SBS txheeb xyuas nws cov xov xwm ua ntau hom lus

SBS txheeb nws cov xov xwm tshaj ua ntau hom lus txhua tshua 5 xyoos twg ib zaug kom thiaj tshaj tau xov xwm raws li koj xav tau. Tam sim no ces qhib rau zej tsoom koom tawm tswv yim lawm.

SBS tseem npaj txheeb thiab kho nws cov xov xwm ua suab thiab xav tau zej tsoom cov kev tawm tswv yim Source: SBS

SBS tau pib qhib lub sij hawm 6 limtiam txij hnub tim 5.10.2021 mus txog hnub tim 12.11.2021 thiab xav tau zej tsoom Australia mus pab tawm tswv yim kom thiaj kho thiab tsim tau cov program xov xwm raws li Australia tej neeg zej zog coj ntseeg ntau yam kev cai dab qhuas thiab hais ntau hom lus xav tau.

Yog koj xav koom tawm tswv yim ces mus txheeb Mus xyuas tau ntxiv ntawm sbs.com.au/consultation thiab tawm koj cov tswv yim tau. #SBS_LSR_2021

---

Mloog tau SBSHmong rau hnub zwj Teeb (Thursday) thaum 6 pm AEDT thiab hnub zwj Hnub  (Sunday) thaum 11 am AEDT los yog koom tau ntxiv ntawm SBS Hmong Facebook thiab subscribe los sis yog download thiab mloog tau ntau cov podcasts (xov xwm ua suab) ntawm Google podcasts, Spotify, thiab Apple podcasts los yog download SBS Radio App kom koj mloog tau SBS Hmong.