Tam sim no ces tej neeg Australians uas tseem tab tom ua hauj lwm tom tsev vim yog tim cov kab mob coronavirus no muaj cai thov tau nyiaj 80 cents rau 1 teev rov qab rau lub caij lawv thov se rov qab (tax return) lawm. Ntawm no yog cov tswv yim qhia txog tias ho yuav thov tau cov se no li cas?
Txawm tias tau muaj ib txhia neeg Australians poob lawv tej hauj lwm vim muaj tej kab mob coronavirus ua rau tej lagluam poob peev thiab ua tsis tau lagluam lawm, los yeej tseem muaj ib txhia uas tsis tau poob hauj lwm tseem yuav tau ua hauj lwm tom tej vaj tse txuas ntxiv txhua hnub thiab.
"Kuv yeej tau ua hauj lwm tom tsev dua los lawm, ces kuv thiaj muaj ib chav coj los ua lub chav ua hauj lwm lawm,'' nws tau qhia rau SBS News li ntawd.
"Thiab tam sim no kuv yeej tab tom ua hauj lwm ntawm tsev full time lawm, hos kuv tus txiv los yeej ua hauj lwm qee zaus ntawm tsev ces kuj yuav tau siv ib chav tsev los ua chaw ua hauj lwm thiab, ces thiaj yooj yim me ntsis rau wb 2 leeg muaj peev xwm thov txo se qee yam rau chav tsev uas wb siv ua hauj lwm ntawm tsev thiab," raws li Ms Barr tau qhia.
Muaj peev xwm thov tau dab tsi xwb?
Tsm sim no ces muaj ntau roob tus neeg ua hauj lwm muaj peev xwm thov tau nyiaj 80 cents los ntawm cov kev txo se rau ib teev uas lawv ua hauj lwm tom tsev rau lub caij tseem muaj kab mob COVID-19 sib kis no, tab sis yeej tseem muaj ib cov txheej txheem qub siv coj los pab tej neeg thov txo se tau thiab.
Tej neeg ua hauj lwm uas yuav tau them se muaj cai thov tau qee cov nyiaj uas lawv siv coj los yuav tej twj ntau yam pab kom lawv muaj peev xwm ua tau hauj lwm tom tsev raws li qhov tsim nyog thiab.
pxNj3K2K_normal.jpgZoe Xirocostas@zoexiro Not my ideal set-up. But it’ll do #workingfromhome #IsolationLife EU-UCfyUUAAw5ql?format=jpg&name=small 10 2:19 PM - Apr 7, 2020 Twitter Ads info and privacy
See Zoe Xirocostas's other Tweets
Yog li ntawd tej neeg ua hauj lwm tom tsev rau lub caij no thiaj muaj cai thov tau nyiaj 80 cents rau ib teev twg yog lawv siv nyiaj los npaj ib yam twj thiab khoom siv kom pab lawv ua tau hauj lwm tom tsev, tab sis tej zaum lawv kuj yuav muaj peev xwm thov tau tej nyiaj no li tej cai ib txwm siv dhau los uas thov tau txog 52 cents rau 1 teev twg rau tej cua sov cua txia nqe siv hluav taws xob thiab tej rooj tog yuav los siv ua hauj lwm ntawm tsev thiab.
Lub chaw sau se cov cai pab kom tej neeg ua hauj lwm tom tsev yooj yim tseem muaj cai thov tau tej nyiaj siv ntiav internet siv, ntiav neeg tu chav ua hauj lwm, nyiaj yuav ntaub ntawv siv, nqe xov tooj thiab lwm cov nqe cuam tshuam txog tej nqe siv los pab kom muaj peev xwm ua tau hauj lwm ntawm tsev.
Yuav pib siv tej cai tshiab thov txo tau se no txij zwj thaj (date) twg mus?
Australian Tax Office assistant commissioner Karen Foat uas yog tus neeg ua hauj lwm pab tus coj Australia lub tuam chav sau se (Australian Tax Office-ATO) no txij hnub tim 1 March 2020 mus txog rau thaum xaus finanical year 2019-2020 no.
Ms Foat kuj tau qhia ntxiv tias "Tsuas yog peb xav kom tau txais kev yooj yim pab rau tej neeg sawv daws xwb."
NYEEM NTXIV
"Tsis yog yuav tsim tej cai no rau peb siv tab sis yog tsim pab rau tej neeg ua hauj lwm tom tsev siv, thiab yeej yog tej yam xwm txheej tsis tau pom muaj dua los li rau haiv neeg no uas yuav tau los xyuas tej hauj lwm no."
