“Firies” los yog cov neeg tua hluav taws yeej yog ib feem tseem ceeb ntawm teb chaws Australia no. Tej neeg ua hauj lwm yeem thaj yeej tau siv lawv tej sij hawm los tua hluav taws thiab ua lwm yam hauj lwm coj los pab kom tsim tau kev nyab xeeb rau lawv tej zejzog.
Tab sis ho yuav pib li cas thiaj ras los ua tau ib tug neeg ua hauj lwm yeem thaj tua hluav taws?
Raws Wanye Waltisbuhl uas yog ib tug neeg tua hluav taws los tau 40 xyoo ntawm lub koom haum Queensland Fire and Emergency Services uas yog tus tswj Brisbane cov neeg tua hav zoov yaj sab tau qhia, yeej muaj tej txheej txheem yooj yim pab kom koj ras los ua tau ib tug neeg ua hauj lwm yeem thaj pab tua hluav taws tau.
"Yog tej yam tseem ceeb heev yog tias koj ho nyob ze lub chaw tua hluav taws ntawm thaj chaw koj nyob ntawd, ho mus nrog lawv tham thiab qhia lawv paub tias koj xav mus koom nrog lawv tua hluav taws thiab."
Thaum lub chaw tua hluav taws ntawd txheeb seb koj yog tus neeg zoo li cas tag lawm, thiab xyuas tias seb koj puas yuav ua tau tej hauj lwm ntawd tag lawm, ces lawv mam li txiav txim siab, thiab yog tias lawv ho pom zoo koj koom lawm, ces koj tseem yuav tau mus xyaum kom paub txog tej hauj lwm ntau yam rau lub sij hawm ntau hli mas thiaj yuav muaj cai mus koom tua hluav taws tau.
“It’s Mr Waltisbuhl hais tias "Tej dej num tua hluav taws no yog ib cov hauj lwm nyuaj heev. Vim tej zaum yuav tsim tau teeb meem phom sij loj heev thiab yuav ua rau koj tau pom tej yam tsis tau pom dua los."
Rural firefighters are seen preparing to fight fires at Spicers Gap, south west of Brisbane, Wednesday, November 13, 2019. Source: AAP
Mr Waltisbuhl thiaj xav txhawb nqa kom tej neeg yuav tsum ua tib zoo xav kom zoo zoo ua ntej yuav txiav txim siab mus koom ua cov neeg ua hauj lwm yeem thaj tua hluav taws no, vim nws yeej lees tias tsis yog txhua leej txhua tus kam mus koom ua tej hauj lwm no yuav muaj peev xwm nyiaj ntxeem dhau ntawm ntau yam teeb meem nyuaj uas tau tshwm sim rau lub caij hav zoov kub hnyiab ntawd.
“Vim rau qhov tsis yog tej neeg no tuaj tib lwm thiab ua tej hauj lwm no tib zaug xwb, mus xyaum tag thiab kawm kom paub siv tej twj tua hluav taws xwb ces txawm yuav tag thiab tiav li ntawd lawm xwb, yog li ntawd thiaj xav kom tej neeg xav ua cov hauj lwm no yuav tsum yog cov neeg xav ua thiab kub siab xav pab tiag tiag."
Xav tau cov neeg paub ua ntau yam hauj lwm thiab tau tej neeg ntawm Australia cov neeg zejzog hais ntau hom lus
Stuart Ellis yog tus coj ntawm lub koom haum the National Council for Fire and Emergency Service uas sawv cev rau 31 lub koom haum lis tej dej num no. Ellis hais tias tej chaw tua hluav taws yeej xav tau cov neeg muaj ntau yam txuj ci kom lawv muaj peev xwm ua tau ntau yam hauj lwm.
Yeej muaj ntau cov hauj lwm tsis hais yog mus pab lwm tus, tswj tej ntaub ntawv, radio operators thiab sib txuas lus nrog lwm tus neeg los yog lwm lub tuam chav hauj lwm. Yog li ntawd tej chaw tua hluav taws thiaj xav tau tej neeg li hais no tsis yog tsuas xav tau cov neeg mus tua hluav taws nkaus nkaus xwb thiab.
Australia cov kev txheeb pej xeem xyoo 2016 yeej tau qhia tias muaj 49% ntawm Australia tej pej xeem yog cov neeg uas yug txawv teb chaws los sis yeej muaj lawv ib tug neej niam leej txi yog cov neeg yug txawv teb chaws. Thiab yeej muaj Australia tej pej xeem ntau tshaj li 1 feem 5 og cov neeg hais ib hom lus twg uas tsis yog lus Askiv ntawd tom lawv tej vaj tse thiab.
Raws li lub koom haum Male Championship of Change tsab ntawv cej luam2018 Fire and Emergency Progress tau coj losqhia ntawd ces tej chaw tua hluav taws yeej xav tau tej poj niam thiab tej txiv neej ntawm ntau tsav neeg ntawm tej zejzog los koom ua tej neeg tua hluav taws kom thiaj li sawv cev tau raws li lub teb chaws Australia no. Tab sis yeej tsuas muaj tej poj niam txog li 1 feem 5 ntawm tej neeg ua hauj lwm tua hluav taws uas khwv tau nyiaj hli los yog cov neeg ua hauj lwm yeem thaj xwb.
Ellis thiaj xav txhawb nqa kom Australia ntau cov zejzog uas coj kev cai dab qhua thiab hais lus sib txawv ntawd mus ua hauj lwm yeem thaj kom ntau tuaj ntxiv.
Nws tshab txhais tias raws li tau muaj ntau cov kev tshawb fawb txog cov koom haum tua hluav taws no lawm ces yeej yog ib cov chaw ua hauj lwm zoo rau tej neeg sawv daws, vim yeej muaj tej poj niam thiab txiv neej ntawm ntau cov neeg zejzog mus ua hauj lwm thiab muaj feem koom los txiav txim siab rau tej dej num tseem ceeb kom sib haum raws li qhov tsim nyog thiab.
