အီစထြ့လယါကီၢ်တၢ်ဟ့ၣ်ကူၣ်ဟ့ၣ်ဖးကသံၣ်ဒီသဒၢကရၢမိၢ်ပှၢ် ဟ့ၣ်ခွဲးလၢ တၢ်ကဆဲးဆူၣ်ထီၣ်ကသံၣ်ဒိသဒၢအဂံၢ် လီၤလီၤဆီဆီလၢ Omicron အကလုာ်သီအဂီၢ် မ့ၢ်လၢအီစထြ့လယါကီၢ်ပူၤအံၤ ပှၤဘၣ်တၢ်ဆါဟဲအါထီၣ်ကွ့ၢ်ကွ့ၢ်အဃိန့ၣ်လီၤ.
ကီၢ်စၢဖှိၣ်ပဒိၣ် မၢ်လိာ်လီၤဝဲဒၣ် Pfizer ကသံၣ်ဒီသဒၢစၢၤသွဲၣ်လၢအသီတခါ အဖျၢၣ် 4.7 ကကွဲၢ် ဒီးကသံၣ်ဒီသဒၢသ့ၣ်တဖၣ်အံၤကဟဲတုၤဆူမဲာ်ညါတနွံန့ၣ်လီၤ.
ကသံၣ်ဒီသဒၢလၢအကဟဲတုၤအံၤ တၢ်ကသူအီၤလၢ တၢ်ဆဲးန့ၢ် ပှၤအီစထြ့လယါ လၢအသးနံၣ် ၁၈နံၣ်ဒီးဆူအဖီခိၣ်အဂီၢ် လၢအဘၣ်ဆဲးကသံၣ်ဒီသဒၢ ၃ဖျၢၣ်တဖျၢၣ် မ့တမ့ၢ် ၄ဖျၢၣ်တဖျၢၣ်အဂီၢ်သ့ၣ်တဖၣ်န့ၣ်လီၤ. လၢတၢ်ဆဲးဆူၣ်ထီၣ်ကသံၣ်ဒီသဒၢအဂီၢ်န့ၣ် တၢ်ကသူစ့ၢ်ကီး Moderna ကသံၣ်ဒီသဒၢ လၢတၢ်မၤသီထီၣ်က့ၤအီၤ ဒီး တၢ်ကစးထီၣ်ဆဲးအီၤဖဲ လါဒံၤစဲဘၢၣ် ၁၂သီန့ၣ်လီၤ.
Share
