Cov kev pab kom yus tus me nyuam muaj kev sib cuag tau nrog ntiaj teb tej kab lis kev cai qub tshaj plaws yog ib co khoom plig zoo tshaj plaws uas yus muaj peev xwm ua rau pub rau lawv thaum tseem tu saib xyuas lawv ntawm Australia. Tab sis yog tias yus ho yog cov tuaj tshiab, ces tej zaum ntshe yus yuav tsis paub tias yuav pib li cas thiab pib qhov twg. Txuas ntxiv no yog qee cov tswv yim pab yus thiab yus tus me nyuam kawm txog neeg txum tim Aboriginal thiab Torres Strait Islander, lawv tej kab lis kev cai thiab tej keeb kwm.
Ntsiab lus:
- Cov kev kawm txog Australia tej neeg txum tim yeej yog ib co txheej txheej cuam tshuam txog tus me nyuam thiab ib tug leej niam txiv twg.
- Yeej muaj tej xov xwm ntau yam hauv online haum raws li tej me nyuam tej hnoob nyoog pab kom yus tus me nyuam muaj feem koom nrog Australia tej neeg txum tim.
- Muaj ntau txoj xub ke li mus koom tej koom txoos, cov kev ntoj ncig uas ras ntsoov txog thiab hwm tej kab lis kev cai, ua yus cov kev teeb txheeb txog tej xub ke sib cuag nrog neeg txum tim ntawm yus tej chaw los yog ua tej yam dab tsi kom nthuav dav tshaj ntawd ntxiv.
- Cov kev ua yuam kev yog ib feem ntawm tej txheej txheem kawm, thiaj xav kom yus xav paub xav pom, nug thiab thov kev pab kom yus totaub txog neeg txum tim Aboriginal thiab Torres Strait Islander tej kab lis kev cai thiab tej cwj pwm tsim nyog coj.
Cov kev totaub thiab cov kev saib neeg txum tim Aboriginal thiab Torres Strait Islander tej kab lis kev cai thiab tej keeb kwm yog ib txoj xub ke tseem ceeb sib kho kom muaj kev sib haum xeeb, thiab yog ib co txheej txheem pab kom muaj txoj kev sib raug zoo ntawm Australia tej neeg txum tim thiab tej neeg uas tuaj nyob lub teb chaws no.
Vim li ntawd cov kev txhawb nqa kom yus tej me nyuam sib cuag tau nrog ntiaj teb tej kab lis kev cai qub tshaj plaws uas tseem siv txog niaj hnub no thiaj yog ib co khoom plig zoo tshaj plaws uas yus muaj peev xwm muab tau rau lawv rau lub caij lawv loj hlob ntawm Australia.
Kuv ho yuav taw qhia txog neeg txum tim tej kab lis kev cai thiab keeb kwm li cas rau kuv tus me nyuam?
Esma Livermore ces kuj yog ib tug poj niam neeg txum tim caj ceg neeg Bigambul thiab ua hauj lwm rau lub koom haum Reconciliation Australia, uas yog lub teb chaws no lub koom haum tseem ceeb uas xyuas kom muaj cov kev sib kho kom muaj kev sib raug zoo sib haum xeeb.
Nws yeej xav taw qhia kom nrhiav cib fim kom yus tsev neeg tau kawm ua ke li pib ua ntau yam uas ke kawm ua kev paub ua tau txais kev lom zem thiab muaj peev xwm siv tau yooj yim li saib ib co TV show twg.
Ms Livermore hais tias "NITV yeej muaj ib co programs uas qhia txog neeg txum tim Aboriginal thiab Torres Strait Islander tej dab neeg, tej kab li kev cai, keeb kwm thiab ntau yam rau tiam neej vam meej tshiab no."
Yog tias koj nyiam saib, ces koj yeej muaj epev xwm saib tau ntau yam txog neeg txum tim uas saib dawb ntawm SBS On Demand, suav me yaus tej yeeb yaj kiab anime, tej documentaries thiab tej yeeb yaj kiab ntau yam.
"Kom yus xaiv tej yam zoo saib tsim nyog saib rau tej me nyuam yaus tsis tas li no los tseem muaj ntau yam txog neeg txum tim tej kab lis kev cai thiab lawv ntau tsav neeg uas haum rau ntau cov neeg muaj hnoob nyoog sib txawv,
"Ntawd tsuas yog thawj kauj ruam ntawm cov kev kawm kom paub txog tias 'leej twg yog neeg txum tim ntawm lub teb chaws no xwb."
Kuv yuav nrhiav tau tej koom txoos uas ua kev zoo siab rau neeg txum tim Aboriginal thiab Torres Strait Islander tej kab lis kev cai li cas?
Dua ntawm cov kev saib tej screen lawm ces yus tsev neeg yeej muaj peev xwm koom tau tej koom txoos ntau yam thiab ua tau ntau yam uas neeg txum tim Aboriginal thiab Torres Strait Islander tej koom haum tsim ntawm yus tej zejzog. Txheeb xyuas us tus nom tswv zos tej koom txoos thiab sib txuas lus nrog neeg txum tim lub koom haum Aboriginal Land Council ze tshaj plaws ntawm yus seb tab tom muaj tej koom txoos dab tsi ntawm yus tej zejzog.
Ms Livermore hais tias yeej muaj ob co koom txoos tseem ceeb ib xyoos twg li lub koom txoos NAIDOC Week uas ua rau thawj limtiam ntawm lub 7 hli ntuj thiab lub koom txoos National Reconciliation Week, uas ua kev zoo siab txij tim 27 lub 5 hlis ntuj txog tim 3 lub 7 hli ntuj.
