Raws li tsoom fwv Ablanese cov kev txib lub koom haum Australian Competition and Consumer Commission (ACCC) mus txheeb txog Australia tej supermarkets ces kuj tau taw qhia kom tsim ib co cai los yuam kom tej supermarkets no yuav tau ua raws thiaj li yuav tiv thaiv tau kom tej lagluam no tsis txhob muaj peev xwm nce nqe muag khoom raws li siab xav thiab pov puag tej neeg ua liaj ua teb uas cog tej qoob loo no xa rau nws muag.
Tsis tas li ntawd los Craig Emerson uas yog ib tug nom ntawm pab nom Labor dhau los uas yog tus mus txheeb tej hauj lwm no kuj tsis taw qhia kom teeb tsa ib lub fwj chim los txwv tsis pub tej tuam txhab supermarket loj li Woolworths thiab Coles mus yuav lwm cov tuam txhab kom lawv yog cov tuam txhab muaj fwj chim rau cov lagluam supermarket no nkaus xwb, uas yuav ua rau tej lagluam me tsis muaj peev xwm sib tw tej lagluam no.
Ces Jim Chalmers uas yog tus nom tswj nyiaj txiaj rau tsoom fwv Albanese thiaj zoo siab rau tej xov xwm uas txheeb tau no thiab nws hais tias tej lus taw qhia no yuav pab kom muaj txoj kev dawb huv rau tej lagluam no.
Tej no thiaj yuav pab kom tau txais kev ncaj ncees rau tej neeg ua liaj ua teb thiab tej cuab yig. Thiab cov kev yuam kom tej tuam txhab supermarket no ua raws cai yuav pab kom tswj tau tej lagluam no yooj yim, thiab yuav rau txim rau tej neeg ua txhaum (nplua txog li ntawm 10 million dollars los yog 10 feem pua ntawm ib lub tuam txhab tej nyiaj uas khwv tau ib xyoos twg) kom yog lawv ua txhaum lawm kom tsis txhob dim dawb dim do.Treasurer Jim Chalmers.
Txawm li cas los pab nom koom tswj thiab pab nom Greens kuj tsis lees paub Dr Emerson tsab ntawv cej luam uas mus txheeb tau tej xov xwm no. Vim pab nom Greens cav tias yeej tseem tsis tau ua tib zoo txheeb tej hauj lwm no kom ntxaws raws li qhov tsim nyog.
Tab sis Peter Dutton uas yog tus coj ntwm lwm pab nomt eb chaws kuj hais tias yeej tau txais kev pom zoo los ntawm ob pab nom tseem ceeb thiab.
Mloog tau SBS Hmong hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm SBS Hmong Facebook, Google podcasts, Spotify thiab Apple podcasts. Download SBS Audio app thiab caum SBS Hmong pod follow.
