Yuav tsum kub siab nrhiav kev pab cuam thaum tau tus mob Stroke

Yog thaum koj paub tias ib tug neeg tau tus mob stroke lawm ces yuav tsum kub siab ceev nrooj hu emergency services (000) yog koj nyob tebchaws Australia los yog 911 nyob America thiab tus zauv xwm kuv ntaiv ntawm lub teb chaws koj nyob kom tau cov medical assistance tuaj pab rau koj tus neeg. Cov kab mob stroke tsis yog kab mob plawv. Muaj tau cov mob no thaum tsis muaj ntshav txaus mus yug ib tug neeg twg lub hlwb kiag tam sim ntawd lawm. Yog li kev kub siab nrhiav Medical Help thiaj tseem ceeb heev yuav pab cawm tau kom tus neeg ntawv ciaj dim thiab zoo rov qab los.

2 STROKE VICTIM-BY AAP EPA-MICHAEL REYNOLDS Source: AAP EPA-MICHAEL REYNOLDS

Koj muaj peev xwm nyueem tau ua ntawv English yog koj nyem lub vam sab ntawm no:

http://www.sbs.com.au/yourlanguage/article/2016/09/07/settlement-guide-10-facts-about-stroke

Source: main_image_-_stroke_letters_by_getty_images_8

Title: Settlement Guide: 10 nqe lus tseem ceeb hais txog cov kab mob stroke:

Source: https://strokefoundation.com.au/About-Stroke/Facts-and-figures-about-stroke

1. Muaj ib tug ntawm 6 tus pej xeem Australians yuav ntsib cov teeb meem no rau ib lub caij twg hauv lawv lub neej.

Source: 1_stroke_survivor_by_getty_images

2. Muaj 1 tug ntawm 3 tug neeg twg yuav tas sim neej li ntawm lub sij hawm 1 xyoo uas tus neeg ntawd tau tus mob stroke no.

Source: Stroke victim - AAP EPA Michael Reynolds

3. Cov kab mob stroke no ua rau poj niam thiab txiv neej tas sim neej coob tshaj cov kab mob cancer uas mob rau poj niam tej mis thiab cov kab mob uas mob cancer rau txiv neej tej noob qes ntawd.

Source: The file 3_men_and_women_by_getty_images.jpg

4. 20% ntawm cov neeg tau tus mob stroke no muaj hnoob nyoog qes dua 55 xyoos.

Source: Doctors - Getty Images

5. Txiv neej yog cov yuav muaj tau cov mob stroke thaum lawv hnoob nyoog tseem hluas.

Doctors With Patient on Stretcher Source: Young stroke victim - AAP

6. Feem ntau mas cov neeg tej ntshav yeej dhia txog li 120/80 xwb, tab sis yog thaum koj cov ntshav dhia siab tshaj li 140/90 lawm ces koj yog cov neeg mob ntshav siab lawm, thiab kev mob ntshav siab yog ib co yam ntxwv yuav ua rau koj mob stroke tau.

Source: Anthony Devlin/PA Wire

7. Cov kev sim yooj yooj yim hu ua "FAST" no yuav pab kom kom nco tau thiab paub tias yog ib co yam ntxwv uas ib tug neeg twg tau tus mob stroke lawm. Xws li koj muaj peev xwm nug tau thiab txheeb xyuas tau li txheeb xyuas seb nws lub ntsej muag (F: Face) zoo li cas. Puas zig ncaug li cas?  Tus neeg ntawv puas muaj peev xwm nqa thiab tshem tau nws ob txhais caj npaj (A: Arms) lawm ?  Txheeb seb nws puas tseem hais tau lus meej los yog pheej hais los lus qub tas rov qab hais dua li ntawd (S: Speech slurred). Los yog seb nws puas nkag siab cov lus koj hais rau nws tias hais dab tsi? Thiab (T: Time) lub sij hawm koj pom tias muaj cov yam ntxwv zoo li hais no lawm ces kav tsij kub siab ceev nrooj hu xov tus xov tooj 000 nrhiav kev pab cuam kiag tam sim ntawd.

Source: FAST - courtesy of Stroke Foundation

8. Tej zaum kuj yuav muaj tib yam yam ntxwv mob xwb los yog muaj ntau yam sib xyaws ua ke tau thiab uas tsuas yog tshwm sim tib pliag li 2-3 feeb (Seconds) xwb los tej zaum ntev txog li 24 teev (ib hnub) kiag ces mam li tsis muaj tej xwm txheej ntawd lawm. Yog thaum muaj cov yam ntxiv li no lawm ces yog hu ua mini-stroke los yog transient ischaemic attack (TIA). Nrhiav tau xov xwm txog cov yam ntxwm no tau ntawm lub website no ntxiv:

https://strokefoundation.com.au/About-Stroke/Preventing-stroke/Preventing-a-second-stroke

Source: Brain scan - Monty Rakusen/Getty Images

9. Muaj ib cov kev kho cov kab mob stroke no ces yuav tsum tau kho kiag rau lub sij hawm mob cov kab mob stroke no li 4.5 teev uas tau muaj cov yam ntxwv mob stroke ntawd tau tshwm sim.

Source: (AAP Image/Joe Castro)

10. Yog li cov kev tau txais kev pab cuam rau lub caij muaj tej yam ntxwm no kom sai li sai tau thiaj yog ib cov kev kho mob tseem ceeb heev. Vim tias yog koj tau tus kab mob stroke no tiag ces cov emergency medical treatment thiaj yuav pab cawm tau koj txoj sia thiab pab kom koj txhob puas hlwb. Rau qhov tias tsuas yog kws kho mob xwb thiaj muaj peev xwm txiav txim siab tau tias seb puas yog koj tseem yuav pib mob cov stroke no los yog twb tau tus kab mob stroke no lawm.

The emergency department at Hornsby Ku-Ring-Gai Hospital in Sydney, Sunday, May 15, 2016. (AAP Image/Amanda Heppel) NO ARCHIVING Source: AAP

Yog koj xav tau xov xwm kom ntxaws ntxiv txog cov kab mob stroke no ces mus saib tau ntawm lub koom haum Stroke Foundation lub vam sab no tau: https://strokefoundation.com.au/

Nws muaj cov xov xwm ua 8 hom lus diam ntawm lub vam sab (website) hauv qab no: 

https://strokefoundation.com.au/en/About-Stroke/Help-after-stroke/Translated-stroke-resources

Thiab yog koj xav tau neeg txhais lus ces hua xov tooj rau lub koom haum txhais lus (Telephone Interpreting Service) tus zauv xov tooj 13 14 50 tau ces koj mam tos txhob rawm maj tso xov tooj ces yuav muaj neeg pab txhais lus pub rau koj.