Tshuav 131 xyoos ntxiv ntiaj teb mam tau txais kev vaj huam sib luag

Raws li lub koom haum Plan International Australia tau muaj ib cov kev teeb txheeb tshiab ces pom tau tias muaj neeg Australia txog 90 feem pua yeej xav kom Australia tej poj niam thiab txiv neej muaj cai thiab muaj cib fim tau txais vaj huam sib txig sib luag. Txawm li cas los kuj tseem muaj tej neeg Australia txog li 59 feem puas ntseeg tis Australia twb tau txais kev vaj huam sib luag lawm tab sis tsis muaj tseeb, thiab tseem muaj tej neeg txog li 58 feem puas ntseeg tias yeej muaj tej yam hauj lwm twg uas tsuas haum rau poj niam los yog txiv neej ua nkaus xwb thiab. Lub koom haum World Economic Forum's tsab ntawv cej luam Global Gener Gap 2023 qhia tias ntshe tseem yuav yog 131 xyoo tom ntej no ntxiv thiab mas thiaj li yuav tsim tau kev vaj huam sib luag rau ntiaj teb no. Koj xav li cas rau tej kev cej luam no?

File photo dated 11/09/18 of models of a man and woman on a pile of coins and bank notes. Credit: Joe Giddens/PA/Alamy

Mloog tau SBS Hmong hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm SBS Hmong Facebook, Google podcasts, Spotify thiab Apple podcasts. Download SBS Audio app thiab caum SBS Hmong pod follow.