Thaum ntxov xyoo no ces twb tau muaj ib tug neeg raug coj mus hais plaub ntawm ACT Supreme Court thiab raug teem txim txhaum kaw tsev laj cuj 2 xyoos vim rau xam tias cov xwm txheej no piv tam li yog yuam deev lwm tus thaum nws tau muab lub hnab looj hle thaum tseem sib deev nrog ib tug sex worker. Ua ke no los tam sim no tseem tab tom muaj ib rooj plaub li no ntawm xeev New South Wales thiab.
Ces cov kev rho hnab looj tawm rau lub caij tseem sib deev (stealthing) no thiaj raug xam tias yog cov kev yuam deev lwm tus (sexual assault/rape) thiab yog ib co kev ua txhaum cai ntawm teb chaws Australia no.
Dr Vijay Ramanathan uas yog ib tug zekais qhia ntawv thiab yog ib tug psychosecual therapist ntawm tsev kawm qib siab University of Sydney hais tias vim tej zejzog tseem tsis tau paub txog tej no tias yog ib co kev ua txhaum cai ntawm teb chaws Australia no.
Ces tspp, fwv teb chaws cov Commonwealth Consent Policy Framework thiaj li raug tsim coj los siv muaj hom phiaj tiv thaiv kom tsis txhob muaj tej xwm txheej sexual violence uas tej xeev muaj 5 co ntsiab lus tseem ceeb li: yuav tsum yog ob tug neeg yuav sib deev ntawm ua tus xaiv tsis raug yuam thiab yeej yeem, nkawv yuav tsum paub tias nkawv txaus siab yuav sib deev, nkawv yuav tsum qhia meej thiab sib tham tias yuav sib deev, cov kev sib deev yuav tsum yog ob tog pom zoo yuav sib deev ua ke txuas ntxiv, thiab yuav tsum qhia kom tau tias seb ib tug twg puas muaj peev xwm sib deev tau nrog lwm tus.
Yog koj xav tau kev pab cuam ces hu rau lub koom haum 1800RESPECT tus xov tooj 1800 737 731 los yog hu rau Lifeline tus xov tooj 13 11 14 los sis koj muaj peev xwm hu qhia rau tub ceev xwm thiab mus txheeb tau ntawm lub koom haum Bravehearts.org tau.
READ MORE
Kab mob kas cees ntawm Australia
