Muaj ob yam tseem ceeb uas Australia tus thawj pwm tsav Anthony Albanese tham tau rau lub caij nws mus xyuas Meskas lub tuam ceeb Washington thiab tau nrog Meskas tus coj Joe Biden tham. Thawj yam ces yog cov kev sib khom AUKUS uas tau muaj kev pom zoo ntawm Australia, Aaskiv thiab America uas yuav pab kom Australia yuav tau thiab tsim tau America tej nkoj nuclear submarine siv kom thiaj tswj tau kev ruaj ntseg thiab kev thaj yeeb rau cheeb tsam Asia Pacific. Yam ob ces yog Brad Smith uas yog tus Vice-Chair ntawm lub tuam txhab Microsoft yuav tshwm nyiaj AUD 5 billion dollars coj los tsim cov cloud computing, Artificial Intelligence thiab cov cybersecurity rau Australia siv. Kom thiaj tsim tau cib fim lagluam tshiab thiab tswj kev ruaj ntseg rau nom tswv thiab tej lagluam.
Mloog tau SBS Hmong hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm SBS Hmong Facebook, Google podcasts, Spotify thiab Apple podcasts. Download SBS Audio app thiab caum SBS Hmong pod follow.