Michael Sukkar uas yog tus nom pab tus pwm tsav tswj nyiaj txiaj qhia tias tsuas yog 'ib co cai coj los siv ib ntus' xwb, tab sis Ms Foat yeej tsis tau qhia kom meej tseeb kiag tias puas yuav siv cov kev thov se no rau tej neeg ua hauj lwm rau financial year 2020-2021 no thiab yog tias tseem fwv teb chaws ho txhawb nqa kom tej neeg sawv daws ua hauj lwm tom tsev kom thiaj tiv thaiv tau kom txhob muaj neeg kis tau tus kab mob COVID-19 no coob ntxiv tuaj.
Yam twg uas koj tsis muaj cai thov tau?
The tax office said employees can't claim a deduction for items that their workplace has provided or claim items for which they have already been reimbursed.
6-iRo_DN_normal.jpgDr Jed Montayre@JedMontayre Taking this working from home thing seriously- Just in case- the people in the house dont know whose space it is1f602.png- thanks to my previous employer’s door name- got it as a souvenir! 1f605.png1f602.png #WorkingFromHomeLife EUzKURfU0AA8jOv?format=jpg&name=small 25 10:21 AM - Apr 5, 2020 Twitter Ads info and privacy
See Dr Jed Montayre's other Tweets
Ms Foat hais tias ''koj tsis muaj peev xwm thov tau tej nyiaj uas koj siv yuav kasfes, tshuaj yej, thiab txawm tias koj tus tswv lagluam ntiav koj ua hauj lwm tau yuav tej khoom siv no rau koj siv tom tej chaw ua hauj lwm dhau los, los koj tsis muaj peev xwm yuav thov tau tej nyiaj no, tsis tas li no yus tsis muaj peev xwm thov tau tej nyiaj siv coj los pab yus tej me nyuam cov kev kawm thiab.''
"Ces koj thiaj tsis muaj peev xwm thov txo se rau tej nyiaj koj siv los yuav tau khoom hais ntawd vim tej hais no tsis cuam tshuam txog koj tej hauj lwm los yog tej nyiaj koj khwv tau."
Puas yuav coj tej cai thov txo se tshiab no coj los siv li no kom ruaj txuas ntxiv mus?
Lub koom haum Certified Public Accountant (CPA) Australia yeej tau qhia tias nws xav kom siv tej cai thov tau txo se yooj yim li no kom ruaj txuas ntxiv mus.
Paul Drum uas yog tus coj saib xyuas cov dej num sib txuas lus nrog lwm cov koom haum ntawm lub koom haum no yeej tau hais rau lub 3 hlis ntuj dhau los tias tej neeg ua hauj lwm ntawm tsev yeej tseem yuav tau siv cov kev thov txo se qub uas thov tau 52 cents rau ib teev ntawd nrog thiab.
"Yeej yog tej yam sib chawb sib chaw heev, vim tsuas yog ib cov kev siv nyiaj tsawg tsawg xwb, yog li peb thiaj xav tias yog muaj peev xwm siv tau cov kev thov txo sse tshiab 80 cents rau ib teev twg ces kuj yuav tsis tas sim tej cai qub lawm thiab, ces thiaj yog ib cov cai uas tseem nyuaj kawg, vim rau qhov yeej tseem tsis tau hloov tej cai qub li thiab."
"Txij tim 1 July tsaib no los txog ntua rau tim 1 March xyoo no, ces peb yeej tseem yuav tau siv tej cai thov txo se qub no,' raws li Mr Drum tau qhia.
Nqobrkuv_normal.pngato.gov.au ✔@ato_gov_au 1f4bb.png1f3e0.png #WorkingFromHome to reduce the risk of #coronavirus? We're here to help. From 1 March to 30 June 2020, we're simplifying home office deduction rules so you can claim up to 80 cents per hour you work from home - learn more @ https://www.ato.gov.au/General/COVID-19/Support-for-individuals-and-employees/Employees-working-from-home/ … EU-j1W5U4AApBkp?format=png&name=small 47 5:31 PM - Apr 7, 2020 Twitter Ads info and privacy
40 people are talking about this
Tab sis nws yeej tau hais ntxiv tias yeej muaj neeg coob kawg tau ua hauj lwm tom tsev thawj zaug thiab, yog li ntawd yog siv kiag cov kev thov txo se tshiab no lawm xwb ces kuj yuav yooj yim rau tej neeg no dua.
"Yog koj los xam tias seb thov tau nyiaj npaum li cas lawm, ces xav tias yog ib tug neeg twg ua hauj lwm 40 teev tom tsev thiab ib teev twg thov tau 80 cents ces tsuas thov tau $32 rau ib limtiam xwb, los yog xam ua xyoo lawm ces tsuas thov tau li ntawm $512 rau thaum yus thov se thaum xaus financial year xwb ces kuj thov tsis tau nyiaj dab tsi ntau thiab."
