အီစထြ့လယါကီၢ်ပၣ်ဃုာ်ဖဲထံကီၢ်အါဘ့ၣ်အကျါလၢအတဲဖျါထီၣ်တရူးကီၢ် “စဲးဘၢး” တၢ်ဒုးထီဒါတၢ်

အီစထြ့လယါကီၢ်တီခိၣ်ရိၤမဲ တၢ်ပာ်တၢ်ကမၣ် တရူးအဆိကတၢၢ်တဘျီဒီး ထုးထီၣ်ရၤလီၤဝဲဘံၣ်ဘၢတၢ်ဟ့ၣ်ကူၣ်ဟ့ၣ်ဖးအဂ့ၢ်လီၤတံၢ်လီၤဆဲး လၢအဘၣ်ဃး စဲးဘၢးတၢ်ဒုးထီဒါ တၢ်နုာ်လီၤမၤဟးဂီၤတၢ်ဆူပှၤဂၤခီဖၠူထၢၣ်အပူၤ ဒီးကိးဝဲဒၣ်တရူးကီၢ်လၢအမ့ၢ် ပှၤသးက့ၣ်မၤအၢတၢ်လၢစဲးဘၢးတၢ်ဖံးတၢ်မၤန့ၣ်လီၤ.

---

ဘံၣ်ဘၢတၢ်ဟ့ၣ်ကူၣ်ဟ့ၣ်ဖးတၢ်ကရူၢ်အံၤ ဘၣ်တၢ်သ့ၣ်ညါအီၤဒ်အမ့ၢ် Five Eyes သိၣ်မှံၤကရူၢ် လၢအပၣ်ဃုာ် ကီၢ် UK, US, Canada ဒီး New Zealand ကီၢ်အတၢ်ဆဲးလီၤစုမုကျၢၢ် ဃုာ်ဒီး Germany, Japan ဒီး ခိးရံယါကလံးထံး သ့ၣ်တဖၣ်န့ၣ်လီၤ.

Five Eyes သိၣ်မှံၤကရူၢ်အံၤ ပာ်ဝဲဒၣ်အဝဲသ့ၣ်တၢ်ပညိၣ်သ့ၣ်တဖၣ်ဆူကရူၢ်လၢအမံၤမ့ၢ် APT40 လၢအဆီလီၤအခီၣ်တဃာ်ဖဲ Hainan ကီၢ်ရ့ၣ်အပူၤ, လၢအဝဲသ့ၣ်တဲဝဲဒၣ် ကရူၢ်အံၤ မၤတၢ်လၢ တရူးကီၢ် ဘံၣ်ဘၢဝဲၤကျိၤ ခၢၣ်စးအဂီၢ်န့ၣ်လီၤ.