Annie Lee yog tus koom tsim tsa Hmoob lub koom haum Hmong Women Today tau nrog SBS Radio Hmong Program ntawm teb chaws Australia tham thiab qhia txog nws lub rooj koom txheej tham txhob Hmoob tej kab lis kev cai 4 nqe tseem ceeb xws li tham txog txiv neej ua tus coj thiab tus ntaus thawm, kev sib yuav ua txwj nkawm, kev sib nrauj thiab cawv xeeb cawv lav tias yog vim li cas thiaj tseem yog ib cov kab lis kev cai uas ua ntev, siv sij hawm ntau, siv nyiaj txiag ntau thiab sib cov nyom los yog tej zaum ua rau poj niam thiab tej ntxhais tsis tau txais vaj huam sib luag.
Puas tsim nyog peb yuav tau kawm ntxiv kom paub zoo thiab thaum paub lawm thiaj nrog tau tej laus sib txuas lus sib tham thiab kho kom haum rau kee tiam neej 21st century no.
Annie Lee thiab nws lub koom haum Hmong Women Today kuj tau npaj tau lub rooj koom txheej hu ua Hmong Culture Awareness Summit rau tim 26-29 lub 9 hlis ntuj xyoo 2018 ntawm California teb chaws America, thiab yuav coj los tso live rau hauv Hmong Women Today lub Facebook page.
Koj txheeb xyuas tau xov xwm ntxiv ntawm Hmong Women Today lub Facebook page tau ntawm no.
Yog koj xav koom ces koj yuav tau mus teev zwm npe registered thiaj tau koom cov kev sib tham zaum no tau ntawm no information.
Vim Annie Lee qhia tias xav kom sawv daws npaj nyeem ib cov lus nug thiab saib ib cov video ua ntej kom totaub me ntsis txog Hmoob tejkab lis kev cai 4 nqe hais tau hais los saum toj no tso thiaj tsis mus sib cav thiab tsis totaub yuam kev thaum koom lub rooj koom txheej no.
Los sis koj mus txheeb tau ntawm Hmong Women Today Facebook page los yog sib txuas lus tau nrog Annie Lee
ntawm nws ntiag tug li Facebook page tau.#
Mloog tau xov xwm ua lus Hmoob ntawm xov tooj cua SBS Radio Hmong Program ntxiv tau rau ntawm lub vas sab www.sbs.com.au/hmong rau ob hnub xws li hnub zwj Teeb (Thursday) 6pm AEDT-Australian Eastern Standard Time thiab hnub zwj Hnub (Sunday) 11 am AEDT; download tau SBS Radio App kom koj mloog tau xov tooj cua SBS Radio Hmong Program tau ntawm App Store https://apple.co/2pLgvCX thiab ntawm Google Play http://bit.ly/2GuIRv los yog download xov xwm kaw ua suab (Podcasts) ua lus Hmoob thiab lus Askiv tau ntawm www.sbs.com.au/podcasts/yourlanguage/hmong los sis download tau ntawm https://www.stitcher.com/podcast/sbs-radio/sbs-hmong thiab ntawm iTunes https://itunes.apple.com/us/podcast/sbs-hmong/id814724207?mt=2 tuaj koom ua tub koom siab thiab koom mloog tau tau ntawm #SBSHmong lub Facebook page www.facebook.com/sbshmong tau.
