Raws li ib co kev teeb txheeb tshiab uas tau tshawb fawb tias txiv neej tej chaw mos tsis hais loj los me yeej tsis yog tej yam tseem ceeb dab tsi ces kuj ua rau tej txiv neej tsis ntseeg.
Thiab txawm tau muaj tej pov thawj ntau yam coj los qhia txog tej no los qhia rau tej txiv neej los lawv yeej tsis ntseeg thiab pheej tseem xav tias yus tej chaw mos yog haj yam loj ces haj yam zoo npaum li ntawd xwb.
Associate Professor Gemma Sharp yog ib tug Senior Clinical Psychologist ntawm tsev kawm qib siab Monash University qhia tias yeej teeb txheeb txog tej poj niam xwb thiab yeej tsis tshua txheeb txog tias txiv neej ho puas muaj kev txhawj xeeb txog lawv tej chaw mos li cas.
Dr Sharp thiaj qhia tias 'tej txiv neej los yog poj niam uas pheej txhawj txog lawv tej chaw mos ces yog tej neeg uas pheej tsis tshua kam mus ntsib kws kho mob li txheeb seb lawv puas muaj mob li puas kis kab mob kas cees, puas mob zais zis, los yog txheeb seb puas muaj mob dab tsi rau noob qes.'
Yog li ntawd nws thiaj tau koom nrog tej ib co hluas hnoob nyoog li ntawm 25 xyoos los tsim ib co video los qhia kom txiv neej muaj txoj kev xav rau kis zoo rau lawv tej chaw mos txawm yuav zoo li cas.
Dr Sharp kuj qhia tias 'tos txiv neej pheej muaj kev txhawj xeeb txog lawv tej chaw mos los vim lawv pheej nyiam saib tej duab liab qab ntau dua tej poj niam,' ces nws thiaj xav tias sai sai no ces yuav tsim ib co kev qhia rau tej txhooj cai qhia ntawv txog txiv neej tej chaw mos coj los qhia kom txiv neej tsis txhob muaj kev to taub yuam kev thiab txhawj xeeb txog lawv tej chaw mos.
Mloog tau SBS Hmong hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm Facebook, Google podcasts, Spotify thiab Apple podcasts. Download SBS Audio app thiab caum SBS Hmong pod follow.
