Tau muaj dab tsi tshwm sim tiag rau hnub tim 26 lub 1 hlis ntuj?

Hnub tim 26 lub 1 hlis ntuj ces yog hnub uas tau raug coj los sib teev theev tshaj plaws ntawm Australia tej keeb kwm. Hnub no yeej ib txwm raug piav tias yog hnub yug ntawm haiv neeg Australia no, hnub no kuj yog hnub tuaj nam nias aws txeeb tswj hwm los yog hnub tsim tsa teb chaws Australia. Txawm li cas los yog tham rau neeg txum tim lawm ces yog ib hnub qhia txog cov kev tuaj nam nias txeeb liaj ia teb chaws tswj hwm, yog cov kev txiav txiam siab rau tej laj fai kum xeeb thiab yog cov kev tawm tsam tsis pom zoo ntawm neeg txum tim ua ntuv zus. Cov kev totaub tias tau muaj dab tsi tshwm sim rau hnub tim 26 lub 1 hlis ntuj yuav qhia qhov tseeb tias vim li cas thiaj muaj tej neeg muaj cov kev xav sib txawv thoob plaws ntawm lub teb chaws no.

MELBOURNE, AUSTRALIA - JANUARY 26: Proud Gunai and Gunditjmara woman Meriki Onus takes part in the Invasion Day Rally on January 26, 2025 in Melbourne, Australia. Australia Day, formerly known as Foundation Day, is the official national day of Australia and is celebrated annually on January 26 to commemorate the arrival of the First Fleet to Sydney in 1788. Many Indigenous Australians refer to the day as 'Invasion Day' and there is a small but growing movement to change the date amid broader debate on the day's significance. (Photo by Darrian Traynor/Getty Images) Credit: Darrian Traynor/Getty Images

Ntsiab lus tseem ceeb:

• Thawj fij nkoj tau tuaj nres ntawm Botany Bay hnub tim 18 January 1788, tsis yog hnub tim 26 lub 1 hlis ntuj.
• Australia raug teeb tsa ua ib lub teb chaws raws kev raws cai rau hnub tim 7 lub 2 hlis ntuj xyoo 1788, tsis yog hnub tim 26 lub 1 hlis ntuj.
• Hnub tim 26 lub 1 hlis ntuj yeej tau ras los ua ib hnub tawm tsam thiab qhia qhov tseeb txog neeg txum tim los ntev.

Mloog tau SBS Hmong ntawm no.

Zaj xov xwm no yog nthuav tawm raws li NITV daim yeeb yaj kiab (video) uas John-Paul Janke tshaj tawm. Nws kuj yog tus National Indigenous Affairs Editor ntawm SBS thiab yog tus koom tswj cov program The Point ntawm NITV. Nws thiaj mus taug txog hnub tim 26 lub 1 hlis ntuj tias tau ras los ua hnub Australia Day li cas, thiab vim li cas thiaj tseem muaj tej neeg muab hnub no teev raws cov ntsiab lus sib txawv thoob plaws ntawm lub teb chaws no.

• Tau muaj dab tsi tshwm sim rau hnub tim 26 lub 1 hlis ntuj ntawm Australia?
• Puas yog thawj fij nkoj tau tuaj txog ntawm Australia rau hnub tim 26 lub 1 hlis ntuj?
• Nom tswv tau qhia tias thaum twg kiag tau teb chaws Australia?
• Cov kev tuaj nres nkoj ntawm Australia no tau ua rau muaj teeb meem li cas rau neeg txum tim?
• Vim li cas hnub tim 26 lub 1 hlis ntuj thiaj tau ras los ua hnub Australia Day?
• Puas yog hnub Australia Day qhia txog hnub teeb tsa teb chaws Australia?
• Thaum twg thiaj mam siv lub npe hnub Australia Day?
• Vim li cas thiaj muab hnub tim 26 lub 1 hlis ntuj ua hnub tu siab rau tej neeg txum tim?
• Thaum twg hnub Australia Day thiaj mam ras lo sua ib hnub so haiv rau zej tsoom?
• Vim li cas hnub tim 26 lub 1 hlis ntuj thiaj tseem yog ib hnub tseem ceeb tam sim no?

Tau muaj dab tsi tshwm sim rau hnub tim 26 lub 1 hlis ntuj ntawm Australia?