Ms Livermore hais tias ''Tej koom txoos no ces yog tej uas muaj neeg coob heev ntawm teb chaws no mua kawm kom paub txog neeg txum tim tej kev xav, tej neeg, tej teb chaws thiab lawv tej kab lis kev cai.''
Thiab tej koom txoos uas tau ua rau tej hnub ntawd los kuj yog ib co cib fim rau yus koom tej koom txoos Welcome to Country thiab kom totaub txog qhov sib txawv ntawm cov Acknowledgment of Country.
Puas muaj tej sob kawm qhia txog neeg txum tim hauv online ua kev paub rau tej me nyuam?
Yeej muaj peev xwm siv tau tej xov xwm ntau yam yoojyim uas qhia ua kev kawm txog neeg txum tim hauv online pab kom yus tej me nyuam kawm txog neeg txum tim tej keeb kwm, kab lis kev cai thiab lawv cov kev xav.
SBS Learn los yeej muaj ib co sob kawm qhia tsi ntsees txog Australia tej txhooj cai qhia ntawv pib txij qib pib mus txog xyoo 12 uas tej cuab yig muaj peev xwm txheeb tau ntawm tsev.
Ms Livermore ces kuj yog ib tug manager uas tswj cov program: Narragunnawali: Reconciliation in Education program ntawm lub koom haum Reconciliation Australia.
Cov program no ces yeej muaj tej twj onlie pab ntau cov tub koom siab ntawm tej zejzog, suav tej lees kais, tub kawm, tej niam txiv kom muaj peev xwm koom tau cov kev sib kho kom muaj kev sib haum xeeb yam muaj txiaj ntsim.
Piv txwv li cov kev kawm txog neeg txum tim ob tug chij uas sawv cev rau tej neeg txum tim ntawm lub teb chaws no, thiab taw qhia txog cov kev ntau phooj ywg nrog ib tug neeg txum tim Aboriginal thiab Torres Strait Islander ntawm yus lub zejzog.
Ms Livermore tshab txhais tias "Kuj muaj ib co activities los yog ib co tswv yim qhia tias ho yuav tsim kev phooj ywg kev sib raug zoo li cas, dua ntawm tej uas tej me nyuam tau kawm ntawm tej teej kawm lawm, ces kuj muaj peev xwm mus koom tej zejzog thiab."
Lub caij peb tsev neeg ntoj ncig peb muaj peev xwm ua tau li cas kom paub txog neeg txum tim tej kab lis kev cai?
Cov kev ntoj ncig nrog yus tej me nyuam koj yog ib co cib fim ntxiv rau yus kawm kom paub txog Australia tej neeg txum tim ua ke thiab.
Cov kev siv lub koom haum Australian Institute of Aboriginal and Torres Strait Islander Studies daim luaj chib lig (AIATSIS) Map of Indigenous Australia, muaj peev xwm pab yus txheeb txog neeg txum tim tej lus, lawv lub teb chaws, lawv ntau tsav neeg cov kev sib cuag nrog tej chaw uas yus tab tom mus xyuas.
Yus muaj peev xwm mus teeb txheeb txog tej chaw tseem ceeb thiab pib kawm kom paub txog tej tswv chaw uas nyob ntawm thaj chaw ntawd.
Ms Livermore hais tias ''Yog tias kuv tab tom mus ncig ib qho qhov twg ces tej zaum kuv kuj siv Google search mus txheeb me ntsis seb ho muaj dab tsi tseem ceeb ntawm tej chaw ntawd ... thiab txheeb seb ho puas muaj neeg txum tim tej koom txoos dab tsi uas yus muaj peev xwm koom thaum yus mus rau thaj chaw ntawd."
Yog tias kuv hais los yog ua ib yam dab tsi yuam kev ne?
Ms Livermore hais tias cov kev ntshai tsam ua ib yam dab tsi los sis hais ib yam dab tsi yuam kev yeej yog tej ib txwm pom muaj tas mus li thiab yeej yog tej uas nkag siab yog tham rau tej neeg uas tsis yog neeg txum tim thaum lawv mus koom neeg txum tim tej kab lis kev cai.
"Yog ib qho zoo tshaj plaws uas yus ua dua qhov tsis ua dab tsi li."
Cov kev ua yuam kev yeej yog ib feem ntawm tej txheej txheem kawm. Yog tias muaj ib tug neeg txum tim twg qhia tias yus ua yuam kev thaum yus muaj feem koom nrog ib co koom txoos twg, ces yus kuj ua tib zoo nsib lawv yam muaj kev fwm thiab thov kom lawv pab qhia.
Ms Livermore xaus lus tias ''Siv cov kev sib tham ntawd thiab koom ua hauj lwm ua ke thiab hais tias ''Yog kawg, kuv tau ua yuam kev lawm, tab sis koj puas muaj peev xwm pab tau kuv li cas?' ... Vim tsuas yog ib co kev kawm, rov qab los txheeb tej yam uas yus ua yuam kev los yog tau kawm dhau los thiab rov qab kawm dua tshiab thiab los tham txog tej no."
Subcribe los yog caum mloog tej xov xwm kaw ua suab Australia Explained kom paub txog ntau yam xov xwm tseem ceeb thiab tej lus taw qhia koj koj pib tau lub neej tshiab ntawm teb chaws Australia.
Yog tias koj muaj ib co lus nug dab tsi los yog muaj ib co tswv yim dab tsi? Ces xa email rau peb rau ntawm australiaexplained@sbs.com.au
Mloog tau xov xwm tshiab ntawm SBS Hmong, download SBS Adio app, caum SBS Hmong ntawm Facebook, mloog tau Youtube, Spotify, Podfollow, iHeart Radio, Google Podcast thiab Apple Podcast.
