Australia tab tom kho kom siv tau cov arrival card system kom vam meej tuaj ntxiv — tab sis yeej tseem yuav siv cov ntawv arrival card xim kab ntxwv uas sawv daws swm zoo no txuas ntxiv thiab.
Yuav coj cov digital arrival cards coj los siv thoob Australia, coj los siv hloov cov paper forms uas ntau millions tus neeg ntoj ncig pej kum haiv siv.
Thiaj tau coj cov digital Australia Traveller Declaration coj los sim siv uas tau tab tom ssiv nrog Qantas ntau cov fij dav hlau txij lub 10 hli ntuj 2024 los.
Thaum twg thiaj yuav muaj cov digital arrival cards siv
Tom qab tau coj mus sim siv tau hauj lwm zoo lawm, tsoom fwv teb chaws xav coj los siv tag nrho rau txhua cov international airports thiab seaports rau lub sij hawm 12-18 hli ntxiv no rau mtawm tej chaw no tej apps.
Tsoom fwv teb chaws tau hais tias thaum xub thawj ces yuav muaj siv ntawm tej website ua ntej uas tsoom fwv yuav tau koom tes nrog tej tuam txhab dav hlau kom muaj peev xwm siv tau ntawm lawv tej apps.
Tsoom fwv teb chaws tau hais tias yuav siv nyiaj tshaj li $56 million rau sij hawm 4 xyoos coj los kho cov traveller arrivals system kom vam meej tuaj ntxiv ntawm tej tshav dav hlau thoob plaws teb chaws no.
Cov pilot program uas tau coj los sim siv no tau txheeb tej neeg ntau tshaj 450,000 tus uas tuaj txog rau Sydney Melbourne thiab Brisbane thiab yuav coj mus siv thoob plaws rau lwm lub nroog thaum xaus xyoo no.
Vim li cas Australia thiaj coj cov digital arrival cards coj los siv?
Tsoom fwv hais tias cov kev coj cov digital arrival cards los siv nthuav dav no yuav khaws tau tej xov xwm digital tseem ceeb thiab zoo uas yuav coj los txheeb seb puas yuav raug kev phom sij dab tsi thiab coj los pab txheeb thiab qhia txog ntiaj teb tej xwm txheej uas yuav raug kev phom sij li cov xwm txheej biosecurity outbreaks.
Tej nyiaj no los kuj yuav raug coj mus pab kho tshav dav hlau tej departure systems nrog tej lagluam thiab pab tej tuam chav tswj ciam teb, uas kwv yees tias yuav muaj ntau tuaj ntxiv tom qab ntxeem dhau kab mob COVID thiab ua ntej yuav muaj cov kev sib tw Brisbane Olympics 2032 thiab Paralympics.
Done Farell uas yog Australia tus nom tswj dej num ntoj ncig tau hais tias cov program no yuav pab kom cov kev tuaj txog ''yooj yim dua thiab sai dua'' rau tej neeg ntoj ncig uas siv sij hawm tsawg dua los sau tej arrival forms.
''Thiab yog ib co txij ntsim tseem ceeb rau tej neeg ntoj ncig thiab peb tej lagluam ntoj ncig, thiab pab kom Australia yog lub teb chaws uas tuaj tau yooj yim zoo thiab tos txais tau tej neeg tuaj xyuas zoo dua,''
Tony Burke uas yog tus nom t swj lub tuam chav Home Affairs tau hais tias ''Cov kev kho kom tej neeg ntoj ncig siv tau tej digital form vam meem tuaj ntxiv no yog tej yam tseem ceeb pab kom haiv neeg Australia no cov kev ruaj ntseg haiv.''
"Tej neeg ntoj ncig thiab tej neeg Australia ntoj ncig los yeej yuav tau txais txiaj ntsim tib yam los ntawm tej txheej txheem txheeb ciam teb no nrog rau lub neej digital txhua hnub."
Cov digital cards no yuav ua hauj lwm li cas?
Tam sim no ces ib tug twg uas tuaj nruab ntug tuaj los yog caij nkoj tuaj rau Australia yuav tsum tau sai daim ntawv arrival card xim kab ntxwv.
Daim ntawv no yeej raug muab rau tej neeg ntoj ncig ua ntej lawv tuaj txog ntawm ib lub tshav dav hlau los yog ib lub chaw nres nkoj. Thiab lawv yuav tau muab daim ntawv no rau Australia tej neeg ua hauj lwm tswj ciam teb.
Cov digital arrival cards system no yuav pab kom tej neeg ntoj ncig qhia lawv tej xov xwm thaum lawv tuaj ntxog ntawm Qantas lub app ua ntej 3 hnub uas lawv yuav tuaj.
Thiab lub app no yuav tsim ib tug QR code ntawm lub app ntawd los yog xa rau tus neeg ntawd tus email, uas ib tug neeg ua hauj lwm tswj ciam teb yuav scanned thaum ib tug neeg ntoj ncig mus txog ntawm qhov chaw txheeb.
Puas tseem siv cov ntawv passenger arrival cards uas tej neeg siv xaum sau?
Yuav coj cov arrival cards coj mus siv kom nthuav dav hauv tej website xyoo 2027 suav tag nrho Australia tej international airports thiab seaports thiab tej tuam txhab dav hlau. Txawm li cas los yeej tseem yuav muaj cov ntawv no rau tej neeg uas tsis muaj peev xwm siv cov digital arrival cards tau siv thiab.
Mloog tau xov xwm tshiab ntawm SBS Hmong, download SBS Adio app, caum SBS Hmong ntawm Facebook,mloog tau Youtube, Spotify, Podfollow, iHeart Radio, Google Podcast thiab Apple Podcast.