Hnub tim 26 lub 1 hlis ntuj xyoo 1788 yog hnub teev txog thaum Captain Arthur Phillip tau tuaj txhos Askiv tus chij ntawm Sydney Cove. Thaum tsaus ntuj hnub ntawd ces tau muaj 11 lub nkoj ntawm thawj fij nkoj tau tuaj nres ntawm Port Jackson, tom qab tau ntev tshaj 8 hli thaum tau ncaim teb chaws Askiv tuaj.

Txawm tias lub tsam thawj no yeej ib txwm raug teev tias yog hnub pib haiv neeg no, los yeej tsis yog hnub neeg Askiv pib tuaj txog los sis tsis yog hnub teeb tsa lub teb chaws tshiab uas lawv tuaj namnias tswj hwm.

Sydney Cove, New South Wales, Australia, 1788, (1886). Sydney Cove ces yog ib thaj hiav txwv uas muaj av vis puag ncig nyob sab qab teb ntawm tej ntug hiav txwv ntawm Sydney Harbour. Yog thaj chaw raug Captain Arthur Phillip xaiv los teeb tsa neeg Askiv lub colony ntawm teb chaws Australia xyoo 1788, uas yav lig txuas ntxiv los tau ras los ua lub nroog Sydney. Pom tias muaj tej ntoo vis puag ncig daim duab 'Picturesque Atlas of Australalia Vol I', raws cov kev saib xyuas ntawm Frederic B Schell, (Picturesque Atlas Publishing Co, 1886). (Photo by The Print Collector/Print Collector/Getty Images) Credit: Print Collector/Print Collector/Getty Images

Puas yog thawj fij nkoj tau tuaj txog ntawm Australia rau hnub tim 26 lub 1 hlis ntuj?

Tsis yog. Thawj fij nkoj tau pib tuaj txog ntawm Botany Bay rau hnub tim 18 lub 1 hlis ntuj xyoo 1788. Tom qab uas tau txheeb thaj chaw no lawm, Phillip tau qhia tias tsis zoo siv ua chaw nyob vim av tsis zoo thiab muaj tej dej tsuag tsawg.

Tsis tas li ntawd los kuj tseem muaj tej cua hlob tau ua rau tej nkoj no raug muab ncua tsis muaj peev xwm mus rau lwm qhov, thiab hnub tim 25 lub 1 hlis ntuj thiaj muaj Fabkis ob lub nkoj uas Captain Jean-François de La Pérouse tau tuaj rau ntawm thaj ntug hiav txwv no. Thaum sawv ntxov ib hnub tom qab ntawd, Phillip thiab nws ib pab neeg tsawg tsawg thiaj tau txav mus rau Sydney Cove, uas tau ub ib lub koom txoos me ntsis rau hnub tim 26 lub 1 hlis ntuj.

Nom tswv tau qhia tias thaum twg kiag tau teb chaws Australia?

Ces txog hnub tim 7 lub 2 hlis ntuj xyoo 1788, Arthur Phillip uas yog tus nom ntawm lub colony no thiaj tau los lees colony of New South Wales tias yog ib lub colony raws kev raws cai.

Lub colony no tej ciam thiaj raug teev txog sab hnub tuaj ntawm txoj kab 135 meridian, uas kuav tej ciam ntau tshaj ib nrab ntawm nrim av no. Thiab tej ciam teb no yog xam raws li cov teb chaws Europe tej treaties, txawm tias qhov tseeb tiag tej teb chaws no yeej twb tau ras los ua neeg txum tim tej teb chaws lawm.

UNITED KINGDOM - JUNE 10: Engraving by W Sherwin after a painting by F Wheatly, of Phillip (1738-1814) who, in 1787, ua tus tswj thawj phaum nkoj (11 lub nkoj) thauj tej neeg raug txim tuaj rau Australia. Ces hnub nws tuaj tsuj thaj chaw Botany Bay tim 26 lub 1 hlis ntuj xyoo 1788 thiaj raug coj los ua kev zoo siab tam li yog hnub Australia txuas ntxiv tom qab no. Phillip thiaj tau teeb tsa ib thaj chaw Sydney Cove, Port Jackson los yuam tej neeg raug txim siv dag zog, thiab nws kuj raug teeb tsa ua tus Governor tswj tej colonies ntawm New South Wales. (Photo by SSPL/Getty Images) Credit: Science & Society Picture Librar/SSPL via Getty Images

Cov kev tuaj nres nkoj ntawm Australia no tau ua rau muaj teeb meem li cas rau neeg txum tim?

