32 tug poj niam thiab tej me nyuam uas cuam tshuam txog cov neeg phem Islamic State (IS), tau ua rau muaj kev txhawj xeeb tias tsam tsis tau txais kev nyab xeeb rau tej zejzog, thiab kuj tau muaj tej kev sib tham txog cov tswv yim Countering Violent Extremism (CVE) uas yuav los ua ntau yam pab tej neeg ntiag tug uas yuav tsim tau kev kub ntxhov/kev phom sij rau lwm tus.
Peta Lowe uas yog tus neeg sab laj tseem ceeb ntawm lub koom haum Frenesis Consulting and Training, uas yog ib lub koom haum tawm tsam nrog tej tswv yim tsim kev kub ntxhov thiab siv tswv yim tua pej xeem kom zej tsoom ntshai tau qhia rau SBS Examines tias yeej muaj laj thawj txaus ua rau tej zej zog muaj kev txhawj xeeb.
Lowe tau hais tias "Kuv xav tias koj yog tej yam tseem ceeb uas pab qee cov tswv yim rau cov kev sib tham no thiab, yog tham txog tias: hos tau npaj dab tsi los tswj tej xwm txheej ntawd? Thiab qhov tseeb uas tej neeg no tseem yuav muaj peev xwm tsim tau kev phom sij dab tsi ntxiv?
Nws tau hais tias "Tam sim no ces tau ras los ua ib co laj fai kum xeeb uas sawv daws kub siab txog heev lawm, tab sis tej neeg no tsis yog thawj pab uas tau rov qab los xwb ... kom peb nkag siab tias peb yeej tau tswj tej xwm txheej zoo li no dhau los lawm thiab."
Alexander Goldie uas yog tus lwm coj uas tswj cov hauj lwm Countering Violent Extremism ntawm lub tuam chav Department of Home Affairs Alexander tau qhia rau SBS Examines txog tej tswv yim tau npaj tseg los pab tej neeg ntiag tug uas tej zaum yuav tsim tau kev kub ntxhov no tias.
"Peb yeej tau txheeb tias seb ib tug neeg ntiag tug twg xav tau dab tsi, tsis hais seb puas nrhiav kev sab pab, puas xav tau kev pab daws kev nyuaj siab, puas xav tau vaj tse nyob, puas xav mus kawm ntawv, puas xav nrhiav hauj lwm ua, ces pab yuav tau npaj ib co tswv yim pab tej neeg ntiag tug kom lawv rov qab los ua tau lub neej li qub,
"Peb tab tom hloov tej neeg no tej cwj pwm kom tig ntawm tej cwj pwm tsim teeb meem mus koom ua ntau yam kom lawv tig los coj tej cwj pwm zoo."
In this SBS Examines episode we ask: what exactly is Countering Violent Extremism (CVE), and how is it implemented in Australia?
Mloog tau xov xwm tshiab ntawm SBS Hmong, download SBS Adio app, caum SBS Hmong ntawm Facebook,mloog tau Youtube, Spotify, Podfollow, iHeart Radio, Google Podcast thiab Apple Podcast.
