Qhov tseem ceeb ntawm Hmoob tej lus thiab kab lis kev cai
Neeb Thoj hais tias ''Hmoob tej lus thiab tej kab lis kev cai yog ib co tseem ceeb tshaj Hmoob tej zejzog lawm.''
Hmong language and culture is bigger than just Hmong community, thaum koj mus kawm txhij kiag ces koj mam li paub tias wow! there is like new thing to be learnt, tsis yog hais tias okay cov ntawd yog old style txhob kawm nad! Tam sim no nws tseem muaj ntau ntau yam kawm txog rab ncas nkaus xwb ces zoo li peb yeej tsis paub ib yam dab tsi txog li.Lus Hmoob thiab Hmoob tej kab lis kev cai - Neeg Thoj
Raj thiab ncas Credit: NENG THAO (Neng Now)
Vim li cas thiaj khaws Hmoob tej teej tug tseg cia
Neeb hais tias muaj ntau yam laj thawj qhia tias vim li cas nws thiaj nyiam los khaws Hmoob teej tug cia.
Hmoob yog ib haiv neeg uas paub ua phom thiab tshuaj phom los tau txheeb xyoo lawm. Thiab zoo li Hmoob tsis khaws thiab muab muag rau mab sua tag lawm. Ces thiaj yog tej yam txaus tus siab uas Hmoob tseem yuav tau rov qab mus yuav Hmoob teej tug ntawm mab sua rov qab los.
Nws hais tias nws yeej tau xyaum qho me ntswb me ntsis los khaws thiab ceev txuag Hmoob tej twj paj nruag, tej xim xo, hneev nti thiab phom Hmoob tseg cia raws li qhov nws muaj peev xwm ua tau.
Yus xav khaws Hmoob cov teej twg cia, thiab tsis muaj leej twg ntau leej ntau tus khaws, ces yus nyiam thiab yus kuj paub qhov hais tias txhua txhua yam qub txeeg qub teg ces nws muaj ib qho keeb kwm, nws muaj ib zaj dab neeg, nws thiaj tseem nyob. Yuav tsum yog yam zoo thiaj tseem nyob muaj txhiab niaj txhiab xyoo, thiaj tseem nyog, ces yus thiaj nyiam khaws tseg cia.Neng Thao - Neng Now
Phom Hmoob Credit: Neng Thao (Neng Now)
Nws los yeej qhia tias nws yeej tau kawm qeej thiab lwm yam paj nruag thaum nws tseem yau lawm thiab thaum tseem kawm qib siab. Tab sis tom qab kawm tiav lawm nws mam li rov qab pib mus txheeb thiab kawm txog tej no ntxiv.
Dab tsi yog qhov tseem ceeb ntawm cov kev kawm
Yog nug txog tias nws twb kawm tiav ntawm Havard lawm thiab puas tau hauj lwm ua li cas. Ces Neeb hais tias 'nws yog ib tug muaj hmoo uas tau ua tej nws xav ua los tau 7 xyoo lawm yam tsis tas mus ua ib txoj hauj lwm rau ib lub tuam txhab twg.'
Thiab qhov tseem ceeb tshaj plaws ces kom siv yus tej txuj ci yus kawm tau coj los tim nrog rau tej yam yus nyiam kom thiaj ua tau ib yam dab tsi tiav raws li yus siab xav.
Nws kuj yog ib tug kawm tiav ntawm Havard los tab sis nws hais tias qhov tau mus kawm ntawm Meskas lub tsev kawm qib siab nto npe no tsis tseem ceeb, qhov tseem ceeb ces yog:
Seb leej twg muaj peev xwm yuav los ua tau ib yam dab tsi zoo, ua tau ib yam dab tsi txawv uas tsis tau muaj ib tug twg tau ua dhau los.Neng Thao, Neng Now
Nws hais tias ''Qhov tseem ceeb ces yuav tau mloog yus niam yus txiv hais, vim txawm lawv tsis paub txhua yam los lawv yeej ib txwm taw yus mus rau txoj kev zoo.''
Credit: NENG THAO (Neng Now)
Vim li cas Hmoob cov lus thiaj yog ib co tseem ceeb
Hauv ntiaj teb no muaj 7,000 hom lus xwb, tab sis cov hom lus uas hais lus tau nrog tej paj nruag mas nyuam qhuav paub meej tseeb tias muaj 40 hom lus xwb. Thiab tsuas muaj tsawg dua los yog txog li ntawm ib nrab ntawm 1 feem pua ntawm ntiaj teb tej lus thiaj li yog cov lus hais tau nrog tej paj nruag, thiab Hmoob cov lus kuj yog ib co li hais no. Ces thiaj yog ib co lus uas muaj tsawg tsawg tshaj plaws li, ces Hmoob cov lus thiaj yog ib co special yog tham raws kis no. Tsis tas li ntawd los cov lus uas hais tau nrog paj nruag tsuas yog cov lus nyob saum toj roob hauv pes los yog cov lus ntawm tej neeg uas nyob toj siab tej chaw deb deb xwb.Neeg Thoj
Neeb hais ntxiv tias: ''Vim Hmoob hais lus nrog music ces tej zaum thiaj ua rau peb process music txawv. And it could change that when Hmong hear music mas nws engage the whole brain instead of qhov musical centre xwb no ces Hmong language, Hmong music changes how you know neuro science sees the world changes, how psychology, cognitive science see the world. So nws changes tau the world thiab no nad. Nws tsis yog ib qho tias qub qub txhob kawm, nws tsis tseem ceeb li kuv parents hais thaum ub xwb. Koj los kawm txog qhov es neeg tsis paub lawm no ces koj mam li hais tias - wow! this is so interesting. Thaum ub kuv xv ntshe cov Hmoob twb paub tas Hmoob twg dhau qhov ntawd lawm. Tiam si there is so much thing stuffs to learn.''
