Nom tswv Thaib tau qhib teb chaws Thaib rau tej neeg ntoj ncig uas tau hno tshuaj vaccine txwm 2 koob lawm ntawm 48 lub teb chaws uas muaj Australia nrog muaj peev xwm mus ncig tau ntawm lub teb chaws no yam tsis tas cais lawv tus kheej, tab sis yuav tsum tau sim seb puas kis kab mob ua ntej yuav caij dav hlau mus rau Thaib teb, thaum mus txog lawm los yuav tau sim ib zaug ntxiv, thiab yuav tau mus so ntawm tsev tos qhua tos li 1 hnub seb puas paub tias puas kis kab mob COVID-19, yog tsis kis ces muaj peev xwm tawm mus ncig tau ntawm teb chaws Thaib tau.
Benjamin Lee yog ib tug neeg Australia ua luam khw muag cafe ntawm Bangkok qhia tias yuav pab kom tej neeg ua luam thiab tej tswv lagluam rov qab khwv tau nyiaj thiab tau lagluam dua.
Thiab kuj muaj ib tug neeg Australia ua cov lagluam tos txais qhua hu ua Blair Fowler uas yog ib tug neeg ua lagluam tsev tos txais qhua Mariot Surawong ntawm Bangkok yeej hais kom yog muaj neeg xav mus ncig Thaib teb ces kav tsij mus tam sim no rau lub caij tseem tsis tau muaj neeg mus ncig coob.
Mloog tau SBSHmong rau hnub zwj Teeb (Thursday) thaum 6 pm AEDT thiab hnub zwj Hnub (Sunday) thaum 11 am AEDT los yog koom tau ntxiv ntawm SBS Hmong Facebook thiab subscribe los sis yog download thiab mloog tau ntau cov podcasts (xov xwm ua suab) ntawm Google podcasts, Spotify, thiab Apple podcasts los yog download SBS Radio App kom koj mloog tau SBS Hmong.
