Shaolin Temple-TawbKojTsisTxawjDhuav Source: TawbKojTsisTxawjDhuav
Ter Xiong in front of Shaolin students-TawbKojTsisTxawjDhuav Source: TawbKojTsisTxawjDhuav
Shaolin Kungfu at 12th Zhengzhou China International Shaolin Kungfu Festival-TawbKojTsisTxawjDhuav Source: TawbKojTsisTxawjDhuav
Tom qab lawv xyaum yuav tiav ntawd, tus neeg txhais lus qhia rau lawv tias yuav muaj ib cov kev sib tw txuj tes taw ntawm teb chaws Suav hu ua the 12th Zhengzhou China International Shaolin Kungfu Festival no. Ces nws thiab pab hluas Nplog no thiaj tau txiav txim sib mus koom, txawm tias tsis yog nom tswv Nplog xa raug kev raug cai mus koom los lawv yeej mus sib tw sawv cev rau teb chaws Nplog.
Kim Xyooj hais tias yog ib lub meej mom tshwj xeeb heev rau nws uas nws raug xaiv ua tus sawv cev rau nws lub teej kawm kom tau mus koom cov kev xyaum tes taw no rau ntawm Suav lub Shaolin Temple uas muaj koob nto npe no thiab tau mus sawv cev rau teb chaws Lostsuas thiab ho sib tw yeej tau txhua hom npib los rau cov neeg sib tw no thiab rau teb chaws Nplog.
Shalin Qinxingquan gold medal-TawbKojTsisTxawjDhuav Source: TawbKojTsisTxawjDhuav
Tawb qhia tias nws zoo siab heev thiab ua tsaug rau lub sij hawm thiab lub cib fim uas nws muaj peev xwm sib tw yeej tau npib kub rau nws thiab rau teb chaws Nplog los yog sawv cev rau tsev neeg Hmoob.
Saib Tawb Xyooj thiab ntau tus neeg sib tw txais lawv cov npib rau thawj hnub kev sib tw hu ua Shaolin Qixingquan ntawm nod:
Tawb Xyooj tau koom 3 co kev sib tw. Thawj yam yog cov hu ua Shaolin Qinxingquan uas nws tau ib lub npib kub. Hom 2 yog co vkev sib tw Shaolin Chuan uas yog txuj hmuv ces nws tau npib tooj, thiab hom peb yog Nplog pab kom tes taw ces lawv tau npib tooj tib yam thiab tab sis muaj cov npib no tsis txaus ces lawv thiaj tau ntawv pov thawj xwb.
Saib tau cov kev sib tw hnub 2 uas yog cov kev sib tw txuj hmuv (Shaolin Chuan) tau ntawm no:
Saib tau Nplog pab dhia txuj rau hnub peb uas Skhone Mine Phongsanit tso hauv Facebook page ntawm no:here by Sakhone Mine Phongsanit.
Cov kev sib tw no kuj yog ib lub tsam thawj zoo heev ces Tawb Xyooj thiab cov hluas neeg Nplog no thiaj sib tw tau zoo thiab tau ntau yam npib xws li tau npib kub 7 lub, tau npib nyiaj 12 lub thiab tau npib tooj 20 lub diam.
Tawb Xyooj tseem qhia ntxiv tias nws yeej tsis paub txog cov kev sib tw no li. Nws nyiam saib cov yeeb yaj kiab uas sib ntau hauv TV xwb ces mam li xyaum thiab saib xwb.
Nws kuj tau koom ua tau ib pob yeeb yaj kiab hu ua Laib Laus uas nws ua tus cawm seej ntau nrog cov neeg phem uas nyiag nws tus hluas nkauj coj khiav ntawd. Nws kuj qhia tias yog muaj neeg ua yeeb yaj kiab thiab txhawb nqa nws ces nws yeej tseem xav mus nrog lawv koom ua txuas ntxiv thiab.
Tawb Xyooj yeej tsis xav li tias yuav muaj hnub thiab muaj hmoo tau los sawv cev rau nws lub teb chaws mus sib tw thiab yeej npib kub li. Nws xav ua tsaug rau lub sij hawm thiab lub caij nyoob pab kom nws ua tau yam nws nyiam ua tau tiav raws siab xav.
Xyaum txuj ntaj thiab hmuv-TawbKojTsisTxawjDhuav Source: TawbKojTsisTxawjDhuav
Nws tseem qhia ntxiv tias cov kev xyaum txuj tes taw no yog tej yam zoo, vim yuav pab kom yus lub cev muaj zog thiab tau txais kev noj qab haus huv thiab. Yog li ntawd nws thiaj xav txhawb nqa thiab qhia kom tej hluas Hmoob nyob leej twg nyiam raug los kom kav tsij mus kawm thiab.
Nws qhia tias yog leej twg xav kawm los nws yeej qhia tau thiab raws li qhov nws paub thiab nws txawj li nws tau kawm lo rau cov xav kawm.
Tab sis lub hom phiaj loj thiab tseem ceeb yog nws xav xyaum ntxiv kom txawj tshaj qub kom thiaj li npaj tau rov qab mus sib tw dua zaum tom ntej no ntxiv.#
