Cov kev nquag coj yus tej tsiaj mus ntsib kws kho tsiaj yog tej yam tseem ceeb pab kom yus tus tsiaj tau txais kev noj qab haus huv thiab zoo siab. Txheeb seb yuav tau ua li cas thaum mus rau ntawm ib lub chaw kho tsiaj ntawm Australia, tsis hais mus ntsib kws kho tsiaj li ib txwm mus los yog tej kev hnob tshuaj vaccines thiab tej lus taw qhia txog cov tu saib xyuas yus tus tsiaj kom tau txais kev noj qab nyob zoo.
Ntsiab lus:
- Cov kev coj tej tsiaj mus ntsib kws kho tsiaj tas mus li yuav pab tiv thaiv kom yus tus tsiaj tsis txhob muaj mob thiab txheeb tau tej mob thaum tseem ntxov.
- Yeej muaj cov chaw kho tsiaj emergency veterinary centres los kho tej tsiaj mob sab tom qab lawj hauj lwm ntawm tej chaw kho tsiaj siv.
- Tam li yog ib tug tswv tsiaj yus yog tus yuav tau them tej nqe kho yus tus tsiaj, suav cov nqe siv tsev kho tsiaj nrog.
- Vim li cas thiaj tseem ceeb uas yuav tau coj koj tus tsiaj mus ntsib kws kho tsiaj?
- Tsim nyog koj npaj li cas thaum mus ntsib kws kho tsiaj?
- Yuav muaj dab tsi tshwm sim thaum koj nyob ntawm lub chaw kho tsiaj?
- Tsim nyog koj ua dab tsi yog tias koj tus tsiaj poob rau cov xwm txheej emergency?
- Leej twg yog tus yuav tau them tej nqe kho tsiaj?
Vim li cas thiaj tseem ceeb uas yuav tau coj koj tus tsiaj mus ntsib kws kho tsiaj?
Muaj Australia tej cuab yig yuav laug txog li 75 feem pua yeej yug ib tug tsiaj thiab lawv yeej xav tias tus tsiaj ntawd yog ib feem ntawm lawv tsev neeg, li tVera Szito tus dev Labrador hu ua Choccy.
Ms Szito hais tias "Nws (tus dev hu ua Choccy) yeej yog ib tug ntawm peb tsev neeg 100 feem pua. Tsis yog tias nws zoo li ib tug ntawm peb tsev neeg xwb tab sis nws yog peb tsev neeg."
Cov kev yog ib tug tswv tsiaj txhais tias koj muaj lub luag hauj lwm yuav tau tu saib xyuas koj tus tshiaj li coj mus ntsib kws kho tsiaj mus txheeb tas mus li seb lawv puas tau txais kev noj qab haus huv.
Dr Diana Barker hais tias tej tsiaj ces zoo li yus yeej tsis paub tias lawv muaj mob li.
"Cov kev coj yus tus tsiaj mus ntsib kws kho mob tas mus li yuav pab kom tej kws kho tsiaj txheeb tau tias muaj tej yam dab tsi txawv txav uas tej zaum yus tsis pom, tab sis kuj muaj cib fim rau yus sab laj seb yuav ua dab tsi tiv thaiv coj los tu saib xyuas yus tus tsiaj thiab."
Cov kev tu saib xyuas coj los ua kev tiv thaiv yog cov kev hno tshuaj vaccine, noj tshuaj tua cab, txheeb hniav thiab cov kev tiv thaiv ua ntej yuav kis tau kab mob, thiab kev txheeb thiab sim seb pua paub tias puas muaj ib yam mob dab tsi thaum tseem ntxov.
"Cov kev muaj kev sib raug zoo tas mus li nrog yus tus kws kho tsiaj kuj yuav pab kom yus tus tsiaj tsis txhob ntshai thaum yus coj mus rau ntawm tsev kho tsiaj. Kom lawv thiaj swm thaum lawv mob thiab coj mus kho mob."
Tsim nyog koj npaj li cas thaum mus ntsib kws kho tsiaj?
Raws li Dr Ryan On hais ces tej zaum kuj tsis yog tej yam yooj yim uas tej zaum yus kuj yuav tsis nco tag nrho txhua yam thiab.
Nws hais tias "Thiaj xav kom sau tej yus txhawj xeeb cia ua ntej raws li qhov muaj peev xwm sau, yog tias yus txhawj txog ntau yam li yus tus tsiaj tej cwj pwm uas pauv hloov lawm, lo yog lawv cov kev noj kev haus, thiab tej tshuaj noj tsis ntev los no."
Li Ms Szito tshab txhais tias thaum teem caij mus siv tsev kho tsiaj ces ces tshab txhais tias vim li cas thiaj mus ntsib lawv, thiab qhia rau lub clinic paub tias seb yus xav tau ib yam dab tsi rau yus tus tsiaj.
