Kab mob kas cees ces muaj ntau yam tsis hais HIV, gonorrhea, chlamydia thiab genital syphilis uas kis raws ntshav ntawm tus leej niam rau me nyuam thaum yug los.
10 xyoo dhau los no ces tau muaj tej kab mob kas cees gonorrhea thiab syphilis ntau tuaj ntxiv txog ob npaug lawm. Tsib no muaj tej neeg raug ntsuam tau tias mob tus mob siphilis txog li ntawm 6,000 tus, thiab muaj tej neeg kis tau tus mob gonorrhea tshaj 44,000 tus raws li Kirby Institute qhia.
Kuj pom tau tias tej neeg ta sim neej ntawm tej mob no ntau tshaj ib nrab yog neeg txum tim, thiab lawv kuj yog cov neeg kis tau hom kab mob gonorrhea, syphilis thiab chlamydia ntau txog li 2 txog 5 npaug ntau dua piv rau lwm pab pawg neeg Australia.
Tos zoo li ntawd los Robert Monaghan uas yog tus tswj cov kev teeb txheeb txog neeg txum tim cov kev noj qab haus huv hasi tias "vim tsis muaj peev xwm siv tau cov kev ntsuam, txheeb, thiab kho tej mob no thiab tej no tseem yog ib cov teeb meem loj tshaj plaws rau neeg txum tim tej zejzog toj siab."
Dr McGregor tau hais tias cov mob kas cees uas kis ntawm leej niam rau me nyuam rau lub caij muaj me nyuam thiab yug me nyuam (congenital syphilis) tau ua rau muaj 34 tug me nyuam mos liab tas sim neej lawm. Thiab tos muaj tej teeb meem no los vim tsis kho thaum tseem muaj me nyuam hauv plab - ''ces tus mob kas cees syphilis no thiaj muaj peev xwm ua rau nchuav me nyuam, ua rau me nyuam tuag hauv plab los yog yug tau los tas sim neej, ces muaj peev xwm ua rau tej me nyuam no puas cev tag lawv ib sim neej."
Dr Skye McGregor uas yog tus kws paub txog kab mob sib kis ntawm Kirby Institute thiaj hais tias:
"Muaj peev xwm ua tau ntau yam los tiv thaiv li sab laj sib tham txog tej xub ke pab kom tau txais kev noj qab nyob zoo rau cov kev sib deev nrog yus tus poj niam yus tus txiv (yus tus partner), mus sim tas mus li thiab kho kom raws lub caij nyoog tsim nyog kho, siv tej hnab looj thaum sib deev yog ib co xub ke tseem ceeb yuav pab tiv thaiv kom tsis txhob kis kab mob kas cees."
