Raws li tej lus uas tau hnov los ntawm Royal Comission cov kev mus txheeb txog tej xwm txheej ntxub neeg Jews (Antisemitism) thiab zej tsoom cov kev koom npoj ntawm Australia txheeb tau, ces yeej muaj tej neeg raug tej teeb meem no coob heev thiab tej neeg uas pheej tsim tej xwm txheej nod ntawm Australia no yog tej me nyuam yaus. Tab sis peb ho yuav siv txoj xub ke zoo li cas kom thiaj muaj peev xwm los tham txog cov xwm txheej antisemitism no kom haum raws li tej me nyuam tej hnoob nyoog?
Clinical psychologist Amanda Gordon tau qhia rau SBS Examines tias muaj tej cuab yig ntau ntxiv tuaj tab tom mus nrhiav kev sab laj taw qhia rau lawv tias seb yuav nrog lawv tej me nyuam tham txog cov xwm txheej neeg ntxub tsis nyiam tej neeg Jews (Antisemitism) li cas.
Tej me nyuam yaus yeej nug ib co lus nug tias: Vim li cas thiaj muaj neeg ntxub tej neeg Jews? Peb puas tau txais kev nyab xeeb? Thiab vim li cas thiaj muaj tej neeg tuaj tswj kev ruaj ntseg sab nraum peb tej teej kawm?Clinical psychologist Amanda Gordon
Nws tau hais tias yuav tau nrog xyuas kom teb tej lus nug sib txawv rau tej me nyuam hnoob nyoog sob txawv raws li qhov tsim nyog teb.
Olga Weintraub Elia uas yog ib tug neeg qhia ntawv Early childhood educator tau hais tias txawm tej me nyuam tseem yau heev los yeej totaub txog qhov tseem ceeb ntawm cov kev ua siab dawb siab zoo thiab ntau tsav neeg sib txawv.
Nws tau hais tias "Yus tsis tas yuav tshab txhais txog qee yam laj fai kum xeeb, tab sis yus muaj peev xwm tham txog cov kev ncaj ncees, cov kev ua neeg siab zoo, thiab cov kev sib hwm."
Shoshana uas yog ib tug lees kais qhia tej tub kawm high school tau hais tias yog tej yam nyuaj tshaj qub uas yuav tham tau tej xwm txheej no nrog tej hluas nyuam qhuav nto nkauj no nraug.
Tsis yog tias lawv tsis tau ntsib tej xwm txheej ntxub tsis nyiam neeg Jews (Antisemitism) no, tsuas nyob ntawm tias seb lawv yuav ntsib thaum twg xwb.High Scholl teacher Shoshana
Shoshana tau hais trau nws tej tub kawm uas pheej nyiam tso dag tso luag thiab tej duab, tej yeeb yaj kiab thiab tej sob lus luv luv uas muaj neeg qog thiab siv ntau heev hauv online yam tsis ras txog ntawd yog tej yam uas chiv keeb ua rau muaj tej xwm txheej ntxub tsis nyiam neeg Jews.
Nws hais tias ''Yus yuav tsum muaj peev xwm nrog lawv tham txog tej no yam qhib siab lug ... yus yuav tau ua ib tug qauv piv txwv zoo rau lawv thiab kom lawv ua tib zoo xav thaum cuam tshuam txog tej xwm txheej ntxub neeg Jews thiab tej xwm txheej faib cais ntxub lwm tsav neeg."
Toom xov xwm kaw ua suab lub limtiam no ces SBS Examines nug tias — tsim nyog peb nrog tej me nyuam tham li cas txog cov xwm txheej ntxub tej neeg Jews (Antisemitism)?
Yog tias koj xav thov cov kev pab cuam rau lub caij ntsib teeb meem kub ntxhov ces muaj peev xwm hu rau lub koom haum Lifeline tus zauv xov tooj 13 11 14, los yog hu rau Kids Helpline tus xov tooj 1800 55 1800 thov kev pab cuam rau tej hluas hnub nyoog txog li 25 xyoos.
Mloog tau xov xwm tshiab ntawm SBS Hmong, download SBS Adio app, caum SBS Hmong ntawm Facebook,mloog tau Youtube, Spotify, Podfollow, iHeart Radio, Google Podcast thiab Apple Podcast.