"Tsis hais tej ntawd yog cov kev pab coj peb tej tsiaj mus rau hauv tsheb los yog ua tib zoo xyuas kom muaj chaw txaus rau sawv daws tos ntawm qhov chaw tos, lawv yeej ua tib zoo xyuas yus tej tsiaj kom tau ib co experience kom zoo npaum li zoo tau ntawm lub chaw kho tsiaj."
Dr Barker tshab txhais tias yeej muaj ntau txoj xub ke pab ntau yam tsiaj sib txawv uas tsis tshua swm nrog tej chaw txawv.
Nws hais tias ''Yog tias koj miuaj ib tug miv, ces tsim nyog koj teem ib lub caij tsis muaj neeg mus siv tsev kho tsiaj coob ntawm ib hnub twg, vim tej zaum tej miv yuav ib nyuag ntshai vim muaj dev coob."
Yuav muaj dab tsi tshwm sim thaum koj nyob ntawm lub chaw kho tsiaj?
Thaum yus mus txog lawm ces xav kom mus rau ntawm qhov chaw tos txais qhua thiab mus teev zwm yus npe tos.
Dr Barker tshab txhais tias "Kom nco tias txhua tus ntawm lub chaw kho tsiaj yog cov neeg nyiam tsiaj. Thiab lawv yeej zoo siab heev uas xav kov xav plhws yus tus tsiaj, thiab yeej xav mloog yus tej lus tias seb yus tus tsiaj nyiam dab tsi tshaj plaws.
"Tej zaum lawv yuav hais kom yus coj yus tus tsiaj mus luj seb hnyav li cas, thiab miv ces yeej ib txwm coj mus luj ntawm lub chav sab laj nrog tus kws kho tsiaj tham."
Thaum yus mus rau ntawm chav nrog kws kho tsiaj txheeb yus tus tsiaj lawm, ces tus kws kho tsiaj yuav nug tej lus nug rau lub caij tseem txheeb yus tus tsiaj.
"Suav cov kev txheeb yus tus tsiaj tej qhov muag, pob ntseg, tej plaub, tej pob qej txha, mloog seb lawv lub plawv thiab lus ntsws puas tseem ua hauj lwm zoo, thiab mloog lawv tej plab seb puas muaj ib yam dab tsi txawv txav sab hauv,"
Yus cov kev teem caij kuj yog ib co cib fim rau yus tham thiab nug txog yus tej kev txhawj xeeb ib yam dab tsi txog yus tus tsiaj cov kev noj qab haus huv. Thiab tus kws kho tsiaj yeej muaj peev xwm tham txog tias seb ho muaj tej xub ke twg rau yus siv, uas tej zaum yus kuj yuav tau mus sim lawm yam ntxiv lo syog seb ho puas sim siv ib co tshuaj tshiab kho.
Tom qab uas sab laj thiab txheeb tag lawm, tus kws kho tsiaj thiaj mam sau tshuaj thiab yus muaj peev xwm nqa tshuaj ntawm tej neeg ua hauj lwm tos txais qhua uas yus mam them tej nqe kho thiab nqe tshuaj, thiab nqe ntsib.
Tsim nyog koj ua dab tsi yog tias koj tus tsiaj poob rau cov xwm txheej emergency?
Veterinary emergency centres ces yeej muaj ib co twj kho mob uas kho ib co mob twg tsi ntsees coj los kho ntau yam mob yog tias yus tus tsiaj nyob nyob cia li mob sab thiab raug mob.
Li Dr Ong tshab txhais tias tej zaum tej no kuj yuav kuv txog ntau yam li ''... raug tsheb nrau los yog raug mob los yog ntuav, raws plab sab heev, ua tsis tshua taus pa, nriaj ib ce, cia li qaug, tsaus muag los yog tej zaum yus tus tsiaj noj tau ib yam taug dab tsi.
Ntawm Australia ces yeej muaj nab tom tej tsiaj uas yeej ib txwm yog ib co kev kho mob uas yuav tau kub siab ceev nrooj kho.Dr Ryan Ong
"Thiab dua ntawm tag nrho tej twj thiab tej chaw, thiab tej emergency hospitals yeej muaj tej kws kho tsiaj, muaj tej nurses uas tau kawm kom paub ua cov hauj lwm kho tej mob ti tes ti taw thiab tu saib xyuas tej tsiaj uas mob sab,''
Yog tias koj ho muaj ib yam txhawj xeeb ceev heev txog koj tus tsiaj, ces Dr Ong taw qhia kom hu rau lub chaw veterinary emergency centre sab laj thiab thov kev taw qhia. Thiab lawv yeej muaj peev xwm npaj tos yus thiab taw qhia tias yuav thauj yus tus tsiaj mus li cas thiaj tau txais kev nyab xeeb.
