Raws li tau muaj ib cov kev teeb txheeb tshiab qhia ces 80 feem puas ntawm tej neeg uas pob txha dam yeej tsis tau mus txheeb tias seb puas yog lawv tej pob txha tsis ruaj (Osteoporosis) li. Thiab feem ntau mas yeej muaj tej teeb meem pob txha lov/dam no rau tej neeg hnoob nyoog tshaj 50 tawm xyoo rov sauv xwb, tab sis kuj muaj xov xwm qhia tias kuj muaj txog li 25 feem puas uas pob txha lov/dam kuj yog cov neeg muaj hnoob nyoog qes dua 50 xyoo thiab. Yog li ntawd tej kws kho mob thiaj xav kom tej neeg sawv daws coj tej cwj pwm ua lub neej zoo thiaj yuav pab kom yus tau txais kev noj qab nyob zoo thiab yus tej pob txha ruaj li, noj tej zaub mov zoo muaj txiaj ntsim pab rau yus tej pob txha li noj tej khoom noj muaj calcium (i.e mis etc..,), xyuas kom lub cev tau Vitamin D, ua exercise, thiab tsis txhob haus dej caw thiab luam yeeb.
Mloog tau SBS Hmong hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm SBS Hmong Facebook, Google podcasts, Spotify thiab Apple podcasts. Download SBS Audio app thiab caum SBS Hmong pod follow.