Mr. Waltisbuhl pom zoo tias cov kev muaj ntau tsav neeg sib txawv uas hais ntau hom lus los ua cov neeg tua hluav taws yog tej yam zoo rau lub caij mua ua hauj lwm rau tej zejzog uas muaj cov neeg tsiv teb tsaws chaw nyob ntawd.
Rural Fire Service Deputy Dave Ryan (second right) prepares firefighters to tackle a bushfire at Gospers Mountain near Putty, north-west of Sydney. Source: AAP
“Yog tham txog tej chaw de txiv xyoob txiv ntoo ntau thaj chaw ntawd, ces yeej muaj cov neeg Asian mua ua tej hauj lwm no thiab muaj neeg Asian mus nyob tej chaw no ntau. Kom tej neeg tua hluav taws thiaj muaj peev xwm sib txuas lus tau nrog tej neg no, thiab qhia kom lawv paub kom lawv tau txais kev nyab xeeb rau lub caij ntuj so uas muaj hav zoov kub hnyiab no kom lawv nkag siab thiab yuav muaj tej teeb meem pheej hmoo dab tsi rau lawv yog muaj hav zoov nyob ze tej chaw lawv ua hauj lwm ntawd."
Yog cov kev pab koj lub zejzog xwb
Virginie Eastwood yog ib tug poj niam neeg Fabkis uas ua hauj lwm rau lub koom haum FIFO yeej tau tuaj nyob teb chaws Australia no los tau 11 xyoos lawm. Nws thiaj tau txiav txim siab los ua ib tug neeg ua hauj lwm yeem thaj pab tua hluav taws nrog xeev Queensland lbu chaw tua hluav taws Mount Kilcoy-Sandy Creek yaj sab thiab tom qab uas nws tus txiv tau mus koom tua hluav taws nrog lub koom haum no.
“Yog li kuv thiaj xav tias, ntshe kuv yuav tau mus ua thiab". Kuv yej muaj peev xwm pab tau kuv lub zejzog thiab pab kom kuv muaj feem koom thiab tau mus ntsib mus paub tej neeg coob tuaj ntxiv.
Eastwood yeej lees paub tias cov kev ua hauj lwm yeem thaj tua hluav taws no tsis yog ib cov hauj lwm yooj yim rau tib tug leej niam uas muaj 2 tug me nyuam tseem yau li nws hlo li, vim yuav tau sib hlo los tu me nyuam thiab ho mus ua hauj lwm pab tua hluav taws thiab.
Tab sis Eastwood hais tias nws muaj hmoo kawg uas nws tsev neeg thiab nws lub zejzog yeej pab nws thaum nws thov kev pab cuam.
“Vim kuv nyob rau lub zos yaj sab ces yeej tsis tshua muaj neeg zov me nyuam, yog li kuv thiaj yuav tau nug kuv tej phooj ywg seb lawv puas khoom pab zov kuv tej me nyuam, los yog tias kuv ho tsis khoom ces kuv tus txiv mam mus pab lawv tua hluav taws xwb.”
Firefighters manage a controlled burn near Tomerong, Australia, Wednesday, Jan. 8, 2020, in an effort to contain a larger fire nearby. Source: AP
Yeej tau txais txiaj ntsim ntau yam los ntawm cov neeg ua hauj lwm yeem thaj pab tua hluav taws no thiab
Nws twb tau tsiv tawm ntawm nroog Brisbane mus nyob rau ib lub zos yaj sab ntawm xeev Queensland los tau 3 lub xyoos lawm thiab nws twb tau mus ua hauj lwm yeem thaj pab lub koom haum tua hluav tas zos tshaj 1 xyoos lawm thiab.
Yog li thiaj yog tej yam tau txais txiaj ntsim heev vim yus muaj peev xwm ua tau ib yam dab tsi los pab lwm tus neeg.
Txawm tias yeej muaj ntau hnub yuav tau ua hauj lwm hnyav heev thiab yeej tsis tau so li thiab sab kawg li los, Eastwood yeej lees tias " thaum kuv mus pw ces kuv yeej mloog tau tias kuv tau ua ib yam dab tsi tsim nyog thiab zoo los pab rau teb chaws Australia thiab tej neeg ntawm lub eb chaws no lawm."
Stuart Ellis hais tias lub caij ntuj so uas muajhav zoov kub ntawd tseem tsis tau dhau mus yog tham txog ntau lub xeev li Victoria, South Australia, Tasmania thiab Western Australia uas ntshe tej zaum tseem yuav muaj hav zoov kub hnyiab thiab tsim kev puas tsuaj txuas ntxiv.
Volunteer fireighters in the Australia Day parade, Melbourne 2020 Source: Aaron Wan/SBS
Txawm tias lub koom haum Fire and emergency services ntawm Australia tej nroog ntau lub yeej kub siab mus ua hauj lwm yeem thaj pab lub koom haum no tua hluav taws, tab sis yeej muaj tej neeg mus ua hauj lwm yeem tham pab cov chaw tua hluav taws ntawm tej nroog li vim lawv muaj pej xeem tsawg dua.
Txawm li cas los Ellis xav txhawb nqa kom sawv daws ho mus pab thiab xav kom sawv daws mus nrog tej chaw tua hluav taws zos sib tham kom thiaj paub tias seb tej chaw tua hluav taws ntawd puas xav tau neeg pab ntxiv, vim rau qhov lawv yeej tsis muaj tej twj, tej ris tsho txaus rau sawv daws siv kom pab tau tej neeg yeem thaj no thiab.
