Xyoo 2017 no yog xyoo uas tsoom hwv Suav tuam tshoj ntawm Beijing tau tshwm nyiaj los pab cov kwv tij Hmoob Suav ntawm cov zos Xijiang ntawm Leishan, Quizhou thiab Qianhou ntawm tebchaws Suav ua koom txoos ntau yam thiab noj tsiab peb caug.
Kim Nom Vaj Xyooj yog ib tug kwv tij Hmoob Suav nyob Paj Tawg Lag (Wenshan) dhau los thiab nws muaj ib lub koom haum tswj Hmoob Suav tej kab lis kev cai thiab qhia rau tej neeg uas tsis tau paub txog Hmoob tej zejzog ntawm tebchaws Suav.
Tam sim no ces nws nyob ntawm Saint Paul Minnesota teb chaws Amrica thiab ua tus sawv cev thiab tau txais ntaub ntawv os ntawm nom tswv Suav tuam tshoj kom nqua hu tsoom Hmoob thoob lawj kob xwb rov qab mus xyuas kwv tij Hmoob Suav thiab tebchaws Suav tuamt tshoj tom qab tau ncaim los tau 5 tiam neeg.
Cov kev mus zaum no yuav muaj ntau yam ntawm Hmoob lub paj tsiab peb caug xyoo tshiab ntawm teb chaws Suav tuam tshoj xws li yuav tsa tus pej thuam pob zeb ntawm Paj Tawg Lag (Wenshan) nco txog cov kwv tij Hmoob uas tau tsiv tawm ntawm Suav tuam tshoj mus rau xov tshoj ntau tiam dhau los uas Hmoob txiv yawg (Chiyou) tau tawm tsam nrog Huab tais Suav tuam tshoj 500 xyoo dhau los.
Xijian Miao Village-SONG1907-CC BY SA 4.0-Wikimedia Commons Source: Creative Commons Wikimedia Commons
Ntxiv ntawd yuav muaj tsiab peb caug noj ntawm Gui Zhou rau hnub tim 23-25/11/2017 no. Thiab txog rau hnub tim 01/04/2018 no yuav muaj cov kev sib tw ncaws pob ntaus kev phooj ywg rau tsoom Hmoob thoob qab ntuj ua kev rau ntawm Hmoob cov zos nyob teb chaws Suav tuam tshoj thiab.
Dua ntawm tej hais no tag lawm los 2 lub nroog Funan uas muaj kwv tij Hmoob Suav nyob thiab lub nroog Saint Paul Minnesota los kuj tau pom zoo los ua 2 lub nroog viv ncaus uas yuav tsim ib cov pej thuam Hmoob America mus tso rau lub nroog Funan hos lub nroog Funan los yuav tuaj tsim ib lub tseb tuaj kub rau ntawm Saint Paul, Minnesota, USA no tib yam.
Kim Xyooj tau qhia tias yeej tseem yuav sab laj sib tham ntxiv kom coj tau thiab tsim tau Txiv Yawg (Chiyou) tus pej thuam tuaj tsa rau ntawm Saint Paul Minnesota no ntxiv rau lub neej pem suab ntxiv thiab.
Nws tau qhia tias ntxiv tias twb tau muaj ze txog li 100 leej kwv tij neej tsa Hmoob ntawm teb chaws America tau qhia tias lawv xav mus xyuas kwv tij Hmoob Suav lub tsiab peb caug xyoo no ntawm teb chaws Suav lawm.
Kim Nom Vaj Xyooj tau hais ntxiv tias "Thaum peb nug cov kwv tij Hmoob uas tau rov qab mus xyuas kwv tij Hmoob Suav tuam tshoj ntawd ces lawv yeej tau teb tias yog peb rov qab los xyuas xwb tsis yog peb tuaj xyuas nej, vim rau qhov txawm tau ntau tiam neeg dhau los lawm los Hmoob yeej tseem xav ntsoov tias Hmoob tau tsiv tawm ntawm Suav tuam tshoj los rau Xov tshoj thiab nco qub teb qub chaw xav rov qab mus tsham xyuas dua."
Kim Xyooj yeej tau txhab ntxiv thiab tias txawm Hmoob thiab ntau haiv neeg tau tsiv tawm ntawm Suav tuam tshoj mus nyob puv ntuj los zoo li nom tswv Suav tuam tshoj tseem xav thiab tsis tau hnov qab tias sawv daws yeej tseem yog neeg Suav thiab xav kom rov qab mus xyuas teb chaws Suav tuam tshoj.
Yog koj xav paub thiab xav tau xov xwm kom ntxaws tias yuav tau li cas ces hu xov tooj thiab sib txuas lus raws li daim duab saum toj no.
Koj muaj peev xwm mloog tau cov xov xwm ua lus Hmoob los yog lus Askiv (English) tau raws li cov vam sab hauv qab no:
Mloog tau cov program ib teev tag nrho rau hnub zwj Teeb (Thursday) 6pm AEST (Australian Eastern Standard Time) thiab zwj Hnub (Sunday) 11am AEST ntawm: www.sbs.com.au/hmong
Koj muaj peev xwm download cov xov xwm ua ib zaj ib zaj ua lub Hmoob thiab lus Askiv (English) los yog mloog tau ntawm:www.sbs.com.au/podcasts/yourlanguage/hmong
Mus download tau SBS Radio app tau hauv Google Play thiab App Store ntawm http://www.sbs.com.au/radio/article/2015/03/07/download-sbs-radios-free-mobile-app tso rau koj lub xov tooj ntawm tes ces mloog tau rau 2 hnub hais dhau los saum toj no. Los yog koj muaj lus nug cuam tshuam txog cov kev siv SBS Radio app ces saib thiab nyeem tau ntawm no ntxiv http://www.sbs.com.au/radio/sbs-radio-app
Tuaj ua tub koom siab thiab caum SBShmong qab hauv SBSHmong Facebook page, tuaj nyem nyiam (Click like) tuaj faib (Share) SBShmong cov xov xwm rau koj tej phooj ywg thiab tawm tswv yim (Comment) ntawm www.facebook.com/sbshmong
Thiab yog koj xav share thiab qhia koj zaj dab neeg thiab xov xwm rau xov tooj cua SBS Hmong Program tshaj thiab nthuav rau ib tsoom Hmoob sawv daws tau mloog kom sawvdaws ho hnov txog ces hu xov tooj rau +61 3 9949 2259 nrog SBS Radio Hmong Program tham tau.
Koj muaj peev xwm mloog tau cov xov tooj cua tau raws li lub vam sab ntawm no: http://www.sbs.com.au/radio/listen-amfm-radio
