Thawj pwm tsav Scott Morrison hais tias nws yeej txhawb nqa cov lagluam tsheb siv hluav taws xob tab sis tsuas tsis pom zoo nrog Labor lub tswv yim uas pheej xav yuam kom tej neeg ua ub ua no xwb. Txawm li cas los kuj muaj neeg tib tias tus tsoom fwv Morrison yeej tseem ua tsis tau tau tej hauj lwm no kom zoo raws li qhov tsim nyog, vim tsis muaj cov fuel emission targets, tsis muaj cov hom phiaj tias xav kom muaj tej tsheb siv hluav taws xob ntau npaum li cas siv rau lub xyoo twg, tsis muaj cov kev txhawb nqa cov lagluam no, thiab tsis muaj cov kev txo se kom tej tsheb no pheej yig es neeg Australia thiaj yuav tau los siv, uas pab nom Labor tus coj dhau los hais tias yog tsoom fwv qob nws lub tswv yim thiab lwm tus pom tau tias tsoom fwv tsuas los ua tej hauj lwm no kom nws tau txais txiaj ntsim rau cov kev xaiv tsa tsoom fwv tshiab uas yuav muaj rau tom ntej no xwb.
Mloog tau SBSHmong rau hnub zwj Teeb (Thursday) thaum 6 pm AEDT thiab hnub zwj Hnub (Sunday) thaum 11 am AEDT los yog koom tau ntxiv ntawm SBS Hmong Facebook thiab subscribe los sis yog download thiab mloog tau ntau cov podcasts (xov xwm ua suab) ntawm Google podcasts, Spotify, thiab Apple podcasts los yog download SBS Radio App kom koj mloog tau SBS Hmong.
