Ntsiab lus tseem ceeb:
- Justice of Peace (JP) raug teeb tsa ua tus neeg muaj cai los ua tim khawv thaum kos xyeem mem tes rau tej ntaub ntawv cai lij choj thiab certify tej ntaub ntawv.
- Muaj peev xwm nrhiav tau ib tg JP ntawm yus zos thiab paub yus hom lus.
- JPs ces yog tej neeg ua hauj lwm yeem thaj—thiab lawv tsis tsub nqe services dab tsi rau yus them.
Ib tug Justice of the Peace—los yog JP—ces yog tus muaj peev xwm pab yus rau lub caij tseem ceeb tshaj plaws ntawm yus lub neej. Lawv tau txais kev ntseeg siab los ua cov hauj lwm pab yus tau ntaub ntawv kom siv tau raug kev raug cai.
JPs ces yeej yog tej neeg siab dawb siab ncaj thiab yog tej neeg uas muaj lwm tus hwm uas raug tej xeev teeb tsa tom qab uas tau ua tib zoo txheeb lawv zoo lawm. Ces lawv thiaj muaj cai los ua tej hauj lwm tam li yog ib tug tim khawv thaum yus kos xyeem mem tes rau yus tej ntaub ntawv kom siv tau raug kev raug cai.
JPs yeej tsis muaj peev xwm yuav nyiaj thaum lawv ua cov kev pab cuam no pub rau yus. Lawv tsuas yog neeg ua hauj lwm yeem thaj xwb thiab xav los ua ib yam dab tsi pab rau lawv tej zejzog xwb.
Dean Beck ces yog tus neeg ua hauj lwm Document Signing Centre Coordinator ntawm lub koom haum Victorian Pride Centre.
Nws hais tias “Kuv tau ras los ua ib tug JP vim kuv txiv yog ib tug kwv txiav txim plaub ntug Magisrate, thaib kuv los kuj tau loj hlob nrog tej cai lij choj,''
“Thiab kuv yeej tau ib txwm ua hauj lwm yeem thaj — thiab kuj yog ib feem ntawm peb tsev neeg cov kev ua zoo pab lwm tus. Ces kuv thiaj ua tej hauj lwm no."
I think a strong sense of social justice, fairness and equality, they're all good traits that I think I possess and they're all good traits for a JP.Dean Beck
Ib tug Justice of Peace (JP) ua tau dab tsi pab koj?
Phua kiag ntsiab lawm ces cov JPs pab kom yus siv tau yus tej ntaub ntawv raug kev raug cai.
Yeej ib txwm pom tias yuav tsum tau muaj ib tug JP ua tus kos xyeem mem tes rau yus tej ntaub ntawv mas thiaj siv tau raug cai thaib yog tus lees paub thiab qhia qhov tseeb tias yus tej ntaub ntawv yog cov muaj tseeb thiab raug tiag.
Mr Beck tshab txhais tias tej neeg no yeej tau kawm kom paub certify yus tej ntaub ntawv. Piv txwv li tej ntawv tsav tsheb, passport, ntawv teev yug yus, Medicare card los yog tej ntaub ntawv teev txog yus cov kev kawm.
A JP can stamp your document to certify that it is a true and correct copy of your original document. Source: Getty / StockPlanets
Beverly Alley uas yog tus coj lub koom haum Justices of the Peace Association ntawm ACT. Nws hais tias thaum yus nqa yus tej ntawv luam theem tau ntawm daim tseeb coj mus rau lawv ces lawv (JPs) yuav kos xyeem mem tes rau, teev cov hnub zwj thaj rau thiab sau lawv tus JP number rau cov ntaub ntawv copies ntawd.
“Ces tej neeg JP thiab yuav ntau lawv lub cim thiab kos xyeem mem tes lees paub tias daim ntawv ntawd yog ib daig muaj tseeb thiab rag raws li daim qauv tseeb uas nws tau pom tiag'''.
Ces tsis hais koj xav certify ntaub ntawv dab tsi li, thiaj xav kom koj npaj koj tej ID uas muaj koj daim duab li passport, ntawv tsev tsheb kom tus JP ntawd thiaj paub tias koj yog leej twg.
Alan Leung ces yog ib tug accountant thiab nws yeej niaj hnub certify tej ntaub ntawv ntau yam rau zej tsoom, uas yog tej yam nws xav ua pab rau ntau yam neeg sib txawv.
“Cov kev yog ib tug JP pab kom kuv muaj cib fim pab tej zejzog, uas yog tej yam zoo heev rau kuv thiab tau txais txiaj ntsij loj heev rau kuv.''
Ces thiaj muaj tej neeg ua lub neej sib txawv ntau yam tau ntsib Mr Leung tsis hais mus qev nyiaj, pib tej koom huam trusts, npaj ntawv faib peev txheej (Wills), los yog teeb tsa ib tug neeg muaj cai txiav txim thiab faib peev txheej rau ib tug neeg twg (Powers of Attorney), los yog lees paub ib tug twg cov kev ua txij nkawm los sis sib nrauj thiab qhia tias ib tug neeg twg puas yog tus neeg ntawd tiag.
