob zujzus tuaj tig rov qab los sib tawm tsam.Achim Steiner, Administrator of the United Nations Development Programme and Vice-Chair of the United Nations Sustainable Development Group.
Mloog tau SBS Hmong hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm SBS Hmong Facebook, Google podcasts, Spotify thiab Apple podcasts. Download SBS Audio app thiab caum SBS Hmong pod follow.