Thawj phaum nkoj uas tau tuaj txog ntawm lub teb chaws no yog cov teb chaws ntawm cov neeg txum tim yam tsawg li 29 haiv neeg uas nyob thoob rau ntawm thaj tiaj nrag Sydney Basin. Thiab tsis yog tej luaj puas uas tsis muaj neeg nyob.

Yog muab hnub tim 26 lub 1 hlis nuj no tham rau tej neeg txum tim lawm ces yog hnub cim txog cov kev pib ua rau lawv plam liaj ia teb chaws, yog hnub ntsib kev kub ntxhov thiab yog hnub tawm tsam. Tej kev tuaj nam nias liaj ia txheeb tswj hwm no yeej tseem ua rau muaj teeb meem ua ntuv zus los txog niaj hnub no.

Vim li cas hnub tim 26 lub 1 hlis ntuj thiaj tau ras los ua hnub Australia Day?

Tim 26 lub 1 hli ntuj raug Governor Lachlan Macquarie siv coj los qhia tias yog zej tsoom ib hnub so (Public holiday) ntawm New South Wales xyoo 1818. Uas txuas ntxiv los paub tias yog hnub First Landing Day los sis yog hnub Foundation Day.

Txog xyoo 1888, ces tej colonies feem coob thiaj mam muab hnub tim 26 lub 1 hlis ntuj ua hnub Foundation Day los yog hnub Anniversary Day, txawm li cas los ib lub colony (ib lub xeev twg) nyias yeej muaj nyias hnub teeb tsa lawv lub xeev sib txawv thiab.

Nyob rau yav lig tiam 19, ces lub koom haum Australian Natives Association (ANA) thiaj tau ras los ua lub koom haum txhawb nqa muaj zog heev kom muab hnub tim 26 lub 1 hlis ntuj los ua hnub so ntawm haiv neeg no. Lub koom haum no yeej tau txhawb nqa kom tsim tsab lub teb chaws Australia ua ib lub uas muab tag nrho tej xeev (colonies lub caij ntawd) sib sau ua ib lub teb chaws tab sis tsuas pub tej neeg dawb uas yog tej txiv neej neeg Australia yug ntawm teb chaws Australia no ua tub koom siab xwb.

Puas yog hnub Australia Day qhia txog hnub teeb tsa teb chaws Australia?

Tsis yog. Lub teb chaws Australia uas muaj ntau lub xeev sib koom ua ib tug tsoom fwv teb chaws Australia (Commonwealth of Australia) tau ras los ua teb chaws rau hnub xyoo tshiab xyoo 1901. Thiab tej nom tswv tau los zaum ua hauj lwm nom tswv ntawm tsev tsoom fwv teb chaws txuas ntxiv ntawd rau hnub tim 9 lub 5 hlis ntuj xyoo 1901.

Hnub tim 26 lub 1 hlis ntuj los kuj tsis yog hnub teev txog tej xwm txheej ntawd thiab. Tab sis yog hnub nco txog tej nkoj uas tuaj nres rau ntawm Sydney Cove xyoo 1788.

Thaum twg thiaj mam siv lub npe hnub Australia Day?

Lub tswv yim uas xav tsim hnub Australia Day ua ib hnub rau haiv neeg no tau tshwm sim rau lub caij muaj tsov rog ntiaj teb zeeg ib (World War I) tam li yog ib feem ntawm cov kev nrhiav nyiaj los pab cov kev ua kob tsov rog no. Thiab yeej tau ntau xyoo uas yeej ua tej koom txoos no rau lub 7 hli ntuj tsis yog ua rau lub 1 hlis ntuj.

Txog xyoo 1918 ces kuj tau muaj qee cov koom haum txawm pib muab hnub tim 26 lub 1 hlis ntuj hu tias yog hnub Australia Day. Xyoo 1930 ces lub koom haum ANA thiaj li tau los lees siv lub npe no raws kev raws cai, thiab txog rau xyoo 1935 ces tej xeev feem coob mam li siv raws, txawm li cas los xeev New South Wales (NSW) yeej tseem hu hnub no tias yog hnub Anniversary Day rau ntau xyoo ntxiv thiab.