Ib txhia xaiv tuaj ntsib kuv vim lawv xav tau kev pab ntawm ib tug JP uas hais lawv hom lus, piv txwv li kuv hais lus Cantonese, los yog tej neeg ntawm luv lub zos uas kuv pab lawv.Alan Leung
Statutory declaration yog dab tsi?
JPs ces yog cov neeg uas yeej ib txwm raug txib kom ua tiv kawv rau tej neeg kos xyeem mem tes rau ib co ntaub ntawv sau teev tej ncauj lug qhia qhov teeb (Statutory declaration - stat dec). Uas tej zaum yuav siv mus claim insurance lo sis thaum thov siv cov sick leave kom tau so tsis txhob tau mus ua hauj lwm thaum yus tsis xis nyob.
Ib daim ntawv 'stat dec' ces yog ib daim ntawv sau teev txog qhov tseeb thiab qhia tias tej lus ntawv raug thiab muaj tseeb tiag. Yus yuav tsum tau kos xyeem mem tes rau thiab muaj ib tug neeg JP ua tim khawv nrog pom.
You must sign a stat dec in the presence of an authorised witness such as a JP. Credit: MTStock Studio/Getty Images
Ib tug JP tsis muaj cai kos xyeem mem tes rau tej ntaub ntawv dab tsi?
JPs tsis muaj cai yuav certify tej ntaub ntawv uas lawv tsis swm. Piv txwv li tej ntaub ntawv uas yog tej ntawv uas lawv tsis nkag siab. Yog poob rau tej xwm txheej zoo li no ces yuav tsum xa tej neeg no mus ntsib cov JPs uas paub hom lus ntawd pab. Thiab tej zaum ces yog ib tug JP tsis muaj peev xwm pab ces lawv yuav tsum siv tus neeg Notary Public uas paub cai lij choj uas tus pab, uas lawv yuav kom yus them nqe.
Yuav nrhaiv tau ib tug JP qhov twg?
Ib lub xeev twg nyias yeej muaj nyias ib lub koom haum hauv online. Yus muaj peev xwm sau los lus 'find a JP' ntawm Department of Justice lub vas sab txheeb tau tej neeg no ntawm yus lub xeev.
Mr Leung tshab txhais tias yus muaj peev xwm txheeb tau qhov chaw, seb muaj qhov twg siv, thiab muaj cov kev pab ua hom lus twg, thiab yeej teev tej neeg no tej npe thiab.
Nws hais tias “Yog tias yus xav tau ib tug JP uas paub lus Cantonese ntawm Melbourne CBD uas ua hauj lwm rau cov hnub so, ces ntawm lub tuam chav no lub vas sab yeej qhia tej neeg no npe thiab xov tooj ces yus yeej muaj peev xwm teem caij mus ntsib lawv. Thiab yeej ua tau yooj yim heev.''
You can search for a JP by location, availability, language and even name. Source: Getty / SrdjanPav
Tej chaw kos xyeem mem tes rau tej ntaub ntawv (Document Signing Centres -DSC)
Yus yeej muaj peev xwm nrhiav tau tej neeg JPs ntawm tej xeev feem coob uas ua hauj lwm ntawm tej chaw Document Signing Centres (DSC) los yog tej neeg JP tej rooj uas npaj kos xyeem mem tes rau tej ntaub ntawv.
Thiab yeej muaj tej chaw no ntawm tej libraries, community centres, police stations thiab tej tsev hais plaub uas tsis tas teem caij li cia li mus siv xwb los tau.
Dean Beck hais tias txawm muaj tej chaw li hais no rau sawv daws siv los tsis yog ib co chaw uas sawv daws yuav muaj peev xwm mus siv tau thiab hais tsi ntsees li tej tub ceev xam tej chaw ua hauj lwm los yog tej chaw hais plaub. Nws thiaj li yog tus tswj cov kev kos xyeem mem tes rau tej ntaub ntawv ntawm lub koom haum Victorian Pride Centre ntawm St Kilda, uas tsuas yog tib lub chaw DSC uas nrug ntawm Melbourne CBD 10km uas tsis yog tub ceev xwm tej chaw ua hauj lwm los yog tsev hais plaub xwb.
Mr Beck hais tias “Peb yeej muaj tej chaw nyab xeeb rau tej neeg siv tsis hais lawv yog cov neeg pawg tsawg twg li, los yog lawv yog cov neeg sexuality zoo li cas li, los sis lawv yog cov neeg muaj caj ceg zoo li cas li.''
Thiab yus yeej muaj peev xwm mus sau los lus 'find a JP' rau ntawm lub tuam chav Department of Justice lub vas sab hauv online ntawm yus lub xeev ces yeej paub tias lub chaw Document Signing Centre ze tshaj plaws ntawm yus nyob qhov twg thiab muaj cov sij hawm ua hauj lwm li cas.
Subscribe los yog caum mloog tej xov xwm kaw ua suab Australia Explained kom paub txog ntau yam xov xwm tseem ceeb thiab tej lus taw qhia kom koj pib tau lub neej tshiab ntawm teb chaws Australia.
Yog tias koj muaj ib co lus nug dab tsi los yog muaj ib co tswv yim dab tsi? Ces xa email rau peb rau ntawm australiaexplained@sbs.com.au