Ms Barr tau hais tias zoo li tej cai kho tshiab no siv tau zoo dua tab sis yeej cov kawg rau nws thiab, txawm tias nws yeej tau ua hauj lwm tom tsev lawm.
"Kuv kwv yees tias yeej muaj neeg coob heev tsis tau ua hauj lwm tom tsev dua los li, tej zaum kuj yog ib cov txheej txheem yooj yim xwb, tab sis txawm tias kuv yeej tau ua hauj lwm tom tsev dua los lawm, los yeej tseem yog tej yam uas cov kawg rau kuv thiab."
"Txawm li cas los yeej yog ib cov nyiaj uas thov tau rau tej neeg ua hauj lwm tom tsev, thiab cia siab tias ntev ntxiv tuaj no yuav yog tej yam zoo rau sawv daws."
Yuav thov li cas?
Txhua tus neeg ua hauj lwm tom tsev yuav tsum tau khaws thiab teev zwm tej nqe uas lawv siv cuam tshuam txog tej hauj lwm lawv ua.
Tej neeg sawvdaws yeej muaj peev xwm thov tau tej nyiaj li hais no rau thaum lawv thov se rov qab rau tim 1 July mus txog rau lub 10 hli ntuj, tab sis yog tias siv cov cai thov txo se tshiab ces kom nco tias thov tau li cas rau ib teev twg rau lub caij tseem muaj cov kab mob COVID-19 sib kis no.
Yog koj xav paub kom ntxaws txog tej se uas koj muaj cai thov tau thiab tsis muaj cai thov ces nrog tej neeg tswj ntaub ntawv nyiaj txiaj tham los yog mus txheeb xyuas tau ntawm Australian Tax Office tau.
Koj puas ua raws li nom tswv cov kev txwv tsis pub sib sau thiab cais koj tus kheej thiaj pov puag thiab pab cawm tau ntau txoj sia, yog koj yuam cai tsis ua raws ces yuav raug nplua thiab raug kaw tsev laj cuj.
Saib tau cov duab ntawm ntawm no:
Yog koj tsis ua raws cov kev txwv tsis pub sib sau yuav raug nplua li cas: READ MORE
Yog koj xav paub txog qhov tseeb ntau yam cuam tshuam txog tus kab mob coronavirus (COVID-19) ntawm teb chaws Australia ces mua txheeb tau ntawm no: READ MORE
Xov xwm qhia txuas ntxiv:
Cov yam ntxwv mob tus kab mob no ces yuav mob ntsws me ntsis raws li tsoom hwv teb chaws Australia lub vas sa qhia. Thiab muaj cov yam ntxwv mob li ua npaws, hnoos, mob qa, nkees nkees thiab txog siav ua tsis tau pa.
Koj muaj peev xwm txheeb tau ntau yam xov xwm tshiab txog cov kab mob coronavirus (COVID-19) ntawm tsoom hwv ntau cov social media platforms no: WhatApps, Google Play thiab Apple Store.
Txhua tus neeg Australia yuav tsum nyob kom sib nrug ntawm lwm tus neeg li 1.5 metres los yog thaum nyob hauv ib lub tsev los yog ib chav twg lawm yuav tau nyob kom nrug ntawm lwm tus neeg ib puag ncig yus 4 sab txog li 4 square metres.
Yog tias koj muaj cov yam ntxwv mob li no rau lub sij hawm 14 hnub tom qab kom mus txawv teb chaws rov qab los los sis yog ho tau mus tuav mus kov ib tug neeg uas raug txheeb tau tus kab mob COVID-19 no lawm ces tsim nyog koj yuav tsum mus nrhiav kev kho mob pab cuam.
Yog tias koj ntseeg tias tsim nyog koj mus sim seb puas kis tau tsu mob no, ces hu xov tooj nrog koj tus kws kho mob tham los yog hu rau tus xov tooj uas tswj thiab qhia txog cov xov xwm cuam tshuam txog tus kab mob Coronavirus no tau raws li tus zauv xov tooj 1800 020 080.
Thiab yog koj yuav tau cais koj tus kheej 14 hnub thiab xav tau zaub mov noj los yog khoom siv tu koj tus kheej lub cev kom huv si ces hu tau rau coronavirus hotline tus xov tooj 1800 675 398 tau.
Yog koj tsis muaj peev xwm ua tau pa yooj yim los yog hos muaj tej xwm txheej mob nkeeg kub ntaiv uas tsim nyog tau txais kev pab cuam sai ces hu rau tus zauv xov tooj 000.
Yog koj xav tau xov xwm kom ntxawv tshaj no ntxiv txog cov kab mob Coronavirus no ces koj muaj peev xwm txheeb tau ntawm SBS Hmong tau.