Vim li cas thiaj muab hnub tim 26 lub 1 hlis ntuj ua hnub tu siab rau tej neeg txum tim?

Txog xyoo 1938 ces txwm 150 xyoo rau cov kev ua koom txoos nco txog cov kev tuaj nres nkoj ntawm Australia no, ces thiaj ua rau tej neeg txum tim tej coj tau npaj hnub tus siab (Day of Mourning). Thiab hnub no yog ib hnub thaum tseem ntxov tshaj plaws uas muaj kev tawm tsam pov puag neeg txum tim Aborigainal tej cai, thiab nqua hu kom kub siab txog cov kev tsis tau txais kev ncaj ncees, kev tsis pub koom, thiab cov kev raug plam liaj ia teb chaws.

Txij ntawd los hnub tim 26 lub 1 hlis ntuj thiaj tseem yog ib hnub tawm tsam muaj fwj chim heev, yog ib hnub nco txog tej neeg tau nruam sim thiab yog ib hnub ciaj dim ntawm neeg txum tim tej zej zog.

Thaum twg hnub Australia Day thiaj mam ras los ua ib hnub so haiv rau zej tsoom?

Yeej tau muaj zej tsoom cov hnub so (Public Holidy) sib txawv ntawm tej xeev los tau ntau caum xyoo. Ib txhias kuj siv hnub tim 26 lub 1 hlis ntuj, hos lwm cov ces kuj ua hnub holiday no rau hnub ze tshaj plaws rau hnub zwj Hli (Monday).

Tom qab xyoo 1988 uas txwm 200 xyoo, ces tag nrho txhua lub xeev thiaj maj mam pib tib los siv hnub no ua hnub so rau zej tsoom xwb. Thiab txog rau xyoo 1994 thiaj hnub tim 26 lub 1 hlis ntuj thiaj tau ras los ua zej tsoom hnub so uas haiv neeg no pom zoo siv ua ke.

SYDNEY, AUSTRALIA - JANUARY 26: A general view is seen during Australia Day Live 2024 at the Sydney Opera House on January 26, 2024 in Sydney, Australia. (Photo by Don Arnold/WireImage) Credit: Don Arnold/WireImage

Vim li cas hnub tim 26 lub 1 hlis ntuj thiaj tseem yog ib hnub tseem ceeb tam sim no?

Hnub tim 26 lub 1 hlis ntuj thiaj muaj ntau lub ntsiab lus. Rau ib txhia lawm ces yog sawv cev rau haiv neeg no lub cim thawj (Identity) thiab yog cov kev ua kev zoo siab. Tab sis yog xam rau tej neeg txum tim (First Nations peoples) lawm, ces yog ib lub cim qhia txog cov kev nam nias, cov kev plam liaj ia teb chaws, thiab cov kev nyiaj ntxeem.

Lub caij uas tseem muaj cov kev sib tham txuas ntxiv thoob teb chaws Australia txog hnub no txuas ntxiv, cov kev nkag siab txog tej keeb kwm ntxaws txog hnub no yog tej yam tseem ceeb ntawm cov kev qhia txog qhov tseeb, thiab cov kev los tsim kom tau lub neej pem suab uas sawv daws thoob tsib to nrog thiab lub neej pem suab uas sawv daws muaj feem koom.

Toom xov xwm Australia Explained no yog ib zaj dab neeg uas tau koom tes tsim nrog NITV. Tej suab lus uas John-Paul Janke hais no yog thaus los ntawm ib daim video uas NITV tshab txhais txog hnub no.

Subcribe los yog caum mloog tej xov xwm kaw ua suab Australia Explained kom paub txog ntau yam xov xwm tseem ceeb thiab tej lus taw qhia koj koj pib tau lub neej tshiab ntawm teb chaws Australia.

Yog tias koj muaj ib co lus nug dab tsi los yog muaj ib co tswv yim dab tsi? Ces xa email rau peb rau ntawm [e-mail]

Mloog tau xov xwm tshiab ntawm SBS Hmong, download SBS Adio app thiab caum SBS Hmong Facebook page.