"Raws li ib txwm pom ces yeej tsim nyog ntim thiab kaw tej tsiaj me thiab tej miv rau tej tawb kom ruaj, thiab yus muaj peev xwm muab ib daig ntaub nyias nyias vov saum lub ncov ntawm lub tawb ntim kom lawv tsis txhob ntshai. Hos yog tej dev ces yog lawv mus tsis taus kev los yog lawv raug tsheb nrau los yog pob txha dam ces yus muaj peev xwm siv ib daim pam coj los qhw pav rau."
Thaum koj mus txog rau ntam lub chaw kho tsiaj veterinary emergency centre lawm ces tej neeg ua hauj lwm yeej yuav los txheeb yus tus tsiaj tias seb puas muaj mob sab npaum li cas.
''Tej tsiaj uas mob sab tshaj plaws yeej ib txwm yuav raug xub kho ua ntej, ces txawm yus xub mus txog ntxov ua ntej los yog yus tus mob hauj sim ces yuav tau tos mam kho tom qab. Yog tias tej neeg kho tsiaj ho muaj ib co kev txhawj xeeb dab tsi, ces lawv yeej yuav thov kev tso cai ntawm yus coj yus tus tsiaj coj ncaj qha mus rau qhov chaw kho mob kiag.
''Kuv paub tias tej thaum yeej muaj ntsis txaus ntshai uas yus tus tsiaj raug cais ntawm yus tab sis thaum lawv yuav cais ces lawv yeej ua tib zoo xyuas kom saib xyuas tau yus tus tsiaj thiab yuav ua tib zoo tswj kom yus tus tsiaj nyob tus kom sai thiab xyuas kom tsis txhob mob lawv raws li qhov tsim nyog ua."
Tus kws kho tsiaj thiaj yuavtwg, tshab txhais ib co kev ntsuam mob, kev sim los yog ib co kev kho mob twg, thiab qhia tias yuav raug tus nqe kho npaum li cas.
Leej twg yog tus yuav tau them tej nqe kho tsiaj?
Tam li yog ib tug tswv tsiaj, yus yog tus yuav tau them tej nqe cuam tshuam txog yus tus tsiaj, suav tej nqe siv tsev kho tsiaj rau lub caij yus coj tus tsiaj mus ntsib kws kho tsiaj nrog.
Ib feem ntawm cov kev ua tswv rau ib tug tsiaj twg ces tej thaum yeej muaj ntau tsav yam yuam kev yam yus tsis nco faj txog. Thiaj tsim nyog yus nrog yus tsev neeg tham thiab npaj ib co tswv yim tias yuav siv nyiaj li cas tu yus tus tsiaj thiab npaj ib co tswv yim tias seb yus yuav them tej nqe ntawd li cas.Dr Diana Barker
Yog tias koj tsis tshua muaj nyiaj kho thiab tu saib xyuas koj tus tsiaj, ces yog tej yam tseem ceeb koj yuav tau qhia rau tej neeg ua hauj lwm ntawm lub chaw kho tsiaj paub, yam hwm lawv.
Dr. Barker hais tias "Tej neeg uas tu thiab saib xyuas tej tsiaj yeej yog cov kawm thiab paug zoo txog tej tsiaj heev. Lawv yeej yog cov tej neeg siab zoo, muaj cov kev sib tham uas hwm lwm tus, uas pab kom lawv kub siab los tu koj tej tsiaj tsi ntsees, thiab yuav koom tes nrog yus yam qhib siab lug los ua cov kev txiav txim siab zoo tshaj plaws rau yus tus tsiaj."
Pet insurance (Cov kev yuav nyiaj tuav pov hwm kho tsiaj) kuj yog ib txoj xub ke pab them tej nqe kho tsiaj thiab. Tsis tas li no los kuj yog tej yam pab kom yus tsis txhob nyuaj siab yog tham txog tej nqe kho tsiaj uas yus tsis faj txog.
Subcribe los yog caum mloog tej xov xwm kaw ua suab Australia Explained kom paub txog ntau yam xov xwm tseem ceeb thiab tej lus taw qhia koj koj pib tau lub neej tshiab ntawm teb chaws Australia.
Yog tias koj muaj ib co lus nug dab tsi los yog muaj ib co tswv yim dab tsi? Ces xa email rau peb rau ntawm australiaexplained@sbs.com.au
Mloog tau xov xwm tshiab ntawm SBS Hmong, download SBS Adio app, caum SBS Hmong ntawm Facebook,mloog tau Youtube, Spotify, Podfollow, iHeart Radio, Google Podcast thiab Apple Podcast.
