Xyoo no yuav muaj ntau yam ua koom txoos yuav ua rau Hmoob lub tsiab peb caug xyoo 2025-26 raws li hauv qab no raws li Ntsuab Zeb Vwj uas yog tus tuam thawj tswj ntawm lub koom haum Hmong Australia Society ceg xeev Victoria qhia.
Ntxhais Hmoob Victoria hnav tsoos Hmoob yees duab xyoo tshiab 2024-25 Credit: Ntsuab Zeb Vwj
Tsiab peb caug xyoo 2025-26 no muaj tej koom txoos dab tsi yuav ua:
- Koom txoos paj nruag 19/12/2025 sij hawm 7-11 pm ntawm 149 Donald St, Brunswick East, VIC 3057. Cov tub ntxhais nqua yas suab yog Zoov Phab Xyooj, Monica Ham thiab Muas Hawj. (Pub cov muaj hnoob nyoob 18 xyoo mus koom xwb).
- Lwm sub tim 20/11/2025 zwj Teeb (Thursday) qhib lwm sub sij hawm 7 pm ntawm Progress Hall, Coolaroo, VIC 3048. (Ib tsoom Hmoob koom tau).
- Ncaws pob thiab ntaus pob tim 20-21/12/2025 (John Lee) ua tus tswj.
- Noj tsiab peb caug 2025-26 qhib hall txiav paj ntawm qhov rooj thiab txais lub rooj noj rooj haus, lub rooj xyoo tshiab tos txais xyoo tshiab sij hawm 1 pm AEDT tim 26/12/2025 ntawm Progress Hall, 27-59 Almurta Avenue, Coolaroo VIC 3048. Yuav muaj kev lom zem li tub ntxhais seev cev, tej tub hluas cov tsheb sport car show, games ua kev lom zem rau tej me nyuam yaus. Cici Mao Thao uas koj nrhiav tau hauv Facebook yog tus tswj kev lom zem hu nkauj yog leej twg xav koom tsim kev lom zem rau lub xyoo tshiab tsiab peb caug 2025-26 ces nrog nws tham. Kiab Lee Yang yog tus tswj cov tub ntxhais nkauj ntsuab, Jessica Vue Ly yog tus tswj tswj cov kev lom zem rau tej me nyuam yaus.
- Hnub ob uas yog hnub tim 27/12/2025 ces cia rau Hmoob tej hluas pov pob thiab ua kev lom zem.
Ntxhais Hmoob Victoria hnav tsoos Nplog yees duab xyoo tshiab 2024-25 Credit: Ntsuab Zeb Vwj
Npaj dab tsi mus koom tsiab peb caug 2025-26:
- Hnav tsoos Hmoob kom txij mus koom cov kev qhib lub xyoo tshiab xyoo 2025-26 ntawm Progress Hall pib sij hawm 1 pm tim 26/12/2025.
- Koom Haum Hmoob Victoria npaj dej rau cov tub koom siab tau haus.
- Cov neeg mus koom nyias npaj nyias zaub mov nqa mus koom noj ua ke.
- Hmoob sawv daws npaj kev lom zem txuj ci mus koom ua kev lom zem rau lub tsiab peb caug.
Hmoob Victoria seev cev xyoo tshiab 2024-25 Credit: Ntsuab Zeb Vwj
