Australia tej neeg zejzog tej ntshav

Raws li tau muaj ib co kev teeb txheeb ntawm lub koom haum Australian Red Cross Lifeblood uas rov qab mus txheeb ntau cov kev teeb txheeb dhau los ces kuj pom tias tau muaj kev pauv hloov rau Australia tej neeg zejzog tej ntshav lawm, txhais tau tias tseem xav kom tej zejzog mus tso ntshav ntau tuaj ntxiv thiaj tau ntshav coj los siv rau ib cov neeg zejzog twg thiab.

Sydney rare donor Joseph Ratana who is JKA negative. Source: SBS / Catriona Stirrat/SBS

Jemma Falkenmire uas ua hauj lwm ntawm lub koom haum Australian Red Cross Lifeblood hais tias ''peb yeej paub tias muaj ib txhia neeg ntshai thiab tsis nkag siab txog cov kev tso ntshav. Tab sis xav qhia rau zej tsoom sawv daws paub tias, peb yeej muaj tej neeg uas tau mus kawm thiab paub ua cov hauj lwm no zoo heev. Vim cov kev tso ntshav yog tej yam ua tau yooj yim heev, tsuas siv koj ib teev sij hawm xwb. Thiab ua ntej peb yuav tso koj tej ntshav ces yeej yuav tau txheeb seb koj puas tau txais kev noj qab nyob zoo thiab seb koj puas muaj peev xwm tso ntshav pab rau lwm tus ces mam li tso.''

Yog tias koj ho xav tso ntshav pab lwm tus ces muaj peev xwm hu tau rau lub koom haum Australian Red Cross Lifeblood tus xov tooj 13 14 95 los yog txheeb tau ntawm my.donateblood.com.au tau.

Mloog tau SBS Hmong hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm SBS Hmong Facebook, Google podcasts, Spotify thiab Apple podcasts. Download SBS Audio app thiab caum SBS Hmong pod follow.