Raws li Senate Estimates tau txheeb txog Australia cov kev pab cuam tej neeg puas cev National Disability Insurance Scheme (NDIS) ces John Dardo uas yog tus tswj lub koom haum National Disability Insurance Agency tau qhia tias:
''Muaj ntau cov piv txwv uas muaj tej niaj txog li 10,000 txog 20,000 dollars rau coj mus siv holiday, coj mus them nqe ntiav tsev nyob, coj mus yuav tsheb tshiab ($73,000), yuav dej caw haus thiab yuav yaj yeeb txhaum cai siv.''
Ces tsoom fwv Albanese thiaj xav los xyuas kom rov qab thim tau cov nyiaj no tshaj li $14 billion rov qab. Thiab yuav los xyuas kom tswj tau tej nyiaj siv coj mus pab tej neeg puas cev no raws li qhov tsim nyog siv xwb.
Thiaj ua rau tus nom senator hu ua Jordan Steele-John ntawm pab nom Greens uas tswj cov dej num pab rau tej neeg puas cev hais tias tsoom fwv tab tom tsim teeb meem rau cov kev pab cuam NDIS.
Nws hais tias ''Yog tej yam uas tsoom fwv tsuas xav kom nws tau txiaj ntsim rau nws thiab yuav ua rau lwm tus tsis ntseeg siab, yog ib co hauj lwm txhob txwm tsim rau tej neeg puas cev thiab lawv tej cuab yig, thiab txhob txwm tsim tej teeb meem rau tej neeg no yam dim dawb dim do.''
Mloog tau SBS Hmong hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm SBS Hmong Facebook, Google podcasts, Spotify thiab Apple podcasts. Download SBS Audio app thiab caum SBS Hmong pod follow.
